ايتۋىنشا بۇگىندە ينفەكتسيالىق گوسپيتالدە 77 پالاتا جانە 2 رەانيماتسيالىق زال بار. وتتەگى جەتكىلىكتى. مۇندا covid 19 جانە پەنەۆمونياعا شالدىعىپ, دەنساۋلىعى اۋىر جاعدايداعى ناۋقاستار تۇسۋدە ەكەن.
"گوسپيتالدىڭ جانساقتاۋ بولىمىنە ءتۇسىپ, كەيىن دەنساۋلىعى وڭالىپ تۇراقتالعان, الايدا بىرنەشە كۇن تاعى دارىگەر باقىلاۋىندا بولۋى كەرەك ناۋقاستاردى پروۆيزورلىق ورتالىقتارعا اۋىستىرىپ, اۋىر جاعدايداعى ناۋقاستارعا ورىن دايىنداۋ جاعىن قاراپ, شەشىڭدەر. جەدەل جاردەم قىزمەتكەرلەرى ارى-بەرى ساندالماۋى كەرەك", - دەگەن تاپسىرماسىن بەردى قالا اكىمى.
مۇنان كەيىن مۇرات ايتەنوۆ قازىعۇرت شاعىن اۋدانىنداعى №86 مەكتەپتە دايىندالىپ جاتقان كۇندىزگى ستاتسيونارعا باردى. عيماراتتا جۇزدەن استام ناۋقاستى قابىلداۋعا مۇمكىندىك بار.
تاعى ورىن قاجەتتىلىگى تۋىنداسا, نىساننىڭ ەكىنشى قاباتىن دا قولدانۋعا بولادى. بۇل كۇندىزگى ستاتسيونارعا ءدارى جەتكىزۋ ماسەلەسى دە شەشىلگەن. ءدال وسىنداي ستاتسيونارلار ساۋلە, اقجار شاعىن اۋداندارىندا دا دايىندالۋدا ەكەن.
سونىمەن قاتار, اكىم پنەۆمونياعا شالدىققانداردى قابىلداپ جاتقان پروۆيزورلىق ورتالىققا باردى. 100 ورىندىق ارداگەرلەر ۇيىندە قازىر 25 ناۋقاس ەم قابىلداۋدا. بۇل جونىندە №2 ەمحاناسى باس دارىگەرىنىڭ ورىنباسارى ە.ەرمەكباەۆا ايتتى.
"جەدەل جاردەممەن جەتكىزىلگەن ناۋقاستارعا العاشقى مەديتسينالىق كومەك كورسەتىلۋدە. ەگەر دە اۋرۋحاناعا جاتقىزىلۋ كەرەك جاعداي بولسا, بوس ورىندار بار. ەكى اۋىسىمدا 20 دارىگەر جۇمىس جاساۋدا. ناۋقاستاردىڭ جاعدايى تۇراقتى", - دەيدى ول.
سونداي-اق, جەڭىل اتلەتيكا مانەجىندە كۇندىزگى ستاتسيونار رەتىندە بەس جۇزگە جۋىق توسەك-ورىن دايىندالۋدا. قالا اكىمى سپورت كەشەنىندە بولىپ, ونداعى جۇمىستى ۇيلەستىرۋ جانە قاجەتتى جابدىقتارمەن قامتۋ ماسەلەسى بويىنشا ناقتى تاپسىرمالار بەردى.
"مۇندا كەلۋشى ناۋقاستار ەش قيىندىقسىز ەمدەلۋى كەرەك جانە حالىقتى كۇتتىرمەڭدەر. باستى ماقسات - ءاربىر ادامنىڭ ەم الۋى قولجەتىمدى بولۋى ءتيىس", - دەدى مۇرات دۇيسەنبەك ۇلى.
مۇنان وزگە قالا باسشىسى اۋىر جاعدايداعى ناۋقاستار عانا ەمەس, جەڭىل فورماداعى اۋرۋلار ءۇشىن دە بارلىق جاعدايدىڭ دايىن بولۋى ءۇشىن ناقتى تاپسىرمالار بەردى.
سونىمەن قاتار, كاسىپكەرلىك نىساندارداعى كارانتيندىك تالاپتاردىڭ ساقتالۋىن ءوزى كورىپ قايتتى.
