ايماقتار • 02 شىلدە، 2020

اتىراۋدا كاسىپكەر 3 ملن-عا جۋىق ءشپريتستى تەگىن بەرەدى

1619 رەت كورسەتىلدى

"براندو" جشس-ءنىڭ قۇرىلتايشىسى ماحمۋت مەراليەۆ ءبىر رەتتىك شپريتستەردى تەگىن بەرۋدى ۇيعاردى، - دەپ حابارلايدى Egemen.kz

"قازىرگى احۋال قولدان كەلگەن كومەكتى كورسەتۋدىڭ قاجەتتىگىن بايقاتتى. سەبەبى، قاۋىپتى  ىندەتتىڭ تارالۋ جىلدامدىعى ءورشىپ بارادى. سوعان بايلانىستى  2 950 000 ءبىر رەتتىك ءشپريتستى تەگىن تاراتۋعا ۇيعارىم جاسادىق. العاشقى لەگى – 500 000 دانا. ال، قىزىلقوعا اۋدانىنىڭ  ءار تۇرعىنى ءۇشىن 10 دانادان 300 000 داناسىن تەگىن بەرەمىز"، دەيدى ماحمۋت مەراليەۆ.

كاسىپكەر بۇعان دەيىن قىزىلقوعا اۋداندىق اۋرۋحاناسىنا 1 ملن 345 مىڭ تەڭگەنىڭ ءدارى-دارمەگىن، 1 ملن تەڭگەنىڭ وتتەگى باللونىن الىپ بەرىپتى. سونداي-اق، اۋداندىق اۋرۋحاناداعى 10  پاتسيەنتتىڭ ارقايسىسىنا  ماتەريالدىق كومەك كورسەتتى.

كەشە اتىراۋلىق ۆولونتەرلار  كاسىپكەر ۇسىنعان ءبىر رەتتىك 500 000 ءشپريتستى  اتىراۋ قالاسىنىڭ تۇرعىندارىنا  تەگىن تاراتتى. ءبىر ادامعا –15 دانا شپريتستەن.  ەندى ولار قالا ماڭىنداعى 7 اۋىلدىق وكرۋگ تۇرعىندارىنا  تەگىن تاراتۋدى كوزدەپ وتىر.

سوڭعى جاڭالىقتار

ۇقساس جاڭالىقتار