الەم • 25 ماۋسىم، 2020

بىشكەكتە ءال-ءفارابيدىڭ 1150 جىلدىعىن مەرەكەلەۋ ماسەلەسى تالقىلاندى

40 رەت كورسەتىلدى

2020 جىلعى 24 ماۋسىمدا قازاقستان رەسپۋبليكاسىنىڭ قىرعىز رەسپۋبليكاسىنداعى ەلشىلىگى ا.وسمونوۆ اتىنداعى قىرعىز رەسپۋبليكاسىنىڭ ۇلتتىق كىتاپحاناسىمەن بىرلەسىپ، ءال-ءفارابيدىڭ 1150 جىلدىعىنا ارنالعان " ۇلى ويشىلدىڭ عىلىمي جانە رۋحاني مۇراسى" تاقىرىبىندا حالىقارالىق ونلاين-كونفەرەنتسيا ۇيىمداستىردى، - دەپ حابارلايدى Egemen.kz.

حالىقارالىق ونلاين-كونفەرەنتسيا جۇمىسىنا ي.اراباەۆ اتىنداعى قىرعىز مەملەكەتتىك ۋنيۆەرسيتەتى، ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى مەن م.ح.دۋلاتي اتىنداعى تاراز مەملەكەتتىك ۋنيۆەرسيتەتى سياقتى بەلگىلى جوعارى وقۋ ورىندارىنىڭ عالىم-زەرتتەۋشىلەرى قاتىستى، قىرعىز رەسپۋبليكاسى ۇلتتىق عىلىم اكادەمياسىنىڭ وكىلدەرى، ستۋدەنتتەر مەن قازاق دياسپوراسىنىڭ وكىلدەرى قاتىستى.

كونفەرەنتسيا جۇمىسىن قازاقستاننىڭ قىرعىزستانداعى ەلشىسى قايرات نۇرپەيىسوۆ اشتى. "قازاقستانداعى ءال-فارابي مەرەيتويى مەملەكەتتىك دەڭگەيدە ءوتىپ جاتىر، ال يۋنەسكو ونى اتاۋلى كۇندەر مەن وقيعالار كۇنتىزبەسىنە ەنگىزدى"، - دەپ اتاپ ءوتتى ول.

ونىڭا ايتۋىنشا، ەكى باۋىرلاس حالىقتاردىڭ ءوزارا رۋحاني-مادەني تۇرعىدان بايۋىنا جانە ولاردىڭ مادەني-گۋمانيتارلىق ءوزارا ءىس-قيمىلىن نىعايتۋعا ۇمتىلۋىمىز كەرەك. بۇل الدىمىزدا تۇرعان ۇلكەن مىندەت. 

كونفەرەنتسيا بارىسىندا ۇلى ءال-ءفارابيدىڭ ءومىرى مەن شىعارماشىلىعى تۋرالى فيلم كورسەتىلدى، سونداي-اق كىتاپ كورمەسى ۇيىمداستىرىلدى.

1

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار