ايماقتار • 30 ماۋسىم، 2020

"Biz Birgemiz" اكتسياسى حالىقتىڭ بىرلىگىن كورسەتتى

25 رەت كورسەتىلدى

بۇگىن پەتروپاۆلدا "Biz Birgemiz" رەسپۋبليكالىق اكتسياسىنا قاتىسقان ەرىكتىلەردى "Nur Otan" پارتياسى سقوف توراعاسى، وبلىس اكىمى قۇمار اقساقالوۆ تۇڭعىش پرەزيدەنت - ەلباسى ن.نازارباەۆتىڭ العىس حاتتارىمەن ماراپاتتادى، - دەپ جازادى Egemen.kz

"Nur Otan" پارتياسىنىڭ كوشباسشىسى قول قويعان العىس حاتتار 13 ەرىكتىگە تاپسىرىلدى، ولاردىڭ اراسىندا – بيزنەس، قوعامدىق بىرلەستىكتەر وكىلدەرى، جۋرناليستەر، سپورتشىلار، مادەنيەت قايراتكەرلەرى بار. ال جالپى وبلىس بويىنشا وسىنداي ماراپاتقا 87 ادام يە بولدى. "ىندەتتى جۇقتىرۋ قاۋپىنە، اۋا-رايىنىڭ قيىن جاعدايىنا جانە باسقا دا قيىندىقتارعا قاراماستان، ەرىكتىلەر مۇقتاج جانداردىڭ ۇيلەرىن ارالاپ، ولاردى ازىق-ت ۇلىكپەن، انتيسەپتيكالىق قۇرالدارمەن قامتاماسىز ەتتى. سوندىقتان ولار قانداي قۇرمەتكە بولسىن لايىقتى. ەرىكتىلەر ءتىپتى ءۇزىلىسسىز، دەمالىسسىز جۇمىس ىستەدى، كۇن سايىن 6-7 مەكەنجايدى ارالاپ شىقتى، وزدەرىنىڭ الەۋمەتتىك جاۋاپكەرشىلىگىن، مۇقتاج ادامدارعا كومەك كورسەتۋدەگى ەرىكتى مىندەتىن ابىرويمەن ورىندادى. ءبىزدىڭ ۆولونتەرلارىمىز ۇستىمىزدەگى جىلدىڭ وزدەرىنىڭ قۇرمەتىنە بەكەر اتالماعانىن ىسپەن دالەلدەدى. رياسىز جانە ادال جۇمىستارىڭىز ءۇشىن سىزدەرگە ۇلكەن راحمەت"، - دەدى پارتيانىڭ ايماقتىق فيليالىنىڭ توراعاسى قۇمار اقساقالوۆ.

ەلباسىنىڭ اتىنان العىس العانداردىڭ اراسىندا – "مورجي Petropavlovsk 15" بىرلەستىگىنىڭ جەتەكشىسى ەرىك ماعامبەتوۆ تە بار. ول كارانتين كەزىندە جولداستارىمەن بىرگە پەتروپاۆلدا تۇراتىن 70 وتباسىنا كومەك كورسەتتى. "ەلباسى ن.نازارباەۆتىڭ اتىنان العىس العانىما قۋانىشتىمىن. بىزگە كومەكتەسىپ، ازىق-ت ۇلىك جيناۋدى جۇزەگە اسىرعان ادامدارعا راحمەت ايتقىم كەلەدى. ءبىز Instagram الەۋمەتتىك جەلىسىندە ۇندەۋ جاريالاعان ەدىك، سوعان كوپتەگەن ادامدار ءۇن قوسىپ، بىزگە قاراجاتپەن قارايلاستى. بارلىق اقشا مۇقتاجدارعا جەتكىزىلدى دەپ نىق سەنىممەن ايتا الامىن. جۇمىستى جاقسى ۇيلەستىرگەنى ءۇشىن نۇروتاندىقتارعا العىس ايتامىن، قيىن كەزەڭدە ءبىز بىرگە ەكەنىمىزدى دالەلدەدىك"، - دەدى ەرىك ماعامبەتوۆ ءوزىنىڭ سوزىندە.

ەسكە سالا كەتەتىن بولساق، "Biz Birgemiz" اكتسياسى سولتۇستىك قازاقستاندا 18 ناۋرىزدا باستالعان بولاتىن. ول مۇقتاج ازاماتتارعا ازىق-ت ۇلىك، ءبىرىنشى قاجەتتىلىكتەگى تاۋارلاردى، انتيسەپتيكالىق جانە قورعانىس قۇرالدارىن جەتكىزۋدى وزدەرىنە ماقسات ەتتى. ناتيجەسىندە ەرىكتىلەر وبلىستىڭ 2،5 مىڭنان استام تۇرعىنىنا كومەك كورسەتتى. سونىڭ ىشىندە مۇقتاج تۇرعىنداردىڭ ارقايسىنا 50 مىڭ تەڭگە كولەمىندە قارجىلاي كومەك كورسەتىلىپ، بارلىعى 944 ملن. تەڭگە قاراجات تاراتىلدى.

 

سولتۇستىك قازاقستان وبلىسى

سوڭعى جاڭالىقتار

ۇقساس جاڭالىقتار