كوروناۆيرۋس • 20 شىلدە، 2020

جامبىلدا ءبىر جاسقا تولماعان بالادان دا كوروناۆيرۋس انىقتالدى

229 رەت كورسەتىلدى

سوڭعى دەرەك بويىنشا جامبىل وبلىسىندا كوروناۆيرۋستىق ينفەكتسيا جۇقتىرۋدىڭ 104 جاعدايى تىركەلگەن. ونىڭ ىشىندە 46 جاعداي سيمپتومدىق بولسا، 58 دەرەك سيمپتومسىز بولىپ وتىر، - دەپ حابارلايدى Egemen.kz

تاراز قالاسىندا 28 سيمپتومدىق جاعداي انىقتالسا، سارىسۋ اۋدانىندا 5، قورداي جانە جامبىل اۋداندارىندا 4، جۋالى جانە بايزاق اۋدانىندا 2 جاعدايدان، ال تالاس اۋدانىندا 1 جاعداي تىركەلگەن. بارلىق ناۋقاس جەدەل رەسپيتارورلىق ۆيرۋستىق ينفەكتسيا بەلگىلەرى بويىنشا وزدەرى ەمحاناعا جۇگىنگەن ەكەن.

جالپى، وڭىردە قاۋىپتى ىندەتپەن اۋىرعان ناۋقاستاردىڭ دەنىن زەينەتكەرلەر قۇراپ وتىر. سوڭعى دەرەك بويىنشا وبلىستا بارلىعى 24 زەينەتكەردە سيمپتومدىق كوروناۆيرۋس راستالعان. ال، ءالى ءبىر جاسقا تولماعان بالادان دا كوروناۆيرۋس ىندەتى انىقتالىپ وتىر. ناۋقاستار جۇقپالى اۋرۋلار اۋرۋحاناسىنا جەتكىزىلدى.

ولارمەن بايلانىستا بولعان ادامدار كارانتينگە الىنىپ، وشاقتاردا قورىتىندى دەزينفەكتسيا جۇرگىزىلگەن. جالپى، سوڭعى جاعداي بويىنشا جامبىل وبلىسىندا 2896 كوروناۆيرۋس ينفەكتسياسىنىڭ دەرەگى تىركەلگەن. ولاردىڭ ىشىندە 1345 ناۋقاس ەمدەلىپ، دارىگەرلەردىڭ باقىلاۋىنداعى ءۇي كارانتينىنە شىعارىلعان.

 

جامبىل وبلىسى

 

سوڭعى جاڭالىقتار

ۇقساس جاڭالىقتار