كەز كەلگەن داعدارىس جاڭا يدەيالاردىڭ جاڭا جوسپارلاردىڭ تۋىنداۋىنا الىپ كەلەدى. بۇل جەردە جەكە تۇلعانىڭ ەكسترەمالدىق سيتۋاتسيادان شىعۋ ارەكەتىن ۇتىمدى پايدالانىپ, ىشكى پسيحولوگيالىق رەزۋستارىن قولدانا الۋى كەرەك. ءسىزدىڭ جاعدايىڭىز ءسىزدىڭ جەكە باسىڭىزعا تىكەلەي اسەر ەتەدى.
سوندىقتان دا قوبالجۋدىڭ سەبەپتەرى بار. بىراق ەڭ باستىسى, ءوز-ءوزىڭىزدى سابىرعا كەلتىرىپ جانە بويىڭىزدا ەموتسيونالدىق تۇراقتىلىقتى قالىپتاستىرۋ كەرەك. سترەسس جاعدايىندا ادام ءوزىنىڭ شىنايىلىعىن جوعالتادى. جاعىمسىز ەموتسيالار, قورقىنىش جانە ەرتەڭگى كۇنگە سەنىمسىزدىك جۇمىس جاساۋىڭىزعا اسەر ەتەدى. وسى ورايدا داعدارىستى جاعدايدان شىعۋدا اباي اتىنداعى قازۇپۋ-دىڭ تاجىريبەلى پسيحولوگى باقىت جيگيتبەكوۆانىڭ بىرنەشە كەڭەستەرىن ۇسىنامىز: ناقتى نە بولعانىن جانە داعدارىس سىزگە جانە ءسىزدىڭ جاقىندارىڭىزعا قانداي اسەر ەتەتىنىن جازىپ الىڭىز; ءسىز ءۇشىن قانداي جاعداي اسەر ەتۋى مۇمكىن ەكەنىن تالداڭىز; سوندا ناقتىلىق پايدا بولىپ, ءسىزدىڭ بويىڭىزدان ۇرەي مەن قورقىنىش كەتە باستايدى; "قازىر ناقتى وسى جەردە" پرينتسيپىنە ورالىڭىز (قانداي ءىس-ارەكەتتەن باستايمىن, قولىمدا نە بار نە ىستەيمىن؟); بولاشاقتاعى ءىس -ارەكەتىڭىزدى ءپوزيتيۆتى جوسپارلاڭىز.
