سونىڭ ىشىندە ويىق ۇڭعىلى 27 قارۋ, تەگىس ۇڭعىلى 172 قارۋ, سەگىز شولاق مىلتىق جانە 231 دانا پاتروندار الىنعان.
ماسەلەن, بايدىبەك اۋدانىنىڭ تۇرعىندارى دا اكتسياعا بەلسەندىلىكپەن قاتىسىپ جاتىر. شايان اۋىلىنىڭ ءبىر تۇرعىنى, اعىبەت اۋىلىنىڭ ەكى تۇرعىنى ەرىكتى تۇردە قارۋلارىن پوليتسيا بولىمىنە تاپسىردى. ولاردىڭ ۇشەۋى دە تەگىس ۇڭعىلى قارۋلار. قازىرگى ۋاقىتتا مىلتىقتار ساراپتاماعا جىبەرىلدى. ناتيجەسىندە ازاماتتارعا اقشالاي قاراجات تولەۋ تۋرالى شەشىم قابىلدانادى.
سونىمەن قاتار, زاڭسىز ساقتالعان قارۋ مەن وق-دارىلەردى انىقتاۋ ماقساتىندا وبلىس كولەمىندە 600-گە جۋىق شارۋا قوجالىقتارىندا تەكسەرۋ جۇمىستارى جۇرگىزىلدى.
ەسكەرتە كەتەتىن جايت, قولىنداعى قارۋ-جاراق زاتتارىن تاپسىرعىسى كەلگەن تۇرعىندار ارنايى 8-778-991-66-66, 8-775-287-16-37 تەلەفونى نەمەسە “102” نومىرىنە ونلاين-فورماتتا حابارلاسۋىنا بولادى. تىركەلمەگەن اتىس قارۋىن, وق-دارىلەر مەن جارىلعىش زاتتاردى ءوز ەركىمەن تاپسىرعان تۇرعىندار قىلمىستىق جانە اكىمشىلىك جاۋاپكەرشىلىكتەن بوساتىلادى.
سوندىقتان, تۇرعىندار زاڭسىز ساقتالعان, تىركەلمەگەن قارۋلارىڭىز بولسا, ءتيىستى ورگانعا تاپسىرىڭىزدار.
