ايماقتار • 15 شىلدە، 2020

«ءبىز ونلاين كانيكۋلدا...»

19 رەت كورسەتىلدى

بيىل وڭىردە پاۆلودار وبلىستىق ءبىلىم باسقارماسى 1-10-سىنىپ وقۋشىلارىنىڭ جازعى دەمالىس بارىسىن مامىر ايىندا جوسپارلاعان بولاتىن. ياعني جازعى كانيكۋل كەزەڭىندە وڭىردەگى ەپيدەميالىق جاعداي شارتتارىن ورىنداي وتىرىپ، بالالاردىڭ جازعى دەمالىسىن ءداستۇرلى نەمەسە قاشىقتىق فورماتتا وتكىزۋ باعدارلاماسى ازىرلەندى.

قازىر جازعى دەمالىس، ساۋىقتىرۋ جانە بوس ۋاقىتتى وتكىزۋ شارالارىنا 105 مىڭنان اسا وقۋشى قاتىسىپ، 5587 وقۋشى ەڭبەككە ارالاستى. ولاردىڭ ىشىندە ورمانشىلىقتاردا 193 وقۋشى، كاسىپورىندار مەن شارۋا قوجالىقتارىندا 3472، جوعارى سىنىپ وقۋشىلارىنىڭ ەڭبەك جاساق­تارىندا 1922 وقۋشى جۇمىس ىستەۋدە. سونداي-اق، ەلىمىزدەگى ەپيدەميالىق جاع­دايعا بايلانىستى بالالاردىڭ جازعى دەمالىسىن ونلاين-فورماتتا وتكىزۋ دە جالعاسىپ جاتىر. بۇل ماقساتتا ءبىلىم باسقارماسى جازعى دەمالىستى ۇيىمداستىرۋ بو­يىنشا ادىستەمەلىك ۇسىنىمدار، بالالاردىڭ بوس ۋاقىتىن وتكىزۋ جانە ءۇي جاعدايىندا جۇمىسپەن قامتىلۋىن ۇيلەستىرۋگە باعىتتالعان قاشىقتىق جوبالار كەشەنىن ازىرلەدى. ياعني وبلىستىڭ قوسىمشا ءبىلىم بەرۋ ۇيىمدارى «دەمالىس OFF-line «مەكتەپ جانىنداعى لاگەرى» وبلىستىق قا­شىق­تىق جوباسىن ىسكە اسىرۋدا.

ماي اۋدانى كوكتوبە اۋىلى مەكتەبىنىڭ ديرەكتورى سانيال زىلكەنوۆتىڭ ايتۋىنشا، جازعى دەما­لىس كەزىندە قاشىقتىقتاعى لاگەر جۇمىسى جالعاسۋدا. بارلىق وقۋشىلار ينستاگرام پاراق­شاسىنا قوسىلىپ، مەكتەپ جوسپارى بويىنشا بولىن­گەن باعىتتاردا جۇمىستارىن ءبولىسىپ تۇرادى. جاز بويى وقۋشىلار مۇعالىمدەردىڭ باقىلاۋىندا بولادى.

 قازىر وقۋشىلار اراسىندا قاشىقتان «تۋعان جەر» ەكولوگيالىق بايقاۋى وتۋدە. باي­قاۋعا قاتىسۋشى اۋىل، قالا بالالارى كارتون قاعاز قورابى، پلاستيك قۇتى، تىعىن، پوليەتيلەن پاكەت، قاعاز، فولگا، ماتا قيقىمى سياقتى تولىپ جاتقان ءارتۇرلى جارامسىز زاتتاردان قولدان بۇيىمدار جاسايدى. ال وبلىس ورتالىعىنداعى وقۋشىلار «قالامىزدى تازا ۇستايىق» ەكولوگيالىق سۋرەتتەر بايقاۋىندا كوشەلەر، ۇيلەر، ساياباقتار، ەسكەرت­كىشتەر، تۇرعىن ۇيلەردى قوقىستاردان قالاي قورعاپ، ساقتاۋ كەرەك ەكەنىن سۋرەتكە سالىپ بەينەلەدى. وقۋشىلاردىڭ ەكولوگيالىق تاقىرىپتا سالعان سۋرەتتەرى ەرەسەكتەرگە وي سالارلىقتاي. قالاداعى م.اۋەزوۆ اتىنداعى مەكتەپتىڭ وقۋشىسى ايانات سارسەمبينوۆانىڭ «قالامىزدىڭ ورتالىق وزەن جاعالاۋى. ساحنا» سۋرەتى، سونداي-اق №21 مەكتەپتىڭ وقۋشىسى ەۆەلينا گاليپادتىڭ «دوستار، ءبارى دە جاقسى بولادى!» سۋرەتى، №19 مەكتەپتىڭ وقۋشىسى الميرا ءىلياسوۆانىڭ  ء«ماشھۇر ءجۇسىپ اتىنداعى مەشىت» سىندى سۋرەتتەرى جۇلدەلى ورىندارعا يە بولدى. ال وبلىس ورتالىعىنداعى «سيريۋس» لاگەرىنىڭ ءبىرىنشى ماۋسىمى «بارلىعىمىز بىرگە دەمالىپ، بىرگە ۇيرەنەمىز!» دەگەن تاقىرىپتا ءوتتى. ەكى اپتا بويى 70-تەن استام بالا ءتۇرلى ءىس-شارالار مەن كونكۋرستارعا تولى ۋاقىتتى وتكىزدى. بۇعان دەيىن ۇيرەنگەندەرىن ۇمىتپاي، ونلاين وقي الادى، ەندى بالالار مەكتەپ ونلاين-لاگەرىنە «بارۋدى» دا ەش قيىندىقسىز ء«بىز ونلاين كانيكۋلدا ءجۇرمىز!» دەگەن قىزىقتى كوڭىلمەن جالعاستىرۋدا.

سونىمەن قاتار ءاربىر اۋدان مەن قالادا بالا­لار­دىڭ دەمالىسىن ونلاين-فورماتتا وزىندىك جوبالار ىسكە قوسىلدى.

– بالالاردى مۋزىكالىق اسپاپتاردا ويناۋعا ۇيرەتۋ بويىنشا تەگىن ونلاين-كۋرستار، قىزى­عۋشىلىقتارى بويىنشا تاقىرىپتىق ساباقتار، اڭگىمەلەسۋ ساعاتتارى، شىعارماشىلىق كەزدەسۋلەر، توپتىق شەبەرلىك ساعاتتار، مۇراجايعا جانە قاسيەتتى ورىندارعا ۆيرتۋالدى ەكسكۋرسيالار، بايقاۋلار، ۆيكتورينالار، سپورتتىق جارىستار ۇيىمداستىرىلۋدا، – دەدى ءبىلىم باسقارماسىنىڭ وكىلدەرى.

 

پاۆلودار وبلىسى

 

سوڭعى جاڭالىقتار

قحل: ۆيزا بەرمەي جاتىر

حوككەي • بۇگىن، 15:18

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

ۇقساس جاڭالىقتار