ونىڭ شارتتارىنا سايكەس ەلىمىز بويىنشا 68 جاس ۆولونتەر شاعىن گرانتقا يە بولسا, ولاردىڭ 10-ى – اقتوبەلىك. جوبا جەڭىمپازدارى الداعى ۋاقىتتا الەۋمەتتىك قىزمەت كورسەتۋ ورتالىقتارىندا تاعدىردىڭ تەپەرىشىنە تاپ بولعان بالالار مەن جاسوسپىرىمدەرگە تالىمگەرلىك تۇرعىدان قولداۋ كورسەتپەك.
اقتوبە وبلىستىق جاستار رەسۋرستىق ورتالىعىنىڭ ءبولىم باسشىسى, جوبا تالىمگەرى نۇرباقىت التىنبەكقىزىنىڭ ايتۋىنشا, وڭىردەن جەڭىمپاز اتانعان 10 ۆولونتەر جاسقا بۇل باعىتتاعى جۇمىستارمەن اينالىسۋ ءۇشىن ءبىر ۇيلەستىرۋشى مەن ءۇش اعا تالىمگەر جانە الپىسقا جۋىق ۆولونتەر قوسىلماق. ولار ءوز قىزمەتتەرىن وڭىردەگى «ايالا», «مەيىرىم» جانە «جاينا» الەۋمەتتىك دامىتۋ ورتالىقتارىمەن تىعىز بايلانىستا جۇرگىزۋدى ۇيعارعان. بۇل رەتتە بۇگىنگى كۇنى تالىمگەرلىككە تارتىلعانداردى ونلاين فورماتتا وقىتۋ ءىسى قولعا الىنعان. وسى شەڭبەردە ءوزارا تانىسۋ مەن ءتۇسىنىسۋ ءۇشىن ونلاين كەزدەسۋلەر ۇيىمداستىرىلا باستادى.
«جاڭا جۇيە مەن ءتارتىپ قازىرگى ىندەت جاعدايىنا يكەمدەلە بىلۋدەن تۋىندادى. بۇعان قوسا تالىمگەرلىك ءىستىڭ ءتىنىن ودان ءارى تارقاتۋ ءۇشىن الەۋمەتتىك جەلىلەردىڭ كەڭ اۋقىمدى مۇمكىندىگى دە جۇمىلدىرىلماق. سونىمەن بىرگە جوباعا قاتىسۋشىلارعا ارنالعان YouTube جەلىسىنەن كانال اشىلىپ, بارلىق جۇمىستى سول جەرگە شوعىرلاندىرۋدى ۇيعاردىق. بۇل قادام تالىمگەرلىك قوزعالىستىڭ اۋقىمى كەڭ ءارى قولجەتىمدى بولۋىن قامتاماسىز ەتۋدەن تۋىندادى», دەدى باس تالىمگەر.
وبلىستىق جاستار رەسۋرسى ورتالىعى قولعا العان جوبالاردىڭ تۇپكى ماقساتى – تاعدىردىڭ تەپەرىشىنە تاپ بولىپ, ەركەلىكتى كوتەرمەيتىن اساۋ ءومىردىڭ اششىسىنا بىردەن كەزىككەن قوعامنىڭ جاس مۇشەلەرىنە قول سوزىپ, قولداۋ كورسەتۋ بولىپ وتىر.
ورتالىقتا ونى جۇزەگە اسىرۋدىڭ ءارتۇرلى جولدارى مەن تاسىلدەرى بەلگىلەنگەن. سونىڭ باستى ءبىر تارماعى اتالعان ساناتقا كىرەتىن بالالار مەن جاسوسپىرىمدەردىڭ دۇنيەتانىمى مەن وي-ورىستەرىن دامىتۋدى كوزدەيدى. كومپيۋتەرلىك ساۋاتتىلىقتى جەتىلدىرۋ ماسەلەسى وسى ءتالىمدى ءىستىڭ ءبىر تارماعى رەتىندە قاراستىرىلعان.
اقتوبە
