ايماقتار • 20 شىلدە، 2020

42 174 قىزىلوردالىققا 42500 تەڭگە ەسەپتەلدى

233 رەت كورسەتىلدى

"ازاماتتارعا ارنالعان ۇكىمەت" مەملەكەتتىك كورپوراتسياسى" كە اق قىزىلوردا وبلىسى بويىنشا فيليالىنىڭ بازاسى ارقىلى كارانتين ۋاقىتىندا تابىسىنان ايىرىلعان 42 174 تۇرعىنىنا 42 500 تەڭگە كولەمىندە تولەم جاساۋعا جىبەرىلدى، - دەپ حابارلايدى Egemen.kz.

ال، 27 665 قىزىلوردالىققا اۆتوماتتى تۇردە SMS جولدانىپ، تابىسىنان ايىرىلعاندىعىن راستاۋ جۇمىستارى جۇرگىزىلدى.
14 807 ازامات TelegramBot قوسىمشاسى مەن 42500.enbek.kz ۆەبسايتى ارقىلى ءوتىنىم جولدادى.

قازىرگى تاڭدا قيىن جاعدايعا تاپ كەلىپ، كىرىسىنەن ايىرىلعان ءوز-ءوزىن جۇمىسپەن قامتۋشىلارعا، جەكە كاسىپكەرلىكپەن شۇعىلدانۋشىلارعا مەملەكەت تاراپىنان 42 500 تەڭگە بولىنۋدە. وسى رەتتە، "ازاماتتارعا ارنالعان ۇكىمەت" مەملەكەتتىك كورپوراتسياسىنىڭ الەۋمەتتىك سالا ماماندارى دەمالىس كۇندەرگە قاراماي ەڭبەك ەتىپ، تابىسىنان ايىرىلعاندارعا تولەماقىنىڭ ۋاقىتىلى تولەنۋىنە جۇمىس جاساۋدا.

ايتا كەتەيىك، بۇل تەك 19 شىلدەدەگى ساعات 17:00-دەگى اقپارات. نەگىزى وتىنىمدەر بازاعا كۇندەلىكتى كەلىپ تۇسۋدە. بۇعان دەيىن 42500 تەڭگە العان ازاماتتارعا 1414 ارقىلى سمس حابارلاماسى جولدانۋدا. ەگەر وعان دۇرىس جاۋاپ بەرسەڭىز، ءوتىنىم جولداماي ءتيىستى تولەماقى تاعايىندالاتىن بولادى.

ەسكەرتە كەتەتىن جاعداي، ەگەر جەكە كاسىپكەرلىكتە جۇمىس ىستەپ، اقىسىز ەڭبەك دەمالىسىنا جىبەرىلسەڭىز وندا ءوتىنىمدى جۇمىس بەرۋشى جولداۋى قاجەت. الەۋمەتتىك تولەم الۋعا ءوتىنىمدى eGov ەلەكتروندى ۇكىمەت پورتالى مەن 42500.enbek.kz ۆەبسايتى جانە Telegram-بوت، kaspi.kz ءموبيلدى قوسىمشالارى ارقىلى ونلاين تۇردە جولداۋعا بولادى.

 

 

 

سوڭعى جاڭالىقتار

قازاقستاندا قانشا ادام ۆاكتسينا الدى

كوروناۆيرۋس • بۇگىن، 12:15

الماتىدا كىتاپ جارمەڭكەسى وتەدى

ايماقتار • بۇگىن، 09:40

ۇقساس جاڭالىقتار