5 شىلدەدەن باستاپ اتىراۋ قالاسىندا پوليتسيا قىزمەتكەرلەرى 500-دەن استام نىساندى تەكسەرىپ, دۇكەندەردىڭ, سۋپەرماركەتتەردىڭ, كافە-مەيرامحانا يەلەرى تاراپىنان, سونىمەن قاتار, تۇنگى 23.00-دەن كەيىنگى شەكتەۋلەردى ورىنداماعان 300-گە جۋىق بۇزۋشىلىق دەرەكتەرىن انىقتادى.
سونداي-اق ولاردىڭ اراسىندا قالاداعى “كىلەم” دۇكەندەرىنىڭ ءبىرى, كولىك جوندەۋ جانە كولىك جۋ ورتالىقتارى, سونويىن كلۋبى, كاراوكە انىقتالدى.
وتباسىلىق مەرەكەلەرىن, اتاپ ايتقاندا, تۋعان كۇندەرىن وتكىزۋدىڭ جەتى دەرەگى انىقتالدى.
سالىنعان تىيىمدار مەن شەكتەۋلەرگە قاراماستان, اتىراۋ شاعىن اۋدانىنداعى ۇيلەردىڭ بىرىندە كوپ ادامدار جينالىپ, تۋعان كۇن وتكىزگەن.
بايمۇحانوۆ كوشەسى, ازاتتىق داڭعىلى بويىنداعى ءدامحانالار, ۆوكزال ماڭى ىقشام اۋدانىنداعى كاۋاپحانالاردىڭ بىرىندە ساتۋشىلار ورىنداردا ساتۋشىلار مەديتسينالىق بەتپەردەسىز, مەديتسينالىق قولعاپسىز, ءارى تىيىم سالىنعانعا قاراماستان جۇمىس جاساپ, ادامداردىڭ دەنساۋلىعىنا قاۋىپ توندىرگەن.
دەپارتامەنت باستىعى قامزا ۇمبەتقاليەۆتىڭ ايتۋىنشا, 11 شىلدەدەن باستاپ, قۇرامىندا اكىمدىك, سەس جانە پوليتسيا وكىلدەرى بار سانيتارلىق-ەپيدەميولوگيالىق ءتارتىپتىڭ ساقتالۋىن تەكسەرۋدى جۇزەگە اسىراتىن 20-عا جۋىق مونيتورينگتىك توپتار قۇرىلدى.
تەك ءۇش كۇندە مونيتورينگ توپتارمەن 80-نەن استام كارانتين رەجيمىن بۇزعاندار انىقتالدى.
كارانتين رەجيمىن بۇزۋدىڭ بارلىق دەرەكتەرى بويىنشا تاۋارلار مەن قىزمەتتەر قاۋىپسىزدىگىنىڭ ساپاسىن باقىلاۋ باسقارماسىنا جولداندى.
