پاترۋلدىك پوليتسيا قىزمەتكەرلەرى الماگۇل ىقشام اۋدانىندا Mitsubishi Lanser كولىگىن توقتاتۋ كەزىندە, كولىك جۇرگىزۋشىسى زاڭدى تالاپقا باعىنباي, ءىزىن سۋىتپاق بولعان.
تەكسەرۋ بارىسىندا جۇرگىزۋشىنىڭ ماساڭ كۇيدە ەكەنى جانە كولىگىنەن شولاق مىلتىق تابىلىپ, الىندى. سوت مەديتسينالىق ساراپتاما قورىتىندىسىمەن جۇرگىزۋشىنىڭ جەڭىل دارەجەلى ىشىمدىك ىشكەنى انىقتالىپ, وعان قاتىستى اقبتك-ءنىڭ 608-بابىمەن "جۇرگىزۋشىنىڭ كولىك قۇرالىن الكوگولدىك ماساڭ كۇيدە باسقارۋى" بويىنشا حاتتاما تولتىرىلدى.
سونىمەن قاتار قر قك 287-باپتىڭ 3-بولىگى "اتىس قارۋىن, وق-دارىلەردى جارىلعىش زاتتاردى نەمەسە جارىلىس قۇرىلعىلارىن زاڭسىز يەمدەنۋ, بەرۋ, وتكىزۋ, ساقتاۋ, تاسىمالداۋ نەمەسە الىپ ءجۇرۋ" بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر.
