بۇل تۋرالى ونلاين ءباسپاسوز جيىنىندا وبلىستىق دەنساۋلىق ساقتاۋ باسقارماسى باسشىسىنىڭ م.ا. ءبىرجان دوسمايلوۆ ءمالىم ەتتى.
"قازىرگى ۋاقىتتا اۋرۋحاناداعى بوس ورىندار ازايدى", - دەدى ءبىرجان دوسمايلوۆ. – ويتكەنى جرۆي مەن پنەۆمونياعا شالدىققاندار سانى ارتۋدا. تەك كەشەگى كۇننىڭ وزىندە 305 ناۋقاس اۋرۋحاناعا ءتۇستى. بۇگىندە اتالعان ساناتتاعى 956 ناۋقاس اۋرۋحانادا جاتىر. وڭىرىمىزدە ۋاقىتشا قاراۋ ورىندارىنىڭ سانى 1 مىڭنان اسادى. قازىرگى ۋاقىتتا ۋاقىتشا قاراۋ ورىندارى 98,9 پايىزعا, ينفەكتسيالىق گوسپيتالدار 77,3 پايىزعا تولعان.
ەسكە سالا كەتەيىك, بۇدان بۇرىن وبلىس اكىمى جاتار ورىنداردى كوبەيتۋ جونىندە تاپسىرما بەرگەن بولاتىن.
"پاندەميا باستالعان ساتتە وبلىس ورتالىعىنداعى قالالىق №3 اۋرۋحانا ۋاقىتشا قاراۋ مەكەمەسى ەتىپ جاسالىپ, 385 ورىن اشىلدى. سونداي-اق كارديو ورتالىقتىڭ عيماراتىندا 135 ورىن اشىلدى. گ.سۇلتانوۆ اتىنداعى وبلىستىق اۋرۋحانادا 282 ورىن دايىندالدى. بۇگىن قالالىق №1 اۋرۋحانادا قوسىمشا 200 ۋاقىتشا قاراۋ ورىنى ازىرلەندى", - دەدى ءبىرجان دوسمايلوۆ.
ايتا كەتەيىك, قازىرگى ۋاقىتتا پاۆلودار وبلىسىندا 535 ادام كوروناۆيرۋس جۇقتىرعان. ىندەتتەن 282 ادام جازىلىپ شىعىپ, 13 ادام كوز جۇمدى.
