ونلاين ءباسپاسوز جيىنىندا وبلىستىڭ باس سانيتارلىق دارىگەرى باتىربەك اليەۆتىڭ مالىمدەۋىنشە,  كارانتيندىك شارالاردىڭ ساقتالۋىنا مونيتورينگ توپتار باقىلاۋ جۇرگىزەدى.

مىسالى,  وبلىس ورتالىعىندا قۇرىلعان 7 توپ وكىلدەرى ەڭ الدىمەن ەرەجەلەردى ءجيى بۇزاتىن تاماقتانۋ, ساۋدا ورىندارى سياقتى نىسانداردى ارالاۋدا.

سونداي-اق, وندىرىستىك ورىندار دا باقىلاۋعا الىنعان. قوعامدىق كولىكتەردە ادام سانى 50 پايىزدان اسپاۋى, بەتپەردەلەر تاعىلعانى قاداعالانۋدا.

ال,  قوعامدىق كولىكتەر ادەتتەگىدەي كوشە باعىتتارىندا جۇرۋدە. ەگەر دە قوعامدىق كولىكتە كارانتين ەرەجەلەرى  بۇزىلعانى انىقتالسا, تاسىمالداۋشى جاۋاپقا تارتىلادى. حاتتاما تولتىرىلادى.

بۇعان دەيىن وبلىستىڭ باس سانيتار دارىگەرىنىڭ تالاپتارىن ورىنداماعان كاسىپكەرلەر 4 ميلليون تەڭگەگە جۋىق ايىپپۇل تولەۋگە مىندەتتەلدى.

سونىمەن بىرگە, وڭىرىمىزدە توي, ۇيلەنۋ تويلارىنا, وتباسىلىق شارالارعا تىيىم سالىندى. بالالار, تاربيەشىلەر اراسىندا ينفەكتسيا تارالماۋى ءۇشىن بالاباقشالارداعى كەزەكشى توپتارعا دا  بارۋ توقتاتىلدى.

ء"ارى كوپشىلىك ۇيلەرىندە جاسايتىندىقتان بۇنداي شارالاردىڭ ءوتىپ جاتقانى تۋرالى بەلگى تۇسكەن كەزدە عانا تەكسەرە الامىز. الايدا, تۋعان كۇن نەمەسە وزگە دە وتباسىلىق شارالار جاسىرىن وتكەن بولىپ, سول جينالعاندار ورتاسىندا اۋرۋدى تاسىمالداۋشى ءجۇرىپ, كەيىن ىندەتكە شالدىعۋ جۇرگەنى انىقتالسا, سول شارانى ۇيىمداستىرۋشىلار جاۋاپقا تارتىلادى", دەدى باتىربەك اليەۆ.

پاۆلودار وبلىسى