ايماقتار • 22 ماۋسىم، 2020

سولتۇستىك قازاقستاندا ءۇش ازامات زاڭسىز اڭ اۋلاعان

183 رەت كورسەتىلدى

سولتۇستىك قازاقستان وبلىسىنىڭ پوليتسەيلەرى زاڭسىز اڭ اۋلاۋ فاكتىسىن انىقتادى. بۇل تۋرالى ءىىم ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

زاڭسىز اڭشىلىق فاكتىسى بويىنشا انىقتالعان ءۇش سولتۇستىكقازاقستاندىق قىلمىستىق جاۋاپقا تارتىلۋى مۇمكىن. شال اقىن اۋدانىنىڭ مينەەۆكا اۋىلى ماڭىنداعى ورماننان ولاردىڭ بىرەۋىنىڭ كولىگى، ەكى مىلتىق جانە اتىپ العان ەلىكتىڭ ەتى تابىلدى. وتكەن جەكسەنبى كەشكىلىك اۋداندىق پوليتسيا ءبولىمى مەن ورمان شارۋاشىلىعى باسقارماسىنىڭ قىزمەتكەرلەرى اڭشىلىق القاپتار بويىنشا رەيدتىك ءىس-شارا وتكىزدى. پوۆوزوچنوە اۋىلىنان الىس ەمەس جەردە ولاردىڭ نازارىنا “ۆاز” اۆتوكولىگى تۇسكەن، تابيعاتتى قورعاۋشىلاردى بايقاعان جۇرگىزۋشى جاسىرىنباق بولعان. پوليتسەيلەر ورماندا قالدىرىلعان لادا كولىگىن تابادى، ونىڭ يەسى 31 جاستاعى ورتاكول اۋىلىنىڭ تۇرعىنى ەكەندىگى انىقتالدى.

الداعى ىزدەستىرۋ ءىس-شارالارى ناتيجەسىندە پوليتسەيلەر اڭ اۋلاماق بولعان اۋداننىڭ ءۇش تۇرعىنىنىڭ ۇستىنەن ءتۇستى. قازىرگى ۋاقىتتا ولاردىڭ بارلىعى ۇستالدى. الىنعان مىلتىقتار مەن ولاردىڭ ورمان القاپتارىندا ءار جەرگە جاسىرعان ۇرعاشى ءسىبىر ەلىگىنىڭ ەتى براكونەرلەردىڭ اينالىساتىن كاسىبى ەكەندىگىن كورسەتەدى. تەرگەۋ ارەكەتتەرى ناتيجەسىندە اڭشىلار اڭ اۋلاعان جەرلەرىن كورسەتتى. زاڭسىز اڭشىلىق فاكتىسى بويىنشا قر قك 337-بابى 3-بولىگىمەن سوتقا دەيىنگى تەرگەۋ باستالدى. الىنعان مىلتىقتاردىڭ تىركەلمەگەنى بەلگىلى بولدى. قارۋدى زاڭسىز ساقتاۋ فاكتىسى بويىنشا قر اقبتك 482-بابى 1-بولىگىمەن اكىمشىلىك ماتەريال جينالدى.

"قازىرگى كەزدە اڭ اۋلاۋعا تىيىم سالىنعان. جىل باسىنان زاڭسىز اڭ اۋلاۋدىڭ 12 فاكتىسى انىقتالدى، براكونەرلەرگە قاتىستى قىلمىستىق قۋدالاۋ شارالارى قابىلداندى. اڭ اۋلاۋ ءتارتىبىن بۇزۋمەن بايلانىستى 200-دەن استام فاكتى بويىنشا اكىمشىلىك جاۋاپكەرشىلىك تاعايىندالدى"، دەيدى سقو پد تابيعاتتى قورعاۋ پوليتسياسىنىڭ اعا ينسپەكتورى اسحات قوجاباەۆ.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار