قوعام • 03 شىلدە، 2020

نەگىزگى مىندەت – اۋرۋدىڭ تارالۋىن توقتاتۋ

40 رەت كورسەتىلدى

الەمنىڭ كوپتەگەن ەلدەرىندەگىدەي، قازاقستاندا دا كۇردەلى ەپيدەميالىق جاعداي قالىپتاستى. مۇنداي جاعدايدا مەملەكەت تاراپىنان قابىلدانعان شارالار مەن جوسپارلانعان ءىس-شارالار تۋرالى حالىقتى مۇمكىندىگىنشە تەزىرەك اقپاراتتاندىرۋعا تىرىسۋ كەرەك.

پرەزيدەنت ق.توقاەۆ ءوزىنىڭ Twitter پاراقشاسىندا ۇكىمەت 5 شىلدەدەن باستاپ كارانتين رەجىمىن ەنگىزۋ جوسپارىن ۇسىن­عانىن، سونداي-اق قا­زاق­ستاندا ەپيدەميالىق جاعدايدى تۇراقتاندىرۋ جونىندەگى مەم­لەكەتتىك كوميسسيانىڭ وتىرىسى وتكەنىن جازدى. اۋرۋ بىرنەشە ايدىڭ ىشىندە الەمنىڭ بارلىق تۇكپىرىنە تارالدى. دامىعان ەلدەردە ىندەتتەن بولعان ءولىم-ءجىتىم جوعارى دەڭگەيىن كورسەتىپ وتىر. مىسالى، اقش-تا بۇل كورسەتكىش 5%-دان اسادى.

5 شىلدەدەن باستاپ سۇلۋلىق سالوندارى، سپورت زالدارى، كوپ­شىلىك ءىس-شارالار، كافەلەر مەن مەيرامحانالاردىڭ جۇمىسىنا 14 كۇندىك شەكتەۋ شارالارى ەنگىزىلەدى. وسىنداي جۇمىس رەجىمى بارشا قازاقستاندىقتارعا بۇرىن­نان تانىس. قازىرگى ۋاقىتتا مەملەكەت باسشىسىنىڭ تاپسىرماسى بويىنشا جۇقپالى اۋرۋى بار ناۋقاستارعا ارنالعان توسەكتىك-ورىن سانى 50% ارتتىرىلىپ، 1400 قابىلداۋ بريگاداسى جۇمىس ىستەۋدە. پتر-سىناقتارىنا ارنالعان 8 جىلجىمالى زەرتحانالار ساتىپ الىنۋدا. ال سىناق­تاردىڭ وزدەرى رەسەيدەن، قىتاي­دان، گەرمانيادان اكەلىنەدى.

ناۋرىزدا ەلىمىز وسىعان ۇقساس رەجىمدى باستان وتكەرگەن بولاتىن. ۇكىمەت جوسپارىندا كورسەتىلگەن شەشىمدەر شەكتەۋلىك سيپاتقا يە، بىراق شامادان تىس ەشتەڭە جوق. ماسەلەن، ايماقتار اراسىنداعى اۋە قاتىناسى ساقتالادى، جۇك جانە جولاۋشىلار پويىزدارىنىڭ قوزعالىسى ءبىرشاما شەكتەلەدى. الايدا كوروناۆيرۋستىق سىناقتان وتكەندىگى تۋرالى انىقتامانى ۇسى­نۋدىڭ قاجەتى جوق. اسىرەسە ماۋسىمدىق فاكتوردى، دەمالىس كەزەڭى ەكەنىن ەسكەرەتىن بولساق، بۇل وتە ماڭىزدى شارا.

قازىر كوروناۆيرۋس ينفەكتسياسىن جۇقتىرعان ناۋقاستار سانىنىڭ ءوسۋى بايقالادى. وكىنىش­كە قاراي، قايتىس بولعاندار دا بار. قازاقستاندىقتار ەلدەگى جاعدايعا وزدەرى دە جاۋاپتى ەكەنىن ءتۇسىنۋى كەرەك. ساقتىق شارالارىن جەكەلەگەن ازاماتتاردىڭ ەلەمەۋى، ءتۇرلى مەرەكەلىك شارالاردى وتكىزۋ، قاراپايىم سانيتارلىق نورمالاردى ساقتاماۋ ەپيدەميالىق جاعدايدىڭ كۇردەلەنۋىنە الىپ كەلدى. وسىنداي شەكتەۋ شارالارى كوكتەمدە ايتارلىقتاي ءتيىمدى بولدى.

قازىرگى ۋاقىتتاعى نەگىزگى مىن­دەت – اۋرۋدىڭ تارالۋىن ازايتۋ جانە جاعدايدى وڭ باعىتقا بۇرۋ.

 

زارەما شاۋكەنوۆا،

پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى

سوڭعى جاڭالىقتار

ەلگە كەرەك ەكى كىتاپ

رۋحانيات • بۇگىن، 08:52

«عارىشقا اپارار جول»

رۋحانيات • بۇگىن، 08:50

ۇقساس جاڭالىقتار