ايماقتار • 07 شىلدە، 2020

جەڭىس قاسىمبەك: جاعداي باقىلاۋدا، الاڭداۋعا نەگىز جوق

185 رەت كورسەتىلدى

بۇگىن قاراعاندى وبلىسىنىڭ اكىمى جەڭىس قاسىمبەك جەرگىلىكتى Saryarqa تەلەارناسىنىڭ تىكەلەي ەفيرىندە وتكەن بريفينگتە وڭىردەگى ەپيدەميولوگيالىق جاعدايعا شولۋ جاساپ، كەيبىر ماسەلەلەرگە قاتىستى تۋىنداعان سۇراقتارعا ەگجەي-تەگجەيلى جاۋاپ بەردى، – دەپ جازادى Egemen.kz.

قازىرگى ۋاقىتتا وبلىس بويىنشا بارلىعى 20 ينفەكتسيالىق بەيىندەگى مەديتسينالىق نىسان جانە 14 پۋلموپروۆيزورلىق گوسپيتال جۇمىس ىستەپ تۇر ەكەن. وڭىردەگى اۋرۋحانالاردا توسەك سانى 4 200 ورىنعا كوبەيتىلگەن.

وبلىس اكىمى ينفەكتسيالىق بولىمشەلەردەگى جۇكتەمە 81%، ال پروۆيزورلىق بولىمشەلەردەگى جۇكتەمە 79% قۇرايتىنىن ءمالىم ەتتى.

"مىسالى، قاراعاندى بويىنشا بۇگىنگى كۇنى جۇقپالى اۋرۋلار ستاتسيونارلارىندا 1 264 توسەك بار، ونىڭ 141-ءى بوس. پروۆيزورلىق ستاتسيونارلاردا بارلىعى 720 توسەك، بوس 118 توسەك بار. دەگەنمەن، ءبىز جۇقپالى جانە پۋلموپروۆيزورلىق توسەك سانىن ارتتىرۋ بويىنشا شارالار قابىلدايمىز"، – دەدى ءوڭىر باسشىسى.

سونداي-اق، ول قاراعاندىدا 350 ورىندىق پۋلموپروۆيزورلىق گوسپيتالءدىڭ اشىلۋعا دايىن ەكەنىن، ونىڭ كومپيۋتەرلىك توموگرافپەن جانە تىنىس الۋ جەتكىلىكسىزدىگى بار ناۋقاستاردى ەمدەۋگە قاجەتتى مەديتسينالىق گاز بەرۋدىڭ زاماناۋي جۇيەسىمەن جابدىقتالعانىن ايتتى.

الداعى ۋاقىتتا جەزقازعاندا 350 ورىندىق پروۆيزورلىق ستاتسيونار جۇمىس ىستەي باستايدى. سونداي-اق، مۇندا 250 توسەككە شاقتالعان ينفەكتسيالىق گوسپيتال پايدالانۋعا بەرىلەدى. بالقاش قالاسىندا 100 توسەكتىك پۋلموپروۆيزورلىق ستاتسيونار اشىلماقشى.

وبلىستاعى باسىم باعىتتاعى شارۋالاردىڭ ءبىرى اۋرۋحانالار مەن گوسپيتالداردى تەحنيكالىق جابدىقتاۋ ەكەنىن اتاپ ءوتتى ءوڭىر باسشىسى. سوڭعى اپتادا 47 ءوجج اپپاراتى، ارقايسىسى ەكى پاتسيەنتكە ارنالعان 160 وتتەگى كونتسەنتراتى جانە 146 پۋلسوكسيمەتر ساتىپ الىنعان. الداعى ۋاقىتتا قوسىمشا 80 ءوجج اپپاراتىن جانە 1 200 وتتەگى كونتسەنتراتورلارىن، 500 پۋلسوكسيمەترلەردى، 16 ساندىق رەنتگەن-اپپاراتتى، 3 دانا ورتالىقتاندىرىلعان مەديتسينالىق گازدارمەن قامتاماسىز ەتۋ جۇيەسىن جانە باسقالارىن ساتىپ الۋ جوسپاردا بار ەكەن.

قاراعاندى مەن جەزقازعان قالالارىندا تاۋلىگىنە 3 مىڭ تالداۋ شىعاراتىن ءۇش پتر-زەرتحانا جۇمىس ىستەر تۇر. وسى اپتانىڭ اياعىندا تەمىرتاۋدا پتر-زەرتحانا جۇمىسىن باستايدى، ال بالقاشتا ول تامىز ايىندا اشىلادى.

وبلىستا 16 كومپيۋتەرلىك توموگرافيا كابينەتى بار. تاياۋ ارادا  قاراعاندىدا تاعى ءبىر كومپيۋتەرلىك توموگراف ورناتىلادى. جالپى، وڭىردە قازان ايىنا قاراي بارلىعى 21 كومپيۋتەرلىك توموگرافيا كابينەتى جۇمىس ىستەيتىن بولادى دەپ سەندىردى وبلىس باسشىسى.

بريفينگ بارىسىندا وبلىس اكىمى قازىرگى ۋاقىتتا مەسسەندجەرلەر مەن الەۋمەتتىك جەلىلەردە اۋرۋلاردى حالىق ەمىمەن جانە باسقا دا بالامالى ادىستەرمەن ەمدەۋ بويىنشا كوپتەگەن دايەكسىز اقپاراتتاردىڭ تاراتىلىپ جۇرگەنىن سىنعا الدى.

– ايتا كەتۋ كەرەك، اۋىر اۋرۋلاردى ەمدەۋمەن، انتيبيوتيكتەردى تاعايىنداۋمەن تەك دارىگەرلەر عانا اينالىسا الادى. ءوزىن-ءوزى ەمدەۋ ولىمگە دەيىن اكەلۋى ابدەن مۇمكىن، – دەپ ەسكەرتتى ءوڭىر باسشىسى.

1

سونداي-اق، تىكەلەي ەفير بارىسىندا جەڭىس قاسىمبەك وبلىستاعى ءدارى-دارمەككە قاتىستى تۋىنداعان ماسەلەلەرگە دە كەڭىنەن توقتالدى. بولشەك ءدارىحانا جەلىلەرىنە جاقىن ارادا ءدارى-دارمەكتءىڭ ءىرى پارتيالارى جەتكىزىلەتىن بولىپتى. قويمالارعا ينگاۆيريننىڭ 10 مىڭ، ءازيتروميتسيننىڭ 15 مىڭ وراماسى جانە تسەفترياكسون كەءلىپ تۇسكەنىن ايتتى. ارپەفليۋ ءدارىسى دە جەتكىزىلەدى دەپ كۇتىلۋدە. جاقىن ارادا پاراتسەتامولدىڭ 190 مىڭ وراماسى وبلىستىڭ دارىحانالىق جەلىسىنە جونەلتىلەتىن كورىنەدى.

جەڭىس قاسىمبەك ءدارى-دارمەكتىڭ باعاسىن ءوسىرىپ ساتاتىنداردىڭ بارلىعىن قاتاڭ جازا كۇتەتىنىن مالىمدەدى.

ء"دارى-دارمەكتى جوعارى باعامەن ساتۋ – بۇل ادامگەرشىلىككە جاتپايتىن قىلىق. ءبىز ءدارىحانالاردا دارىلىك زاتتار مەن مەديتسينالىق بۇيىمداردىڭ بولۋىن انىقتاۋ بويىنشا مونيتورينگتىك توپتار قۇردىق. ەگەر ءدارى-دارمەكتءى ءدارىحانادان تىس ساتۋ فاكتىلەرى انىقتالسا، پوليتسياعا جۇگىنە الاسىزدار"،دەگەن ءوڭىر باسشىسى قءازىردىڭ وزىندە مۇنداي ۇياتسىز ىسپەن اينالىسىپ، ۇستالعانداردىڭ بار ەكەنىن تىلگە تيەك ەتتى.

تىكەلەي ەفيردە وبلىس باسشىسى جەرلەۋ قىزمەتتەرىنە قاتىستى ماسەلەلەر تۋرالى دا ءسوز قوزعادى.

"وبلىس ورتالىعىندا جەرلەۋ قىزمەتتەرىنىڭ قۇنى 150 مىڭ تەڭگە. كارانتينگە دەيىن دە وسىنداي باعا بولعان. وتكەن اپتادا بۇل ماسەلە تالقىلاندى. قاراعاندىدا "كۆي" دياگنوزىمەن جەرلەۋ قىزمەتىن تەك "پاتولوگواناتوميالىق ورتالىق پليۋس" جشس كورسەتەدى. فيرما باسشىلىعىمەن قالا بويىنشا باعانى 150 مىڭ تەڭگە، وبلىس بويىنشا بارلىق اۋداندارعا جەتكىزۋدى قوسا ەسەپتەگەندە 200 مىڭ تەڭگەگە دەيىنگى شامادا قالدىرۋعا ۋاعدالاستىق"، – دەدى ول.

جالپى، وبلىس اكىمى جەرلەۋ قىزمەتى سالاسىنداباعانى ءجونسىز ءوسىرىپ، پايداكۇنەمدىكپەن اينالىسۋدىڭ ادامگەرشىلىككە جاتپايتىن ءىس ەكەنىن جانە مۇنداي ابىرويسىز ارەكەتتەر انىقتالار بولسا، قاتاڭ شارالار قولدانىلاتىنىن ايتتى.

سونىمەن قاتار، بريفينگتە ءوءڭىر باسشىسى قاراعاندى وبلىسىنىڭ ازىق-ت ۇلىك قويمالارىندا جانە تۇراقتاندىرۋ قورىندا 57 مىڭ توننادان استام الەۋمەتتىك ماڭىزى بار ازىق-ت ۇلىك قورى بار ەكەنىن، جالپى تاۋارلاردى جەتكىزۋ باراسىندا ەشقانداي ىركىلىستىڭ جوقتىعىن مالىمدەدى.

بريفينگتە دءال قازىرگى كۇردەلى جاعدايدا بيزنەستى قولداۋ بويىنشا دا ءبىرشاما ماسەلەلەر تۋىنداعانىن ايتتى ءوڭىر باسشىسى. جەتكىلىكتى قورى جوق شاعىن كاسىپورىندار نارىقتان كەتۋگە ءماجبۇر بولىپ جاتىر. ءوندىرىستىك بايلانىستار ءۇزىلءىپ،  جۇمىسسىزدىقتىڭ ءوسۋ قاۋپى تۋىنداعان.

"سوندىقتان ءبىزدىڭ باستى مىندەتىمىز –جاعدايدى تۇراقتاندىرۋ جانە داعدارىستان تەزىرەك شىعۋعا باعىتتالعان بارلىق شارالاردى قابىلداۋ"، دەپ اتاپ ءوتتى وبلىس اكىمى.

مىسالى، قازىرگى ۋاقىتتا مەملەكەتتىك باعدارلامالار ارقىلى 31،4 ملرد تەڭگە ينۆەستيتسيا سوماسىنا 830 بيزنەس-جوباعا قولداۋ كورسەتىلگەن. جالپى، بيىل 8 مىڭعا جۋىق جۇمىس ورنىن اشا وتىرىپ، 2 500 جوباعا قولداۋ كورسەتۋ جوسپارلانعان ەكەن.

بۇدان بولەك، داعدارىسقا قارسى ءىس-شارالار اياسىندا بيزنەس-ۇدەرىستەردى تۇراقتاندىرۋ ماقساتىندا قاراعاندى وبلىسىنىڭ 30 مىڭنان استام سۋبەكتىسىءنىڭ سالىقتار، ەكىنشى دەڭگەيلى بانكتەردىڭ نەسيەلەرى، جالداۋ اقىسى جانە كوممۋنالدىق وتەماقى بويىنشا تولەمدەرءى كەيىنگە قالدىرىلىپتى.

تىكەلەي ەفيردە وتكەن بريفينگتىڭ سوڭىندا جەڭىس قاسىمبەك وبلىستاعى جالپى جاعدايدىڭ ۇدايى باقىلاۋدا ەكەنىن جانە قانداي دا ءبىر الاڭداۋشىلىققا ەش نەگىزءدىڭ جوقتىعىن سەنىمدى تۇردە مالىمدەدى.

سوڭعى جاڭالىقتار

ەلورداعا قارجى قۇيۋعا نيەتتى

ەلوردا • بۇگىن، 16:50

ۇقساس جاڭالىقتار