«42 500 تەڭگە ەندى تولەنبەيدى. ونى جوسپارلاپ تا وتىرعان جوقپىز. 42 500 الەۋمەتتىك تولەمىنە بيۋدجەتتەن قارجى قاراستىرىلماعان. مەملەكەتتىك الەۋمەتتىك ساقتاندىرۋ قورىنىڭ اكتيۆتەرىن ساتۋ ەسەبىنەن تۇسكەن قاراجات پايدالانىلعان بولاتىن. بۇل تۇرعىدا بىزگە ۇلتتىق بانك كوپ كومەگىن كورسەتتى. ول قور اكتيۆتەرىن ساتۋ, قارجى قۇرالدارىن جابۋ ارقىلى قاجەتتى اقشا قاراجاتىن بوساتىپ بەردى. سونىڭ ارقاسىندا مەملەكەتتىك الەۋمەتتىك ساقتاندىرۋ قورى 322 ملرد تەڭگە اكتيۆىن جۇمساپ, 4 ملن 607 مىڭ ادام 42 500 تەڭگەدەن الدى», - دەي كەلە مينيستر بۇگىنگى كۇنى مەملەكەتتىك الەۋمەتتىك ساقتاندىرۋ قورىنىڭ قارجىلىق مۇمكىندىگى شەكتەلىپ وتىرعانىن ايتتى.
