ايماقتار • 03 شىلدە، 2020

ەلىنە ەرەن ەڭبەك سىڭىرگەن تۇلعاعا ارنالعان جيىن

377 رەت كورسەتىلدى

بۇگىن سولتۇستىك قازاقستان وبلىسى ىشكى ساياسات باسقارماسىنىڭ باستاماسىمەن "ەلباسى – تاۋەلسىزدىك تۇعىرى" دەگەن تاقىرىپتا ونلاين كونفەرەنتسيا بولىپ ءوتتى.

ونى سولتۇستىك قازاقستان وبلىسى اكىمىنىڭ ورىنباسارى عاني نىعىمەتوۆ اشىپ، جۇرگىزىپ وتىردى. "ەلباسى – تۇڭعىش پرەزيدەنت نۇرسۇلتان نازارباەۆتىڭ تاۋەلسىز قازاقستاننىڭ تۇعىرىن قالاپ، ىرگەسىنىڭ بەكۋىنە سىڭىرگەن ەڭبەگىن ايتىپ سوزبەن جەتكىزۋ مۇمكىن ەمەس. مەملەكەتتىك شەكارانى شەگەندەۋدە دە ول تمد ەلدەرى كوشباسشىلارىنىڭ اراسىندا ەڭ كوپ تەر توككەنىن ءبارىمىز جاقسى بىلەمىز. ەلباسىنىڭ تۋعان كۇنىمەن ءبىر كۇندە استاناعا اينالدىرىلعان قازىرگى الەم تانىعان نۇر-سۇلتان قالاسىنىڭ قالىپتاسۋى مەن دامۋىنا دا ونىڭ سىڭىرگەن ەڭبەگى وراسان زور. قازاقستاننىڭ الەمدىك قاۋىمداستىقتا تانىلىپ، بەدەلدى مەملەكەت بولۋى دا تۇڭعىش پرەزيدەنتتىڭ ىسكەرلىگىنىڭ ارقاسىندا بولدى. تمد ەلدەرى اراسىندا ءبىرىنشى بولىپ ەقىۇ توراعاسى بولىپ قانا قويماي ونىڭ ءسامميتىن وتكىزۋى، ەحرو-2017  حالىقارالىق كورمەسىن ورتالىق ازيادا ءبىرىنشى بولىپ جاساۋى – الەم نازارىن اۋدارعان عالامدىق شارالار بولدى. ونىڭ الەمدىك بەيبىتشىلىكتى، تىنىشتىق پەن تاتۋلىقتى ساقتاۋ باعىتىنداعى باستامالارىن حالىقارالىق قاۋىمداستىق جوعارى باعالايدى. كەشە عانا ەل گازەتى "ەگەمەن قازاقستاندا" پرەزيدەنت ق.توقاەۆتىڭ ماقالاسى جاريالانىپ، ونىڭ بارلىق ىستەرىنە ادىلەتتىلىكپەن جوعارى باعا بەرىلدى"، - دەي كەلىپ، عاني ساقتاعان ۇلى جامان ىندەتتىڭ كەسىرىنەن كونفەرەنتسياعا قاتىسىپ وتىرعان شەكتەۋلى سپيكەرلەرگە ءسوز بەردى.

كىتاپ

سونىڭ ىشىندە پارلامەنت ءماجىلىسىنىڭ ەكس-دەپۋتاتتارى ج.سۇلەيمەنوۆ، ي.چيركالين جانە ر.پوليششۋك ەلباسى – تۇڭعىش پرەزيدەنت ن.نازارباەۆتىڭ ەڭبەكتەرى مەن تاۋەلسىزدىكتىڭ تۇعىرىن بەكىتۋدەگى ەرەن ەڭبەكتەرى تۋرالى باياندادى.

جيىن

ال كونفەرەنتسيانىڭ ءبىر سپيكەرى بولعان وسى جولداردىڭ اۆتورى ەلباسىنىڭ شەتەلدىك ساپارلارىن "ەگەمەن قازاقستان" گازەتىنىڭ شولۋشىسى رەتىندە 10 جىل بويى اقپاراتتىق جاعىنان قامتاماسىز ەتكەندە ءوز كوزىمەن كورگەن تۇلعالىق جەكە قاسيەتتەرى تۋرالى اڭگىمەلەپ بەردى.

كونفەرەنتسيا ونلاين رەجىمىندە وبلىستىڭ بارلىق وڭىرىنە كورسەتىلىپ تۇردى.  

قىزىلجار

سوڭعى جاڭالىقتار

ۇقساس جاڭالىقتار