ايماقتار • 23 ماۋسىم، 2020

COVID-19: الماتىدا ءوجج اپپاراتتارى جەتكىلىكتى مە؟

31 رەت كورسەتىلدى

بۇگىن الماتى قالاسى قوعامدىق دەنساۋلىق باسقارماسىنىڭ باسشىسى كامالجان نادىروۆ ونلاين بريفينگتە ەپيدەميولوگيالىق جاعدايعا بايلانىستى ءوجج اپپاراتتارىنىڭ جۇكتەلۋى مەن قاجەتتىلىگىنە تالداۋ جۇرگىزىلگەنى تۋرالى حابارلادى، - دەپ جازادى Egemen.kz

الماتى قالاسىنىڭ مەديتسينالىق ۇيىمدارىندا جالپى 573 ءوجج اپپاراتى بار.

"بۇدان باسقا، 2 اي ىشىندە 18 ءوجج اپپاراتى مەن مەديتسينالىق جەدەل جاردەم اۆتوكولىكتەرىنە ارنالعان 20 ءپورتاتيۆتى ءوجج اپپاراتى جەتكىزىلەدى دەپ كۇتىلۋدە. وسىلايشا، قاجەت بولعان جاعدايدا ءوجج اپپاراتتارىن قوسىمشا ىسكە قوسۋ مۇمكىندىگى بار. جالپى، بىزدە قورداندەت جۇقتىرعان پاتسيەنتتەردى ەمدەۋگە ارنالعان 100-دەن استام ءوجج اپپاراتى بار. بۇل جەتكىلىكتى"، دەدى كامالجان نادىروۆ.

قالانىڭ باس دارىگەرى وتىنىشتەردىڭ كوبەيىپ جاتقاندىعىن ەسكەرە وتىرىپ، قدب كولل-ورتالىعى مەن ەمحانالار اراسىندا ءوزارا ارەكەت جاسالىنىپ جاتقاندىعىن اتادى.

"ستاتسيونارلارعا كەلىپ جاتقاندار سانىنىڭ ارتقانىن ەسكەرە وتىرىپ، توسەك-ورىندارىنىڭ تاپشىلىعى بايقالۋدا، بۇگىنگى كۇنى پروۆيزورلىق توسەك-ورىندار 90%-عا جۇكتەلگەن، ينفەكتسيالىق توسەك-ورىندار 95%-عا تولدى. جۇقپالى اۋرۋلار بەيىنىندەگى قوسىمشا توسەك-ورنىن اشۋ ءۇشىن HalykArena بازاسىندا 500 توسەك-ورنىن اشۋ نۇسقاسىن قاراستىرۋدامىز. سونداي-اق، ءبىز 150 توسەك-ورىنعا ارنالعان "تج اۋرۋحاناسى" اق گوسپيتالى بازاسىندا جۇقپالى اۋرۋلار ستاتسيونارىن اشۋدى ويلاستىرىپ وتىرمىز.

وسىلايشا، جۇقپالى اۋرۋلاردى ەمدەۋگە بەيىمددەلگەن 1940 توسەك-ورىنعا قوسىمشا تاعى 650 توسەك-ورنى اشىلاتىن بولادى. جاعداي ودان ءارى ۋشىققان كەزدە، "HalykArena" بازاسىنداعى توسەك-ورىندار سانىن 300 توسەك-ورىنعا كوبەيتۋ مۇمكىندىگى بار. سول سياقتى "AlmatyArena" بازاسىندا دا توسەك-ورىندار اشۋعا بولادى. وسىنىڭ بارلىعى ەسەپتەگەندە، 3700-گە دەيىن جۇقپالى اۋرۋلار توسەك-ورنىن، پروۆيزورلىق توسەك-ورىندارىن 1 مىڭعا دەيىن اشۋعا مۇمكىندىك بەرەدى. سونىمەن قاتار، ءبىز جاتاقحانالار بازاسىندا پروۆيزورلىق جانە جۇقپالى اۋرۋلار توسەك-ورىندارىن اشۋ ماسەلەسىن قاراستىراتىن بولامىز.

قازىرگى ۋاقىتتا دارىگەرلەر مەن مەيىربيكەلەر بريگاداسى قۇرىلعان"، دەدى الماتى قالاسى قوعامدىق دەنساۋلىق باسقارماسىنىڭ باسشىسى.

كولل ورتالىعىنا شاعىمدار كەلىپ تۇسكەن كەزدە، ءوتىنىشتى ەمحانا باسشىلىعى تىركەيدى جانە قارايدى. قدب بايلانىس ورتالىعىنىڭ ءنومىرى 3000-103 ەكەنىن ەسكە سالا كەتەيىك، سونداي-اق، 8777 8888 103 ۆاتساپپ نوىمىرىنە جۇگىنۋگە بولادى.

 

 

الماتى

سوڭعى جاڭالىقتار

ۇقساس جاڭالىقتار