قازاقستان پرەزيدەنتى: "قاشىقتان وقىتۋ ادىسىنە كوشۋ ءىسى ينفراقۇرىلىم مەن ينتەرنەت ساپاسىنا قاتىستى ەلەۋلى ماسەلەلەردىڭ بار ەكەنىن كورسەتتى. مۇعالىمدەردىڭ 20 پايىزدان استامى ۇيلەرىندە تولىققاندى ينتەرنەت پەن كومپيۋتەر جوق بولعاندىقتان, قاشىقتان ءتيىمدى وقىتا المادى", دەپ ۇكىمەت پەن اكىمدىكتەردىڭ قىزمەتىنە كوڭىلى تولمايتىنىن اتاپ ءوتتى.
مەملەكەت باسشىسىنىڭ ايتۋىنشا, مەكتەپتەردىڭ بالانسىنداعى 400 مىڭنان استام كومپيۋتەردىڭ تەك 40 پايىزى عانا ىسكە جارادى. بۇل – اكىمدىكتەر مەن مينيسترلىكتىڭ جۇمىسىنىڭ ناتيجەسى. اكىمدىكتەر جاڭا وقۋ جىلىنا دەرەۋ دايىندالىپ, مەكتەپتەر مەن جەكەلەگەن مۇقتاج وتباسىلاردى قاجەتتى تەحنيكامەن جابدىقتاۋلارى ءتيىس ەكەنىن ناقتى ايتتى.
