ايماقتار • 22 ماۋسىم، 2020

قوستاناي وبلىسى پد مۋزەيىندە "ەرلىك" بۇرىشى اشىلدى

30 رەت كورسەتىلدى

قوستاناي وبلىسىنىڭ پوليتسيا دەپارتامەنتى مۋزەيىندە قىزمەتتىك بورىشىن ورىنداۋ بارىسىندا ەرلىكپەن قازا تاپقان دارحان بازارباەۆقا ارنالعان ەرلىك بۇرىشى اشىلدى، - دەپ حابارلايدى Egemen.kz.

پوليتسيا سەرجانتى بيىل قاڭتار ايىنىڭ 18-نەن 19-نا قاراعان ءتۇنى قىزمەتتىك بورىشىن اتقارۋ ۇستىندە قاسكويدىڭ قولىنان مەرت بولعان ەدى. وتباسىلىق جانجالدىڭ ناتيجەسىندە ءوز تۋىستارىنا قاۋىپ توندىرگەن 28 جاستاعى توبىل قالاسىنىڭ تۇرعىنى شاقىرتۋ بويىنشا بارعان دارحانعا  پىشاق ۇرىپ العان. قاپىدا جۇرەك تۇسىنان جاراقات العان قايسار ازامات ساناۋلى مينۋت عۇمىرى قالعانىنا قاراماستان، قاسكويدى بايلاپ-ماتاپ، وتباسىنا تونگەن قاۋىپتىڭ الدىن كەسەدى. وقيعا ورنىنا كەلگەن جەدەل جاردەم پوليتسيا سەرجانتىنىڭ ومىرىنە اراشا تۇرا المادى.

مەملەكەت باسشىسى قاسىم-جومارت توقاەۆتىڭ جارلىعىمەن قىزمەتتىك بورىشىن اتقارۋ بارىسىندا ەرلىك پەن جانقيارلىق كورسەتكەندارحان بازارباەۆ ءىىى دارەجەلى "ايبىن" وردەنىمەن ماراپاتتالدى.

ا

"دارحان بازارباەۆتىڭ جارقىن بەينەسى ەرلىكءتىڭ، قايسارلىق پەن ازاماتتىقتىڭ ۇلگىسى رەتىندە جۇرەگىمىزدە ماڭگى قالدى. ول قازاقستان پوليتسياسىنىڭ داڭقتى داستۇرلەرىن جالعاستىردى، قىزمەتتىك بورىشىنا دەگەن ادالدىقتىڭ ۇلگىسىن كورسەتتى"، - دەءدى قوستاناي وبلىسى پد باستىعىنىڭ ورىنباسارى پوليتسيا پولكوۆنيگى ارداق ىنتىقباەۆ.

دەپارتامەنت مۇراجايىندا عازيز بايتاسوۆ،مەدەت دوسىمحانوۆ سىندى ەرجۇرەك پوليتسيا قىزمەتكەرلەرىنە ارنالعان ستەندتەر قويىلعان. وندا ءتارتىپ ساقشىلارىنىڭ ەرلىك ىستەرى، ءومىرباياندارى جازىلعان جانە ماراپاتتارى ساقتالعان.

 

 

قوستاناي وبلىسى

سوڭعى جاڭالىقتار

ۇقساس جاڭالىقتار