ايماقتار • 09 شىلدە، 2020

قوستاناي وبلىسىندا قوسىمشا ءدارى-دارمەك قورى جاساقتالدى

44 رەت كورسەتىلدى

قوستاناي وبلىسىندا بۇگىنگە دەيىن كورونوۆيرۋس جۇقتىرعان 1314 ادام انىقتالىپ وتىر. كۇردەلى اھۋالعا قاراماستان، قاۋىپتى ىندەتتەن 375 ناۋقاس ايىعىپ شىققان.  وكىنىشكە قاراي، التى ادام كوز جۇمدى. بۇل تۋرالى ايماقتاعى كورونوۆيرۋس ينفەكتسياسىنا قاتىستى جاعداي بويىنشا وتكەن ونلاين-بريفينگتە وبلىس اكىمى ارحيمەد مۇحامبەتوۆ ءمالىم ەتتى، دەپ حابارلايدى Egemen.kz

ايماق باسشىسى ىندەتكە قارسى كۇرەستىڭ الدىڭعى شەبىندە جۇرگەن مەديتسينا قىزمەتكەرلەرىنىڭ كوروناۆيرۋس جۇقتىرىپ الىپ جاتقانىنا الاڭداۋشىلىق ءبىلدىردى. سوڭعى دەرەك بويىنشا، وبلىستا 26 دارىگەر، 55 ورتا جانە كىشى بۋىن مەديتسينا قىزمەتكەرىنىڭ ىندەت تىرناعىنا ىلىككەنى بەلگىلى بولىپ وتىر. ولاردىڭ جەتەۋى كورونوۆيرۋسقا قارسى ءىس-شارالارعا قاتىسقان.

وبلىستا COVID-19 ۆيرۋسىن انىقتايتىن 5 زەرتحانا جۇمىس ىستەۋدە. بۇگىندە «ۇلتتىق ساراپتاما ورتالىعى» فيليالىندا 3 زەرتحانا جانە «وليمپ» كلينيكالىق-دياگنوستيكالىق زەرتحاناسى ۇزدىكسىز جۇمىس ىستەۋدە. 1 زەرتحانا 29 ملن تەڭگە دەمەۋشى  قاراجاتىنىڭ ەسەبىنەن ساتىلىپ الىنعانىن ايتا كەتكەن ءجون. بۇگىنگە دەيىن جالپى سانى 46 مىڭعا جۋىق زەرتتەۋ جۇمىستارىن جۇرگىزگەن بۇل زەرتحانالاردا تاۋلىگىنە 2 مىڭعا دەيىن تالداۋ جاسالادى.  

ىندەتكە قارسى جۇزەگە اسىرىلىپ جاتقان كەشەندى ءىس-شارالار بارىسىندا ايماقتاعى ەمدەۋ مەكەمەلەرىندە ناۋقاستارعا ارنالعان 1668 توسەك-ورىن قويىلدى. ونىڭ 584-ءى كورونوۆيرۋس ىندەتى ناقتى انىقتالعان ناۋقاستارعا ارنالعان. بۇل توسەك-ورىنداردا قازىر 260 ادام جاتىر، قالعانى بوس تۇر. سونداي-اق، ىندەت بەلگىلەرى بار ادامداردى وقشاۋلاۋ ءۇشىن 1084 پروۆيزورلىق توسەك-ورىن قويىلعان. بۇگىننەن باستاپ قوستانايدا جەكەنىڭ مەنشىگىندەگى بۇرىنعى تەمىر جول اۋرۋحاناسى 250 ورىندىق پروۆيزورلىق ستاتسيونار قىزمەتىنە كوشىپ، جەكەمەنشىك ەمدەۋ مەكەمەلەرىنىڭ دارىگەرلەرى جاڭا پروۆيزورلىق ستاتسيونارعا جۇمىسقا تارتىلدى. مۇنىڭ سىرتىندا، ايماقتا كورونوۆيرۋس انىقتالعان ناۋقاستارمەن بايلانىستا بولعان ادامدار ءۇشىن 513 كارانتيندىك توسەك-ورىن بار.    

«وبلىس دارىگەرلەرى جەكە قورعانىش قۇرالدارىمەن، قۇرىلعىلارمەن، سونداي-اق ىندەتتى ەمدەۋگە ارنالعان ءدارى-دارمەكپەن جەتكىلىكتى تۇردە قامتىلدى. تاياۋدا عانا  توسەك جانىنا قويىلاتىن 60 مونيتور، 40 جاساندى دەمالدىرۋ قۇرىلعىسى، 20 لارينگوسكوپ، 20 دەفيبريللياتور، 5 ۆيدەوبرونحوسكوپ، قان قۇرامىنداعى گاز مولشەرىن انىقتايتىن 3 تالداۋ قۇرىلعىسى، 170 كونتاكتىسىز تەرمومەتر، 11 مىڭ قورعانىش كومبينەزونى، 3،5 مىڭ قورعانىش كوزىلدىرىگى، 800 دەزينفەكتسيالىق قۇرال، دارىگەرلەر تاعاتىن 10 مىڭ مەديتسينالىق بەتپەردە ساتىلىپ الىندى»، دەدى ارحيمەد مۇحامبەتوۆ.

ىندەتكە قارسى كۇرەسكە قىرۋار قارجى جۇمسالىپ جاتقانىن اتاپ وتكەن ايماق باسشىسى اۋىلدىق اۋرۋحانالار ءۇشىن 80 سانيتارلىق اۆتوكولىك ساتىلىپ الىنعانىن ايتتى. بۇگىندە وبلىستا اۋىر ناۋقاستى جاساندى تۇردە دەمالدىراتىن 210 قۇرىلعى بار. مۇنداي اپپارات ءار اۋداننىڭ ورتالىق اۋرۋحاناسىندا كەمى ەكەۋدەن قويىلعان.  شىلدە ايىنىڭ ەكىنشى جارتىسىندا تاعى 47 قۇرىلعى اكەلىنبەك.

بۇل كۇندە وڭىردەگى 5 مەملەكەتتىك، 3 جەكەمەنشىك ەمدەۋ مەكەمەسىندە جالپى سانى 8 كومپيۋتەرلىك توموگرافيا قۇرىلعىسى جۇمىس ىستەپ تۇر. بۇل اپپاراتتىڭ كومەگىمەن 500-دەن استام ناۋقاس تەكسەرۋدەن وتكەن.   بىراق بۇنىڭ جەتكىلىكسىز ەكەنىن تىلگە تيەك ەتكەن وبلىس اكىمى  الداعى ۋاقىتتا قوسىمشا كت-لار مەن جاساندى بۇيرەك جانە وزگە دە قاجەتتى قۇرىلعىلار ساتىلىپ الىنادى دەدى. 

وبلىستا مەديتسينالىق مەكەمەلەردى ءدارى-دارمەكپەن قامتاماسىز ەتۋ ماسەلەسى قاتاڭ باقىلاۋعا الىندى. ا.مۇحامبەتوۆتىڭ ايتۋىنشا، ايماقتا ىندەتكە قارسى ەمدەۋ شارالارىن جۇزەگە اسىراتىن حاتتامادا ۇسىنىلعان ءدارى-دارمەك قورى جەتكىلىكتى.  «قازىرگى كۇردەلى اھۋالعا بايلانىستى ءدارى-دارمەك پەن مەديتسينالىق بۇيىمداردىڭ قوسىمشا قورىن قالىپتاستىرۋ بويىنشا جۇمىس ءجۇرىپ جاتىر. جىل باسىنان بەرى مەديتسينالىق ۇيىمدارعا 23 ءتۇرلى 700 مىڭنان استام انتيبيوتيك جەتكىزىلدى. قازىر ەمدەۋ مەكەمەلەرىندە  ىندەتكە قارسى قولدانىلاتىن 4 مىڭ لوپيناۆير/ريتوناۆيرۆ پرەپاراتى بار»، دەگەن وبلىس اكىمى دارىحانالارداعى جاعدايعا دا توقتالىپ ءوتتى.

«قوستاناي وبلىسىندا فارماتسەۆتيكا قىزمەتىمەن اينالىساتىن 618 نىسان، 281 ءدارىحانا جۇمىس ىستەيدى.   6-شىلدەدە تاۋارلار جانە كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىمەن، كوتەرمە ساۋدا فيرمالارىمەن، ءىرى ءدارىحانا جەلىلەرىمەن مەموراندۋم جاسالىپ، وبلىس تۇرعىندارىن جەدەل تۇردە ءدارى-دارمەكپەن قامتاماسىز ەتۋ شارالارى قولعا الىندى. قازىر 120 ءىرى دارىحاناعا وبلىستىڭ بارلىق ءوڭىرىن  الەۋمەتتىك ماڭىزى بار ءدارى-دارمەكتىڭ 42 تۇرىمەن قامتاماسىز ەتۋ جۇكتەلدى. ەل ىشىندەگى الىپساتارلىققا جول بەرمەۋ ءۇشىن بۇل دارىلەر ءبىر قولعا ساناۋلى مولشەردە عانا ساتىلاتىن بولادى»، دەدى اكىم.

ايماقتا 527 مەديتسينا قىزمەتكەرى، ونىڭ ىشىندە 117 دارىگەر مەن 204 ورتا جانە 206 كىشى مەدبيكە كورونوۆيرۋس ينفەكتسياسىنا قارسى كۇرەستىڭ الدىڭعى شەبىندە ءجۇر. ەل باسىنا كۇن تۋعان شاقتا جانكەشتىلىك تانىتىپ، ايلاپ اۋرۋحانادان شىقپاي ىندەتپەن ارپالىسىپ جاتقان دارىگەرلەرگە مەملەكەت تاراپىنان كورسەتىلىپ جاتقان  ماتەريالدىق-مورالدىق قولداۋ  دا قوماقتى. وبلىس اكىمىنىڭ ايتۋىنشا، ناۋرىز بەن مامىر ايىندا ىندەتكە قارسى ەمدەۋ شارالارىن جۇرگىزگەن 3483 مەديتسينا قىزمەتكەرىنە جالپى كولەمى 615،7 ملن تەڭگە وتەماقى تولەنگەن.  ماۋسىمنىڭ وتەماقىسى تاياۋ كۇندەرى ءار دارىگەردىڭ جەكە ەسەپشوتىنا اۋدارىلادى.

وبلىس اۋماعىنداعى سانيتارلىق-دەزينفەكتسيالىق رەجىمنىڭ ساقتالۋىن اكىمدىكتەر مەن «اتامەكەن» ۇكپ-نىڭ، تاۋارلار جانە كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ ورگاندارىنىڭ وكىلدەرىنەن، سونداي-اق جەرگىلىكتى پوليتسيا قىزمەتكەرلەرىنەن قۇرىلعان  40 مونيتورينگتىك توپ باقىلاۋدا. ارنايى توپ بۇگىنگە دەيىن 4 مىڭنان استام رەيد جۇرگىزىپ، جالپى سانى 1670 شاعىن ازىق-ت ۇلىك دۇكەندەرى مەن ءىرى ساۋدا ورتالىقتارىن تەكسەرگەن. كارانتين كەزىندە مونيتورينگتىك توپ جۇرگىزگەن تەكسەرۋ شارالارىنىڭ ناتيجەسىندە  342 ءتارتىپ بۇزۋشىلىق انىقتالىپ، 20 بيزنەس نىساننىڭ قىزمەتى توقتاتىلدى. سونداي-اق 125 اكىمشىلىك حاتتاما تولتىرىلىپ، سوتقا جىبەرىلدى. 

ىندەتكە قارسى كۇرەستىڭ ەڭ ءتيىمدىسى – شەكتەۋ تالاپتارىن قاتاڭ ساقتاۋ ەكەندىگىن قاداپ ايتقان اكىم وبلىس تۇرعىندارىنا: «ەڭ باستىسى، سىزدەردى بۇگىن تاعى دا جەكە قاۋىپسىزدىكتى ساقتاۋعا شاقىرامىن. قازىر ۋاقىتشا وقشاۋ تىرشىلىككە بەيىمدەلۋ اسا ماڭىزدى. ءتۇرلى وتباسىلىق، ۇجىمدىق شارالاردان ءۇزىلدى-كەسىلدى باس تارتىڭىزدار. قوعامدىق ورىنداردا الەۋمەتتىك اراقاشىقتىقتى ساقتاڭىزدار. ءبىز جۇدىرىقتاي جۇمىلىپ، بىرىگە كۇرەسكەندە عانا جاپپاي ەتەك الىپ بارا جاتقان الاپات ىندەتتى ەڭسەرە الامىز. وزدەرىڭىزدى ساقتاپ، اينالاداعى جاقىندارىڭىزعا قامقور بولىڭىزدار"، دەدى.  

 

قوستاناي وبلىسى

سوڭعى جاڭالىقتار

قحل كەستەسى جاريالاندى

حوككەي • بۇگىن، 08:16

تايجان مۇراسى توزبايدى

رۋحانيات • بۇگىن، 08:15

95 جاسىندا كۋالىك الدى

وقيعا • بۇگىن، 08:11

جەمقورلار اللەياسى كەرەك پە؟

ساياسات • بۇگىن، 08:03

ەكپەنى وزدەرىنە سالدىردى

قوعام • بۇگىن، 08:00

پاندەميا كەزىندەگى پەرزەنتحانا

مەديتسينا • بۇگىن، 07:57

جاڭا ماۋسىمداعى وزگەرىستەر

فۋتبول • بۇگىن، 07:37

قاتەرلى ماۋسىم

الەم • بۇگىن، 07:26

ۇزدىك 8 كوماندا انىقتالدى

فۋتبول • بۇگىن، 07:20

قۇلقىن ءھام قۇلدىق

قوعام • بۇگىن، 07:15

ءتىلسىز جاۋدىڭ تاقسىرەتى

ايماقتار • بۇگىن، 07:08

تەگىن ءدارى-دارمەك كىمگە تيەسىلى؟

مەديتسينا • بۇگىن، 06:50

شاراپاتى مول «شەت-كومەك»

ەكونوميكا • بۇگىن، 06:39

ەگىنگە وراق ەرتە ءتۇستى

قوعام • بۇگىن، 06:33

جەزقازعانعا گاز جەتكەندە...

ەكونوميكا • بۇگىن، 06:31

«ينتەر» – جارتىلاي فينالدا!

سپورت • بۇگىن، 02:50

ۇقساس جاڭالىقتار