قازاقستان • 07 شىلدە، 2020

الداعى كۇندەرى كەي وڭىرلەردە اۋا-رايى قۇبىلمالى بولادى

94 رەت كورسەتىلدى

قازاقستان اۋماعىنىڭ باسىم بولىگىندە تۇراقسىز اۋا رايى ساقتالادى، نايزاعايمەن وتكىنشى جاڭبىر وتەدى، كەي جەرلەردە بۇرشاق ءتۇسۋى مۇمكىن، شىعىستا كەزەڭ باسىندا كەي جەرلەردە قاتتى جاڭبىر، تۇمان كۇتىلەدى. كەي جەرلەردە جەل كۇشەيەدى، وڭتۇستىكتە شاڭدى داۋىلمەن جەلدىڭ كۇشەيۋى بولجانادى. رەسپۋبليكا بويىنشا اۋانىڭ تەمپەراتۋراسى بىرتىندەپ جوعارىلاي باستايدى، ال باتىستا جانە وڭتۇستىكتە كەي جەرلەردە قاتتى ىستىق كۇتىلەدى. بۇل تۋرالى "كازگيدرومەتكە" سىلتەمە جاساي وتىرىپ Egemen.kz حابارلايدى.

8 شىلدەدە قوستاناي وبلىسىنىڭ كەي جەرلەرىندە نايزاعاي كۇتىلەدى. تۇندە جانە
تاڭەرتەڭ كەي جەرلەردە تۇمان كۇتىلەدى.

دابىلدى ەسكەرتۋدىڭ ىقتيمالدىلىعى 90-95%.

8-10 شىلدە كۇندىز باتىس قازاقستان، اتىراۋ وبلىستارىنىڭ وڭتۇستىگىندە 40-42 گرادۋس
قاتتى ىستىق ساقتالادى.

دابىلدى ەسكەرتۋدىڭ ىقتيمالدىلىعى 90-95%.

8 شىلدەدە اقمولا وبلىسىنىڭ كەي جەرلەرىندە نايزاعاي كۇتىلەدى. نۇر-سۇلتان قالاسىندا دا 8 شىلدە كۇندىز نايزاعاي كۇتىلەدى.

داۋىلدى ەسكەرتۋدىڭ ىقتيمالدىلىعى 85-90%.

8 شىلدەدە اقمولا وبلىسىنىڭ كەي جەرلەرىندە نايزاعاي كۇتىلەدى.
سول كۇنى كوكشەتاۋ قالاسىندا تۇندە جانە تاڭەرتەڭ نايزاعاي كۇتىلەدى.

داۋىلدى ەسكەرتۋدىڭ ىقتيمالدىلىعى 85-90%.

 

 

سوڭعى جاڭالىقتار

ۇقساس جاڭالىقتار