ۇيلەستىرۋ كەڭەسىنىڭ العاشقى وتىرىسى

كەشە پرەمەر-مينيستر كارىم ءماسىموۆ ۇكىمەت جانىنداعى كاسىپكەرلىك ماسەلەلەرى جونىندەگى بىرەگەي ۇيلەستىرۋ كەڭەسىنىڭ العاشقى وتىرىسىن وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى. ونىڭ جۇمىسىنا ورتالىق اتقارۋ ورگاندارىنىڭ, ۇلتتىق بانكتىڭ (گ.مارچەنكو), ققا-نىڭ (ە.باحمۋتوۆا), “سامۇرىق-قازىنا” قورىنىڭ (ق.كەلىمبەتوۆ), سونداي-اق قازاقستان قارجىگەرلەرى اس­سوتسياتسياسىنىڭ (س.احانوۆ), قا­زاقستان كاسىپكەرلەرى فورۋمىنىڭ (ر.باتالوۆ), “اتامەكەن” وداعىنىڭ (ا.پەرۋاشەۆ), قازاقستان رەسپۋب­لي­كاسى ساۋدا-ەكونوميكالىق پا­لاتاسىنىڭ (ە.قوجاسباي), قازاق­ستان ۇن تارتۋشىلار وداعىنىڭ (ن.سماعۇلوۆ), سول سياقتى سالالىق جانە وڭىرلىك بيزنەس قاۋىم­داس­تىقتاردىڭ باسشىلارى قاتىستى. كاسىپكەرلىك ماسەلەلەرى ءجونىن­دەگى ۇيلەستىرۋ كەڭەسى مەملەكەت باسشىسىنىڭ تاپسىرماسى بوي­ىن­شا قازاقستان رەسپۋبليكاسىنىڭ 2020 جىلعا دەيىنگى ستراتەگيالىق دامۋ جوسپارىن, ەلدى ۇدەمەلى ين­دۋستريالىق-يننوۆاتسيالىق دامىتۋ باعدارلاماسىن جانە “بيزنەستىڭ جول كارتاسى-2020” باعدارلاماسىن ءتيىمدى جۇزەگە اسىرۋ ماقساتىندا قۇرىلعان بولاتىن. كەڭەس بۇرىن قالىپتاسقان قارىم-قاتىناستار تەتىگىن ساقتاپ جانە ساباق­تاستىقتى قامتاماسىز ەتە وتىرىپ, داعدا­رىسقا قارسى كەڭەستىڭ, اكىمشىلىك كەدەرگىلەردى جويۋ جونىندەگى كو­ميسسيانىڭ جانە بيزنەستى جۇرگىزۋ جونىندەگى جۇمىس توبىنىڭ فۋنك­تسيالارىن وزىنە بىرىكتىرىپ وتىر. ءبىرىنشى وتىرىسقا قاتىسۋشى­لار ۇيلەستىرۋ كەڭەسىنىڭ جۇمىس جوسپارىن قولدادى, سونىمەن بىرگە, ونىڭ قىزمەتىنىڭ ۇيىمدىق ماسە­لەلەرىن تالقىلادى. ونىڭ سىرتىندا “بيزنەستىڭ جول كارتاسى-2020” باعدارلاما­سى­نىڭ جوباسى قارالىپ, تالقىلاۋ بارىسىندا ونى جۇزەگە اسىرۋدىڭ ۇسىنىلعان كەشەندى شارالارىنا بۇتىندەي العاندا قولداۋ ءبىلدىرىلدى.