جەدەل جاردەم بازاسىنداعى احۋالدىق ورتالىق ۆيرۋسپەن كۇرەس تيىمدىلىگىن ارتتىردى

مەديتسينا • 17 شىلدە، 2020

احۋالدىق ورتالىق ۆيرۋسپەن كۇرەس تيىمدىلىگىن ارتتىردى

16 رەت كورسەتىلدى

جەدەل جاردەم بازاسىنداعى احۋالدىق ورتالىق ىندەتپەن كۇرەس تيىمدىلىگىن ارتتىردى. بۇل تۋرالى ەلوردا اكىمدىگىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

ايىم ءداۋىت

ورتالىقتىڭ ارقاسىندا ناۋقاستاردىڭ قابىلداۋ بولىمشەلەرىندە كۇتۋ ۋاقىتى ەداۋىر قىسقارىپ، رەسۋرستاردى ءتيىمدى ءبولۋ قامتاماسىز ەتىلدى.

ەلوردالىق جەدەل جاردەم ستانتسياسى بازاسىنداعى احۋالدىق ورتالىق COVID-19 پاندەمياسى كەزەڭىندە مەديتسينا ۇيىمدارىنىڭ اراسىندا ءتيىمدى ءوزارا ءىس-قيمىل ماقساتىندا قۇرىلدى. ونىڭ نەگىزگى مىندەتى – COVID-19 جانە پنەۆمونيا بويىنشا تۇسكەن وتىنىمدەردىڭ مونيتورينگى، ناۋقاستاردى جەدەل جاردەم، بمسك جانە ستاتسيونارلار اراسىندا ءبولۋدى قامتاماسىز ەتۋ. مونيتورينگ ورتالىعىنا ءار ساعات سايىن كەلىپ تۇسكەن مالىمەتتەر نەگىزىندە باسقارۋدىڭ ماڭىزدى شەشىمدەرى قابىلدانادى.

احۋالدىق ورتالىقتىڭ قىزمەتى رەسۋرستاردى ءبولۋ ارقىلى مەديتسينالىق ۇيىمداردىڭ ءوزارا ءىس-قيمىلىنىڭ تيىمدىلىگىن ارتتىرۋعا مۇمكىندىك بەردى. سونداي-اق ناۋقاستاردىڭ قابىلداۋ بولىمشەلەرىندە كۇتۋ ۋاقىتى ايتارلىقتاي قىسقارعانى دا اسا ماڭىزدى. اتاپ ايتقاندا، ناۋقاستاردى باعىتتاۋ ورىن، كادرلار جانە تەحنيكالىق رەسۋرستاردى دۇرىس بولۋگە مۇمكىندىك بەرەدى.

"كارانتين ەنگىزىلگەننەن بەرى ءبىز قوڭىراۋلار مەن وتىنىمدەردىڭ 4 مىڭنان 2 مىڭعا دەيىن تومەندەگەنىن بايقادىق. ءبىز ەنگىزگەن مەحانيزمدەر – چات-بوتتار، بايلانىس ورتالىقتارى جوعارى تيىمدىلىك كورسەتتى. جەدەل جاردەم قىزمەتتەرىنە جۇكتەمە ايتارلىقتاي تومەندەدى. قازىر ءبىز ورتاشا جۇكتەمەمەن جۇمىس ىستەپ جاتىرمىز"، – دەيدى قالالىق جەدەل مەديتسينالىق جاردەم ستانتسياسىنىڭ ديرەكتورى مۇرات ورازباەۆ.