وڭتۇستىك قازاقستان • 09 شىلدە، 2020

ومىرزاق شوكەەۆ: اۋرۋحانالاردا توسەك-ورىن قورى جەتكىلىكتى

32 رەت كورسەتىلدى

تۇركىستان وبلىسى بويىنشا كوروناۆيرۋسقا قارسى قابىلدانعان ءتيىستى شارالاردىڭ ارقاسىندا قازىرگى تاڭدا جاعداي تۇراقتالعان. ەمدەۋ شارالارى ءۇشىن ينفەكتسيالىق ستاتسيونارلاردا –  440، پروۆيزورلىق ستاتسيونارلاردا – 1891، كارانتيندىك ورتالىقتاردا 980 توسەك-ورىن ۇيىمداستىرىلعان.  جالپى، اۋرۋحانالارداعى توسەك-ورىندار قورى جەتكىلىكتى. دايىندالعان ورىنداردىڭ  41 پايىزى قازىرگى تاڭدا بوس تۇر، دەپ حابارلايدى Egemen.kz

تۇركىستان وبلىسىنداعى پاندەميا جاعدايى بويىنشا وڭىرلىك كوممۋنيكاتسيالار قىزمەتىندە وتكەن ونلاين-بريفينگتە وبلىس اكىمى ومىرزاق شوكەەۆ وسىنداي دەرەكتەردى ءمالىم ەتتى. وبلىستا  كوروناۆيرۋستىق  ينفەكتسياسى راستالىپ، تىركەلگەن ادامدار سانى  2079-عا جەتكەن، ىندەتتەن ايىققاندار سانى 800-گە جۋىقتاعان.

وكىنىشكە قاراي، ىندەتتەن 11 ادام قايتىس بولىپ وتىر. ال پنەۆمونيا دەرتىن جۇقتىرعانداردىڭ جالپى سانى وڭىردە 5421 بولسا، ونىڭ 2933-ءى، ياعني 63،4 پايىزى ساۋىعىپ شىققان. وكىنىشتىسى 46 ادام پنەۆمونيا دەرتىنەن قايتىس بولعان.  «جاقىندارىنان ايىرىلعان ازاماتتارعا ءوزىمنىڭ اتىمنان، وبلىس جۇرتشىلىعى اتىنان وتباسىلارىنا، جاقىندارىنا قايعىرىپ، كوڭىل ايتامىن. قازىرگى تاڭدا ءبىز قولدان كەلگەن بارلىق شارالاردى جاساپ جاتىرمىز.  بۇگىننىڭ وزىندە 1 911 ادام ونىڭ ىشىندە 9 بالا  ستاتسيونارلىق باقىلاۋعا الىندى. سونىڭ ىشىندە 196 ادام  ينفەكتسيالىق، 1715 ناۋقاس پروۆيزورلىق ستاتسيوناردا ەم قابىلداۋدا»، دەدى ومىرزاق ەستاي ۇلى.  

بۇگىنگى، ياعني 9 شىلدەدەگى جاعداي بويىنشا وبلىستا كوروناۆيرۋستىق ينفەكتسياسىنان 28 جاعداي تىركەلىپ، ءبىر كۇندىك ءوسىم 1،4  پايىز بولعان.   جالپى پاندەميادان ساقتانۋدىڭ، اۋىرىپ جاتقان ناۋقاستاردىڭ سانىن ازايتۋدىڭ باستى جولى – ول ساقتىق شارالارىن كۇشەيتۋ. كوپشىلىك ورىندارعا تەك قاجەتتىلىكپەن شىعۋ، بەتپەردە تاعۋ، الەۋمەتتىك قاشىقتىقتى ساقتاۋ. وسى ماسەلەلەرگە باسا نازار اۋدارۋ كەرەكتىگىنە توقتالعان وبلىس اكىمى وڭىردەگى 16 اۋدان، قالادا 187 مەديتسينالىق ءموبيلدى توپتار جۇمىس جۇرگىزىپ جاتقانىن جەتكىزدى.   بۇدان بولەك،  بارلىق اۋدانداردا كارانتيندىك رەجيمنىڭ ساقتالۋى مەن ساقتىق شارالارىن ءتۇسىندىرۋ بويىنشا جۇمىستار تۇراقتى جۇرگىزىلۋدە. دەگەنمەن، وبلىس بويىنشا توتەنشە جاعداي رەجيمىن بۇزعان 1039 جاعداي انىقتالىپ، ونىڭ 320-نا ايىپپۇل سالىنسا، 96 ازامات قاماۋعا الىنعان.

سوڭعى جاڭالىقتار

قحل كەستەسى جاريالاندى

حوككەي • بۇگىن، 08:16

تايجان مۇراسى توزبايدى

رۋحانيات • بۇگىن، 08:15

95 جاسىندا كۋالىك الدى

وقيعا • بۇگىن، 08:11

جەمقورلار اللەياسى كەرەك پە؟

ساياسات • بۇگىن، 08:03

ەكپەنى وزدەرىنە سالدىردى

قوعام • بۇگىن، 08:00

پاندەميا كەزىندەگى پەرزەنتحانا

مەديتسينا • بۇگىن، 07:57

جاڭا ماۋسىمداعى وزگەرىستەر

فۋتبول • بۇگىن، 07:37

قاتەرلى ماۋسىم

الەم • بۇگىن، 07:26

ۇزدىك 8 كوماندا انىقتالدى

فۋتبول • بۇگىن، 07:20

قۇلقىن ءھام قۇلدىق

قوعام • بۇگىن، 07:15

ءتىلسىز جاۋدىڭ تاقسىرەتى

ايماقتار • بۇگىن، 07:08

تەگىن ءدارى-دارمەك كىمگە تيەسىلى؟

مەديتسينا • بۇگىن، 06:50

شاراپاتى مول «شەت-كومەك»

ەكونوميكا • بۇگىن، 06:39

ەگىنگە وراق ەرتە ءتۇستى

قوعام • بۇگىن، 06:33

جەزقازعانعا گاز جەتكەندە...

ەكونوميكا • بۇگىن، 06:31

«ينتەر» – جارتىلاي فينالدا!

سپورت • بۇگىن، 02:50

ۇقساس جاڭالىقتار