قوعام • 22 ماۋسىم، 2020

120 مىڭنان استام جۇمىس ورنى قۇرىلدى

10 رەت كورسەتىلدى

2020-2021 جىلدارعا ارنالعان جۇمىسپەن قامتۋدىڭ جول كارتاسى اياسىندا (بۇدان ءارى – جقجك) 5 954 جوبانى جۇزەگە اسىرۋ باستالىپ، ولاردىڭ اۋقىمىندا 120 مىڭنان استام جۇمىس ورنى قۇرىلدى، دەپ حابارلادى ەحاقم ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

جقجك اياسىندا جەرگىلىكتى اتقارۋشى ورىندار 6 506 جوبانى ىسكە اسىرۋعا ىرىكتەدى.

جقجك ينفراقۇرىلىمدىق جوبالارىن ىسكە اسىرۋ 4 نەگىزگى باعىت بويىنشا وتەدى:

– الەۋمەتتىك-مادەني نىسانداردى كۇردەلى جانە اعىمداعى جوندەۋ، رەكونسترۋكتسيالاۋ جانە سالۋ (2 703 جوبا);

– تۇرعىن ءۇي-كوممۋنالدىق شارۋاشىلىق نىساندارىن كۇردەلى، ورتاشا جانە اعىمداعى جوندەۋ، رەكونسترۋكتسيالاۋ (1 039 جوبا);

– ينجەنەرلىك-كولىك ينفراقۇرىلىمىن كۇردەلى، ورتاشا جانە اعىمداعى جوندەۋ، رەكونسترۋكتسيالاۋ جانە سالۋ (1 799 جوبا);

– ەلدى مەكەندەردى اباتتاندىرۋ (965 جوبا).

جقجك ينفراقۇرىلىمدىق جوبالارىن ىسكە اسىرۋ كەزىندە وتاندىق وندىرۋشىلەردىڭ كەمىندە 90% تاۋارلارى مەن قىزمەتتەرىن قولدانۋدى قامتاماسىز ەتۋ ەرەكشە شارت بولىپ تابىلادى. جۇمىسشىلاردىڭ كەم دەگەندە جارتىسى حالىقتى جۇمىسپەن قامتۋ ورتالىقتارى ارقىلى الىنىپ، باسىمدىق جۇمىسسىز جۇرگەن جاستارعا بەرىلەتىن بولادى. مەردىگەرلەر سانيتارلىق-ەپيدەميولوگيالىق شارالاردى قولدانا وتىرىپ، قاۋىپسىز ەڭبەك جاعدايىن قامتاماسىز ەتۋگە ءتيىس.

وڭىرلەردە 5 954 جوبا بويىنشا جۇمىس باستالدى، 120،2 مىڭ جۇمىس ورنى قۇرىلدى، ونىڭ ىشىندە 64،1 مىڭى حالىقتى جۇمىسپەن قامتۋ ورتالىقتارى ارقىلى.

جقجك اياسىندا بارلىعى 255 مىڭ جۇمىس ورنىن اشۋ جوسپارلانۋدا. بۇل رەتتە جقجك جوبالارى بولاشاقتا 100 مىڭنان استام تۇراقتى جۇمىس ورنىن اشۋعا نەگىز بولادى.

بۇدان بۇرىن حابارلاعانداي، جقجك جۇزەگە اسىرۋدىڭ ايتارلىقتاي وڭ اسەرى سەزىلمەك.

مىسالى، 80 جاڭا ءبىلىم بەرۋ نىسانىنىڭ قۇرىلىسى اپاتتى جانە ءۇش اۋىسىمدى مەكتەپتەردىڭ ماسەلەلەرىن شەشۋگە، اۋىلدىق جەرلەردە ءبىلىم بەرۋ ورىندارىنا قولجەتىمدىلىكتى ارتتىرۋعا، سونداي-اق 7 مىڭعا جۋىق مۇعالىمدى تۇراقتى جۇمىسقا ورنالاستىرۋعا مۇمكىندىك بەرەدى. 24 دەنساۋلىق ساقتاۋ نىسانىنىڭ قۇرىلىسى العاشقى مەديتسينالىق-سانيتارلىق كومەككە قولجەتىمدىلىكتى ارتتىرادى، سونداي-اق شامامەن 1 مىڭ مەديتسينا قىزمەتكەرىن جۇمىسقا ورنالاستىرۋعا مۇمكىندىك بەرەدى. 36 مادەنيەت جانە سپورت نىسانىنىڭ قۇرىلىسى بۇقارالىق سپورتتى دامىتۋعا وڭ اسەر ەتىپ، جاستار ءۇشىن بوس ۋاقىت ماسەلەسىن شەشۋگە جانە 1،6 مىڭ ادامدى تۇراقتى جۇمىسپەن قامتاماسىز ەتۋگە مۇمكىندىك بەرەدى.

ءوز كەزەگىندە، سۋ شارۋاشىلىعىنىڭ 12 جاڭا نىسانىن سالۋ جانە قولدانىستاعىلارىن جاڭعىرتۋ حالىق ءۇشىن اۋىز سۋدىڭ قولجەتىمدىلىگىن ارتتىرادى، سۋارمالى جەرلەردىڭ كولەمىن كەڭەيتۋگە، پايدالانىلمايتىن جەرلەردى اينالىمعا تارتۋعا، ارالاس سالالاردا 77 مىڭ ادامدى جۇمىسپەن قامتۋدى قامتاماسىز ەتۋگە مۇمكىندىك بەرەدى. تۇرعىن ءۇي-كوممۋنالدىق شارۋاشىلىقتىڭ 247 جاڭا نىسانىن سالۋ جانە قولدانىستاعىلارىن جاڭعىرتۋ تۇرعىن ءۇي قۇرىلىسى ءۇشىن جاعداي جاسايدى، اۋىل تۇرعىندارى ءۇشىن كوممۋنالدىق قىزمەتتەردىڭ قولجەتىمدىلىگىن قامتاماسىز ەتەدى، كوممۋنالدىق جەلىنىڭ توزۋىن تومەندەتەدى. ەلدىمەكەندەردى اباتتاندىرۋ ولاردىڭ سىرتقى كەلبەتىن جاقسارتىپ قانا قويماي، ازاماتتاردىڭ قاۋىپسىز جانە جايلى دەمالىسى ءۇشىن جاعداي جاسايدى.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار