ۇكىمەت • 30 ماۋسىم، 2020

اسقار مامين ەلدەگى تسيفرلاندىرۋدى دامىتۋدى تاپسىردى

27 رەت كورسەتىلدى

پرەمەر-مينيستر اسقار مامين ءبىلىم جانە عىلىم مينيسترلىگىنە تسيفرلىق دامۋ مينيسترلىگىمەن جانە اكىمدىكتەرمەن بىرلەسىپ "تسيفرلىق ءبىلىم بەرۋ" باعدارلاماسىنىڭ اۋقىمدى ىسكە قوسىلۋىن قامتاماسىز ەتۋدى تاپسىردى، - دەپ حابارلايدى Egemen.kz.

"تسيفرلىق داعدىلارعا وقىتۋ، ءىت-مامانداردى دايارلاۋ جانە قايتا دايارلاۋ بويىنشا باعدارلامالار ازىرلەۋ قاجەت. ايماقتىق ۋنيۆەرسيتەتتەر مەن كوللەدجدەرگە IT-مامانداردى دايارلاۋ بويىنشا الدىڭعى قاتارلى جوعارى وقۋ ورىندارىنىڭ تاجىريبەسىن ماسشتابتاۋ كەرەك. "استانا" حالىقارالىق قارجى ورتالىعىنىڭ تاجىريبەسى مەن ۇسىنىستارىن ەسكەرۋ جانە جاڭا كاسىبي ستاندارتتارعا سايكەس ءبىلىم بەرۋ باعدارلامالارىن جاڭارتۋ بويىنشا جۇمىستى جانداندىرۋ مىندەتتى"، - دەدى ا.مامين.

سونداي-اق ۇكىمەت باسشىسى تسيفرلىق دامۋ مينيسترلىگىنە "تسيفرلىق قازاقستان" مەملەكەتتىك باعدارلاماسىنىڭ ءىس-شارالار كەشەنىن ءارى قاراي دامىتۋدى جانە بايلانىس وپەراتورلارىمەن بىرلەسىپ وتاندىق ءبىلىم بەرۋ رەسۋرستارىنا شەكتەۋسىز قولجەتىمدىلىكتى قامتاماسىز ەتۋدى پىسىقتاۋدى تاپسىردى.

"2025 جىلعا قاراي حالىقتىڭ ساندىق ساۋاتتىلىق دەڭگەيىن كەمىندە 87 پايىزعا جەتكىزۋ جانە وڭىرلەر ءۇشىن بىرىڭعاي جۇمىس الگوريتمىن جاساۋ قاجەت"، - دەدى ول.

بۇدان باسقا، ۇكىمەت باسشىسى وڭىرلەر اكىمدىكتەرىنە زاماناۋي كومپيۋتەرلىك جابدىقتاردى، روبوت تەحنيكاسى كابينەتتەرىن جانە تسيفرلىق وقىتۋ تالاپتارىنا سايكەس مەكتەپتەر ءۇشىن عىلىمي – تەحنيكالىق وقىتۋدىڭ STEM-جاڭا ءادىسناماسىن قوسىمشا ساتىپ الۋدى قامتاماسىز ەتۋدى تاپسىردى.

سوڭعى جاڭالىقتار

ۇقساس جاڭالىقتار