بۇل قازىرگى تاڭدا كولەمى جونىنەن ورتا ازيا مەكتەپتەرىندەگى ەڭ ۇلكەن گلوبۋس بولىپ سانالادى.
ديامەترى 200 سانتيمەتر, بيىكتىگى 3,5 مەتر جانە سالماعى 400 كەلى تارتاتىن گلوبۋستى جاساۋعا اتالعان مەكتەپتىڭ تەحنولوگيا ءپانىنىڭ مۇعالىمدەرى قىدىرالى اعىباەۆ, پەردەحان تانسىقوۆ جانە بولات سەرىكبەكوۆ پەن 300-گە جۋىق وقۋشى قاتىسىپتى.
گلوبۋس 2015-2016 وقۋ جىلدارىندا جاسالىپ, وعان گيپسوكارتون ماتەريالى قولدانىلعان. بۇل ەرەكشە دۇنيەنى جاساۋعا 6 ايعا جۋىق ۋاقىت جۇمسالىپتى.
ورتالىق ازيا مەكتەپتەرىندە جوق الىپ گلوبۋس (جەر شارى) قازاقستاندىق كينەس-2020 رەكوردتار كىتابىنا ەنگىزىلۋگە ۇسىنىلىپ, جەڭىمپاز اتاندى.
جەڭىمپاز اتالعاندىعى راستالىپ, قازاقستاندىق كينەس-2020 رەكوردتار كىتابىنىڭ باس رەداكتورى ك.ا.تازابەكوۆتىڭ سەرتيفيكاتىنا يە بولدى.
شىمكەنت
