ايماقتار • 05 شىلدە، 2020

نۇر-سۇلتان پوليتسياسى ەرەكشە جۇمىس تارتىبىنە كوشتى

78 رەت كورسەتىلدى

ەلوردالىق پوليتسيا قىزمەتكەرلەرى 5 شىلدەدە ەپيدەميولوگيالىق جاعدايدى تۇراقتاندىرۋ شارالارى ەنگىزىلۋىنە بايلانىستى قىزمەتتىڭ ەرەكشە تارتىبىنە كوشتى. ءتارتىپ ساقشىلارى قالا كوشەلەرىن پاترۋلدەۋدە. پاترۋلدىك باعىتتار بارلىق ۋچاسكەلەردى قامتيتىنداي ەتىپ جاسالعان. پوليتسيا تۇرعىن ءۇي اۋماقتارىن، سونداي-اق حالىق كوپ جينالاتىن جەرلەردى ارالاۋدا. بۇل تۋرالى قالا اكىمدىگىنىڭ رەسمي سايتى حابارلادى، - دەپ جازادى Egemen.kz

سونىمەن قاتار ولار حالىققا ءتۇسىندىرۋ جۇمىستارىن جۇرگىزىپ، كارانتين ءتارتىبىن بۇزۋشىلىقتاردى انىقتايدى.

ەپيدەميولوگيالىق جاعدايدىڭ كۇردەلەنە تۇسكەنىن ەسكەرە وتىرىپ، مەملەكەتتىك كوميسسيا 5 شىلدەدەن باستاپ ەلدە 14 كۇنگە شەكتەۋ شارالارىن ەنگىزۋدى ۇيعاردى. ەپيدەميولوگيالىق جاعدايدىڭ ودان ءارى دامۋىنا بايلانىستى شەكتەۋ شارالارى ۇزارتىلۋى نەمەسە كۇشەيتىلۋى مۇمكىن.

"قالا تۇرعىندارى كارانتين ەرەجەلەرىن قاتاڭ ساقتاپ، بارلىق قاۋىپسىزدىك شارالارىن ۇستانۋى كەرەك: ماسكا تاعىپ، الەۋمەتتىك قاشىقتىق ساقتاپ، انتيسەپتيك قولدانۋى ءتيىس. 65 جاستان اسقان ادامدارعا قالا بويىنشا قوزعالىس شەكتەلگەن. ءوزىڭىزدىڭ جانە جاقىندارىڭىزدىڭ دەنساۋلىعىنا جاۋاپكەرشىلىكپەن قاراڭىز"، – دەپ اتاپ ءوتتى پوليتسيا.

سوڭعى جاڭالىقتار

ۇقساس جاڭالىقتار