"استانا وپەرا" تەاترىنىڭ شىعارماشىلىق ۇجىمى 7-ءشى ماۋسىمدا 185 ءىس-شارانى جۇزەگە اسىردى, ونىڭ ىشىندە بالالارعا ارنالعان 20 جوبا بار.كارانتين كەزىندە 15 ونلاين-كورسەتىلىم, تىكەلەي TENGRI TV-دەن 41 سپەكتاكل كورسەتىلدى. قىسقا ماۋسىمدا تەاتر تۋرالى ءباسپاسوز بەتتەرىندە شامامەن 3 مىڭعا تارتا ماتەريال جارىق كورءىپتى.
وتكەن ماۋسىمدا ۇجىم مادەنيەت جانە سپورت مينيسترلىگىنىڭ قولداۋىمەن كورەرمەنگە 3 پرەمەرا – دج.ۆەرديدىڭ "دون كارلوس" وپەراسىن, ل.دەليبتىڭ "كوپپەليا" بالەتىن جانە ل.بەتحوۆەن, ي.س.باح, ۆ.ا.موتسارت, ي.گايدن, د.ءحاۋبريحتىڭ مۋزىكاسىنا قويىلعان "بەتحوۆەن – ماڭگىلىك – ماحاببات" بالەتىن ۇسىنعان بولاتىن. ساراپشى-مامانداردىڭ پىكىرىبويىنشا, "دون كارلوس" وپەراسى بيىلعى ماۋسىمنىڭ ەڭ ۇزدىك شىعارماسى سانالادى. بۇل ورايدا قويۋشى-ديريجەر, قازاقستاننىڭ ەڭبەك سىڭىرگەن قايراتكەرى, مەملەكەتتىك سىيلىقتىڭ لاۋرەاتى الان بورىباەۆ كوپ ەڭبەك ءسىڭىردى دەسەك, جەتەكشى سوليستەر, حور, ميمانس ارتىستەرىنىڭ جوعارى كاسىبي شەبەرلىگى مەن ورىنداۋشىلىق ونەرى دە كوپشىلىك نازارىنان تىس قالعان جوق. سونىمەن قاتار "كوپپەليا" بالەتى تۋرالى دا جىلى لەبىزدەرىن جەتكىزءىپ, جەتەكشى سوليستەر بۇل بالەتتى ناعىز فرانتسۋزدىق ازىلدە ورىندادى دەپ باعالاۋدا. بالەتتىڭ حورەوگرافى – رولان پەتي, قويۋشى بالەتمەيستەرءى – لۋيدجي بونينو, قويۋشى-ديريجەرءى – ارمان ورازعاليەۆ, بالەت ترۋپپاسىنىڭ كوركەمدىك جەتەكشىسى – رەسەيدىڭ حالىق ءارتىسى التىناي اسىلمۇراتوۆا. ال تەاترتانۋشىلار مۋزىكا تاريحىنداعى ۇلى ءارى قايتالانباس كومپوزيتور ليۋدۆيگ ۆان بەتحوۆەننىڭ 250 جىلدىعىنا ارنالعان الەمدىك پرەمەرانى سەنساتسيالىق وقيعاعا بالاپ وتىر.سپەكتاكلدىڭ قويۋشى-بالەتمەيستەرءى – تانىمال نەمىس حورەوگرافى رايموندو رەبەك, "استانا وپەرا" بالەت ترۋپپاسىنىڭ كوركەمدىك جەتەكشىسى – التىناي اسىلمۇراتوۆا, قويۋشى-ديريجەرءى – ابزال مۇحيتدين, باس حورمەيستەرءى – ەرجان ءداۋىتوۆ.
وتكەن جىلدىڭ 20 قازانىندا ۇجىم "سانكت-پەتەربۋرگ وپەرانىڭ" شاقىرتۋى بويىنشا IV حالىقارالىق كامەرالىق وپەرا فەستيۆالى اياسىندا وتكەن ءىس-شاراعا قاتىسىپ, "سانكت-پەتەربۋرگ وپەرا" كامەرالىق تەاترىندا دج.ءروسسينيدىڭ "جىبەك ساتى" وپەرا-فارسىن ۇسىندى. بۇل رەتتە "استانا وپەرا" تەاترىنىڭ گاسترولىنە بايلانىستى بارلىق شىعىنداردى شاقىرتۋشى تاراپ تولىقتاي ءوز موينىنا العانىن اتاپ وتكەن ءجون.
سونداي-اق قازاقستاندىق تەاتر اتاقتى ءانشى دميتري حۆوروستوۆسكيدىڭ مادەني مۇراسىن ساقتاۋ مەن قولداۋعا باعىتتالعان ءبىرىنشى فەستيۆالگە دە قاتىسىپ قايتتى. د .حۆوروستوۆسكي اتىنداعى كراسنويار مەملەكەتتىك وپەرا جانە بالەت تەاترىندا وتاندىق ونەر جۇلدىزدارى پ.ي.چايكوۆسكيدىڭ 180 جىلدىعىنا وراي "ەۆگەني ونەگين" قويىلىمىن, سونداي-اق كراسنويار فيلارمونياسىنىڭ ۇلكەن كونتسەرت زالىندا كورەرمەن قاۋىم نازارىنا قازاقستاندىق كومپوزيتورلاردىڭ تۋىندىلارىنان قۇرالعان سيمفونيالىق باعدارلامانى تارتۋ ەتتى. ل.بەتحوۆەننىڭ 250 جىلدىعىنا وراي وركەستر مەن فورتەپيانوعا ارنالعان №5 كونتسەرت, مي-بەمول ماجور, ور. 73 ورىندادى.
بيىل اقپان ايىندا وپەرا ترۋپپاسىنىڭ سوليستەرى قاراعاندىلىقتارعا اتاقتى كومپوزيتور دج.ءروسسينيدىڭ "جىبەك ساتى" وپەراسىن ۇسىنىپ, ارتىستەر س.سەيفۋللين اتىنداعى قاراعاندى وبلىستىق قازاق دراما تەاترىنىڭ ساحناسىندا ونەر كورسەتتى.
جەتىنشى ماۋسىمدا "استانا وپەرا" ساحناسىندا رەسەيلىك ءۇش تەاتر ۇجىمى ونەر كورسەتتى. 9-10 قاراشا كۇندەرى "سانكت-پەتەربۋرگ وپەرا" مەملەكەتتىك كامەرالىق تەاترى دج.ۆەرديدىڭ "ريگولەتتو" جانە ج.بيزەنىڭ ء"ىنجۋ ىزدەۋشىلەر" وپەرالارىن ۇسىندى. پەتەربۋرگتىك شىعارماشىلىق ۇجىم تەاتردىڭكوركەمدىك جەتەكشىسى, رەسەيدىڭ حالىق ءارتىسى, قر مەملەكەتتىك سىيلىعىنىڭ لاۋرەاتى, "دوستىق" وردەنىنىڭ يەگەرى, ەلورداداعى وپەرا ونەرىنىڭ نەگىزىن قالاۋشىلاردىڭ ءبىرى يۋ.ي.الەكساندروۆپەن بىرگە نۇر-سۇلتان قالاسىنا ات باسىن تىرەدى. ەسكە سالا كەتسەك, تانىمال رەجيسسەر ك.بايسەيىتوۆا اتىنداعى تەاتر ترۋپپاسىمەن بىرگە جۇمىس ىستەپ, 13 وپەرا سپەكتاكلىن رەپەرتۋارعا قوسقان بولاتىن.
د.ا.حۆوروستوۆسكي اتىنداعى كراسنويارمەملەكەتتىك وپەرا جانە بالەت تەاترىنىڭ گاسترولى اياسىندا 29 قاراشادا ا.ءبوروديننىڭ "كنياز يگور" وپەراسى, 1 جەلتوقساندا اتاقتى حورەوگراف يۋ.گريگوروۆيچتىڭ قويىلىمىنداعى ا.گلازۋنوۆتىڭ "رايموندا" بالەتى ساحنالاندى.
بيىل ەۆگەني ۆاحتانگوۆ اتىنداعى مەملەكەتتىك اكادەميالىق تەاتر استاناعا گاسترولدىك ساپارمەن كەلىپ, العاش رەت "استانا وپەرا" ساحناسىندا ونەر كورسەتتى. رەسەيدىڭ ەڭ تانىمال دراما تەاترى ەلوردا تۇرعىندارى مەن قوناقتارىنا 8 جانە 9 قاڭتارداا.س.پۋشكيننىڭ "ەۆگەني ونەگين" رومانىنان كورىنىستەر, 10 جانە 11 قاڭتاردا ا.پ.چەحوۆتىڭ "دياديا ۆانيا" سپەكتاكلىن ۇسىندى.
"استانا وپەرا" تەاترىنىڭ ارتىستەرى بىرقاتار حالىقارالىق جوبالارعا قاتىسىپ, جۇلدەگەر اتاندى.ولاردىڭ قاتارىندا الان بورىباەۆ (فينليانديا, قىتاي, بەلگيا, گەرمانيا, چەحيا), باقتيار ادامجان (يتاليا, كورەيا, رەسەي), سەرىك ناقىسپەكوۆ (ۋكراينا), ايگەرىم بەكەتاەۆا (بەلارۋس, رەسەي), تايىر عاتاۋوۆ, گاۋحار ۋسينا (قىرعىزستان), سالتانات احمەتوۆا (رەسەي), ايزادا قاپونوۆا (قىتاي, رەسەي), ايگۇل نيازوۆا, امينا تايكەنوۆا ين دەر شميتتەن (تۇركيا), جۇپار عابدۋللينا (رەسەي, بوسنيا جانە گەرتسەگوۆينا), تالعات مۇساباەۆ (رەسەي), ابزال مۇحيتدين (يتاليا, رەسەي), باعدات ءابىلحانوۆ (رەسەي) جانە ت.ب. بار.
وپەرا ساحناسىنىڭ اناسى, سوتسياليستىك ەڭبەك ەءرى, كسرو حالىق ءارتىسى, كسرو مەملەكەتتىك سىيلىعىنىڭ لاۋرەاتى بيبىگۇل تولەگەنوۆا 2019 جىلعى 3 جەلتوقساندا "استانا وپەرا" موبت ساحناسىندا مەرەيتويىن اتاپ ءوتتى. الەمدىك وپەرا پريمادونناسى 90 جاسىمەن قۇتتىقتاعان ىزگى تىلەكتەردى قابىل الدى. ءانشى قۇرمەتىنە وتكىزىلگەن ءىس-شاراعا قازاقستاندىق وپەرا انشىلەرى, بيبىگۇل تولەگەنوۆا اتىنداعى بايقاۋدىڭ لاۋرەاتتارى مەن رەسمي تۇلعالار اتسالىستى.
تەاتر ترۋپپاسى مەرەكە كۇندەرى نۇر-سۇلتان قالاسى اكىمدىگىنىڭ "قارتتار مەن مۇگەدەكتەرگە ارنالعان مەديتسينالىق-الەۋمەتتىك مەكەمە" كمم, سونىمەن قاتار مامانداندىرىلعان بوبەكتەر ۇيىندە قايىرىمدىلىق كونتسەرتتەرىن وتكىزدى. بۇعان قوسا, جاڭا جىل قارساڭىندا "استانا وپەرا" تەاترى قايىرىمدىلىق كونتسەرتتەر سەرياسىن ۇسىندى. ارتىستەر تەاترعا شاقىرىلعان "الەۋمەتتىك كومەك كورسەتۋ ورتالىعىنىڭ" مۇگەدەك بالالارىنا مەرەكەلىك كوڭىل-كۇي سىيلادى. كامەرالىق زال قىزمەتكەرلەرى وسكەلەڭ ۇرپاقتىڭ مۋزىكالىق تالعامىن قالىپتاستىرا وتىرىپ, جەتىنشى ماۋسىمدا اۋديتوريانىڭ جاس ەرەكشەلىگىنە لايىقتاپ قىزىقتى كونتسەرتتىك باعدارلامالار ۇسىندى.
كارانتين كەزىندە ۇجىم TENGRI TV-دەن ونلاين-ترانسلياتسيا ارقىلى شامامەن 40-تا اسا سپەكتاكل كورسەتتى. ارتىستەر مادەنيەت جانە سپورت مينيسترلىگىمەن بىرگە ۇيىمداستىرىلعان "كارانتيندەگى جۇلدىز" جوباسىنا بەلسەنە اتسالىستى.سونداي-اق جۇرتشىلىققا تەاتر ارتىستەرىنىڭ قاتىسۋىمەن 15 ونلاين-جوبا ۇسىنىلدى. ولاردىڭ قاتارىنا جەڭىس كۇنىنە ارنالعان "تىرنالار" ونلاين-جوباسى, بالەت تەرميندەرى مەن زاماناۋي ءبيدىڭ ەرەكشەلىكتەرى تۋرالى وي قوزعاعان سەرىك ناقىسپەكوۆتىڭ قاتىسۋىمەن "بالەت جانە ونىڭ قىر-سىرى" جوباسىنىڭ ەكى شىعارىلىمى ەندى, 7 مامىر كۇنى قازاقستان جانە رەسەي مۋزىكانتتارىنىڭ قاتىسۋىمەن كومپوزيتوردىڭ 180 جىلدىعىنا ارنالعان "چايكوۆسكي. Online" كونتسەرتى بەرىلدى. ونداعان ارتىستەر "مەرەكە ءبيدى" ورىندادى, بۇدان بولەك "استانا وپەرانىڭ تانىمال سوليستەرى مەن يتاليا, مەكسيكا, جاپونيا, قىتاي, رۋمىنيا, گرۋزيانىڭ وپەرا جۇلدىزدارى, سونىمەن بىرگە "استانا وپەرا" سيمفونيالىق وركەسترىنىڭ مۋزىكانتتارى "O sole mio» نەاپوليتاندىق ءانىن ورىندادى. ۇلى اقىن اباي قۇنانباي ۇلىنىڭ 175 جىلدىعىنا ارنالعان ونلاين-جوبا ۇجىم قىزمەتىنىڭ ەڭ ايشىقتى ءىس-شاراسىنااينالدى. بالالار ستۋدياسىنىڭ جاس ارتىستەرى ج.بيزەنىڭ "كارمەن" جانە ە.برۋسيلوۆسكيدىڭ "قىز جىبەك" وپەرالارىنان ونلاين-كورىنىستەر ورىندادى. "استانا وپەرا" سيمفونيالىق وركەسترىنىڭ ارتىستەرى قازاقستاننىڭ ەڭبەك سىڭىرگەن قايراتكەرى, ماەسترو ابزال ءمۇحيتديننىڭ جەتەكشىلىگىمەن ج.بيزەنىڭ "كارمەن" وپەراسىنان ۋۆەرتيۋرانى دا ونلاين-رەجىمدە ۇسىندى. "استانا وپەرانىڭ" جەتەكشى ءسوليسى, وپەرا جۇلدىزى مايرا مۇحامەدقىزى دۇنيەجۇزى دارىگەرلەرىنە ارناپ ۆانگەليستىڭ "بۇكىلالەمدىك دۇعاسىن" ورىندادى. سونىمەن قاتار ۇجىم تەاتردىڭ YouTube ارناسىندا قولجەتىمدى باسقا دا تارتىمدى جوبالاردى جۇزەگە اسىردى.
تەاتر باسشىلىعى ەءلىمىز كارانتيندى جەڭىپ, قالىپتى جۇمىس كەستەسى قايتا قالپىنا كەلىپ جاتسا, قىركۇيەك ايىنىڭ سوڭىنان كەشىكتىرمەي تەاتردا جاڭا ماۋسىمدى اشۋ جوسپارلانىپ وتىرعانىن ايتتى. سەگىزىنشى ماۋسىمدا بۇيىرتسا, كورەرمەنگە قىزىقتى پرەمەرالار, مازمۇندى كونتسەرتتەر تارتۋ ەتىلمەك, سونداي-اق ونەرسۇيەر قاۋىمدى سۇيىكتى ارتىستەرىمەن كەزدەسۋلەر, قولتاڭبا سەسسيالارى مەن ت.ب. شۋاقتى ساتتەر كۇتءىپ تۇر.
