2020 جىلدىڭ 1 جارتىجىلدىعىندا اتقارىلعان جۇمىستاردىڭ قورىتىندىسى بويىنشا وتكەن بريفينگتە دەپارتامەنت باسشىسىنىڭ ءبىرىنشى ورىنباسارى ميراس قارعاباي زاڭ بۇزۋشىلىقتارعا ىقپال ەتكەن ءمان-جايلاردى جويۋ جونىندەگى ۇسىنىستاردى ەنگىزۋ كورسەتكىشى 100%-عا جەتكەنىن ايتىپ ءوتتى. بيىلدىڭ 6 ايىندا 59 ۇسىنىس جولدانىپ, ونىڭ 40-ى قارالعان, 25 لاۋازىمدى تۇلعا تارتىپتىك جاۋاپكەرشىلىكتەرگە تارتىلعان. سىبايلاس جەمقورلىق قۇقىق بۇزۋشىلىق فاكتىسى تۋرالى حابارلاعان نەمەسە سىبايلاس جەمقورلىققا قارسى ءىس-قيمىلدا وزگە دە جولمەن جاردەمدەسكەن 7 تۇلعاعا 1,3 ملن تەڭگە كولەمىندە اقشالاي سىياقى بەرىلگەن. م.قارعابايدىڭ مالىمدەۋىنشە, اگەنتتىكتىڭ 1424 Call ورتالىعىنا تۇركىستان وڭىرىنەن حابارلاسقان 73 ازاماتتىڭ بەرگەن اقپاراتى ارقىلى جەدەل ارەكەت ەتۋ امالدارى جۇرگىزىلىپ, ناتيجەسىندە 5 تۇلعانىڭ زاڭسىز ارەكەتى ءۇشىن قىلمىستىق ءىس قوزعالعان. سونداي-اق, م. م.قارعاباي بۇگىنگى كۇنى ارنايى جۇمىس توبى دارىحانالارداعى ءدارى-دارمەكتەردىڭ جەتىسپەۋشىلىگى مەن باعانىڭ تۇراقتىلىعىنا كەشەندى مونيتورينگ جۇمىستارىن جۇرگىزۋ باستالعانىن حابارلادى. دارىحانالارداعى ءدارى-دارمەك قۇنىنىڭ كۇرت ءوسۋىن بايقاعان ءوڭىر تۇرعىندارىنا 109, 102 جانە 8 776-837-09-00 نومىرلەرى ارقىلى حابارلاۋعا بولاتىندىعىن جەتكىزدى.
