ايماقتار • 25 ماۋسىم، 2020

تۇركىستاندا تىگىن فابريكاسى سالىنادى

82 رەت كورسەتىلدى

تۇركىستان قالاسىنداعى يندۋستريالدى ايماقتا تىگىن فابريكاسىن سالۋ كوزدەلىپ وتىر. جاڭا كاسىپورىندا 1200 ادام جۇمىسپەن قامتىلماق، - دەپ حابارلايدى Egemen.kz.

تۇركىستان وبلىسىنىڭ اكىمى ومىرزاق شوكەەۆپەن كەزدەسۋدە وزبەكستان رەسپۋبليكاسى پرەزيدەنتىنىڭ كەڭەسشىسى، توتەنشە جاعدايلار ءمينيسترى تۋرسينحان حۋدايبەرگەنوۆ تىگىن تسەحىن اشىپ، تابىسى تومەن جانە مۇمكىندىگى شەكتەۋلى ايەلدەر مەن قىز-كەلىنشەكتەردى جۇمىسقا قابىلداۋ جونىندەگى جوسپارىن جەتكىزدى. تىگىن فابريكاسىندا كوستيۋم، سىرت كيىم مەن سپورت كيىمدەرى تىگىلەتىن بولادى. العاشقى ينۆەستيتسيانى وزبەكستان مەملەكەتى سالىپ، ماماندارى ءوز تاجىريبەسىمەن بولىسپەك.

ءىسساپار بارىسىندا قوناقتار قالاعا كىرەبەرىستە سالىنىپ جاتقان مەشىت قۇرىلىسىنىڭ باسىندا بولدى. ساۋلەتى ەرەكشە يسلام ورتالىعىنىڭ ىشكى جانە سىرتقى بەزەندىرىلۋى شىعىستىق ناقىشتا جۇرگىزىلمەك. بىرەگەي جوباعا وزبەكستان رەسپۋبليكاسىنىڭ پرەزيدەنتى شاۆكات ميرزيوەۆ قولداۋ كورسەتىپ وتىر. وزبەكستاننىڭ تۇركىستانعا تارتۋى رەتىندە سالىنىپ جاتقان مەشىت قۇرىلىسىن كۇزدە اياقتاۋ جوسپارلانعان. وبلىس اكىمى  قۇرىلىس قارقىنى مەن ساپاسىنا باسا نازار اۋدارۋ قاجەتتىگىن ەسكەرتىپ، بەكىتىلگەن كەستەگە ساي اياقتاۋدى جۇكتەدى.

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار