ال, وبلىستىق جەدەل جاردەم قىزمەتى ستانساسى ديرەكتورىنىڭ مىندەتىن اتقارۋشى نارگيز بايمولداەۆانىڭ ءمالىم ەتۋىنشە, قاۋىپتى ىندەت تىركەلگەننەن بەرى جەدەل جاردەمدى شاقىرۋشىلار كوبەيىپتى. بۇرىن تاۋلىگىنە 700-800 شاقىرتۋ تىركەلەتىن بولسا, قازىر ونىڭ سانى 1300-گە دەيىن ارتىپتى.
"ال, COVID-تاكسي قىزمەتى وسى جۇكتەمەنى ازايتۋعا ىقپال ەتۋدە. بۇل تولىققاندى بريگادامەن تەڭ دارەجەدە مەديتسينالىق قىزمەت كورسەتە الادى. COVID-تاكسي كوروناۆيرۋس, پنەۆمونياعا شالدىققاندارمەن بىرگە, قىزۋى كوتەرىلىپ تۇرعان ناۋقاستاردىڭ دا شاقىرتۋىنا بارادى. ەگەر كوروناۆيرۋسقا شالدىققان ناۋقاس دارىگەردىڭ قابىلداۋىنان شىعىپ, ۇيىنە جەتە الماي تۇرعان جاعدايلاردا وسى قىزمەتتى پايدالانا الادى. COVID-تاكسي-ءدىڭ بريگاداسى جۇرگىزۋشى مەن فەلدشەردەن تۇرادى. وكىنىشكە وراي, ءبىزدىڭ دە قىزمەتكەرلەرىمىزدىڭ اراسىندا ناۋقاستانىپ جاتقاندار بار. قازىرگى ۋاقىتتا قولدا بار مۇمكىندىكتى بارىنشا ءتيىمدى پايدالانۋعا تىرىسىپ وتىرمىز", - دەيدى اتىراۋ وبلىستىق جەدەل جاردەم قىزمەتى ستانساسى ديرەكتورىنىڭ مىندەتىن اتقارۋشى نارگيز بايمولداەۆا.
ەلىمىزدە العاش رەت اتىراۋ ىسكە قوسىلعان جاڭا قىزمەتتىڭ جۇرگىزۋشىلەرى دە العاشقى مەديتسينالىق كومەك كورسەتە الادى. ولار بازالىق رەانيماتسيالىق كومەك كورسەتۋ باعىتىندا كۋرستان ءوتىپتى. پنەۆمونيا مەن كوروناۆيرۋسقا شالدىققان ناۋقاستار بۇل قىزمەتتى ءدارى-دارمەك تاسىمالى ءۇشىن دە پايدالانا الادى.
