كوروناۆيرۋس • 13 شىلدە، 2020

قازاقستاندا توعىزىنشى رەت ازا تۇتۋ كۇنى جاريالانىپ وتىر

42 رەت كورسەتىلدى

تاۋەلسىز قازاقستان تاريحىندا توعىزىنشى رەت ازا تۇتۋ كۇنى جاريالانىپ وتىر، دەپ جازادى Egemen.kz

العاش رەت ۇلتتىق ازا تۇتۋ كۇنى 2006 جىلى جاريالاندى. 20-شى قىركۇيەكتە قاراعاندى وبلىسى لەنين اتىنداعى شاحتاداعى جارىلىستان 41 شاحتەر قازا تاپقان ەدى. 

ەكىنشى رەت 2008 جىلدىڭ قاڭتارىندا وسى قاراعاندى وبلىسىنىڭ اباي شاحتاسىنداعى جارىلىستان 30 كەنشى مەرت بولدى. 

2010 جىلى ناۋرىزدا الماتى وبلىسىنىڭ قىزىلاعاش اۋىلىن سۋ باسىپ، 45 ادام باقيلىق بولدى. 

ال 2012 جىلدىڭ ماۋسىمىندا ارقانكەرگەن وقيعاسى بولىپ، شەكارا بەكەتىندەگى شابۋىلدان 15 شەكاراشى قازا تاپتى.

سول جىلدىڭ جەلتوقسان ايىندا ۇقك تيەسىلى əسكەري ۇشاق قۇلاپ، 27 ادام كوز جۇمدى. 

2013 جىلدىڭ قاڭتارىندا كوكشەتاۋ-الماتى باعىتىنداعى جولاۋشىلار ۇشاعى اپاتقا ۇشىرادى. 16 جولاۋشى مەن 5 ەكيپاج مۇشەسى قايتىس بولدى.

2016 جىلى ماۋسىمدا اقتوبەدە بولعان لاڭكەستىك وقيعادان 8 ادام قۇربان بولدى.

2019 جىلدىڭ جەلتوقسانىندا الماتى - نۇر-سۇلتان باعىتىنداعى جولاۋشىلار ۇشاعى اپاتقا ۇشىراپ، 12 ادام قازا تاپقان ەدى.

سوڭعى جاڭالىقتار

ۇقساس جاڭالىقتار