وسىلايشا, نۇر-سۇلتان قالاسىندا دەمالىس كۇندەرى بارلىق سوو, ساۋدا ۇيلەرىنىڭ, جەلىلىك دۇكەندەردىڭ, جابىق ازىق-ت ۇلىك جانە ازىق-ت ۇلىك ەمەس بازارلاردىڭ, دۇكەندەردىڭ جۇمىسى توقتاتىلدى.
جاقىن ماڭداعى ازىق-ت ۇلىك دۇكەنىنە, جۇمىسقا بارۋدى, مەديتسينالىق قىزمەت الۋعا بارۋدى قوسپاعاندا, ازاماتتاردىڭ ۇيدەن شىعۋىنا شەكتەۋ قويىلعان. پوليتسيا قىزمەتكەرلەرى قىزمەتىن كۇشەيتىلگەن تارتىپتە اتقارۋدا, كوشەلەردى ارالاۋ ۇزدىكسىز جۇرۋدە.
نۇر-سۇلتان قالاسى بويىنشا باس سانيتارلىق دارىگەردىڭ تالاپتارىنىڭ ساقتالۋىنا مونيتورينگ جۇرگىزۋگە, سونىمەن قاتار قالالىق iKOMEK مونيتورينگ جانە جەدەل ارەكەت ەتۋ ورتالىعى دا قاتىسادى. iKOMEK-كە ينتەگراتسيالانعان قالالىق بەينەباقىلاۋ كامەرالارىنىڭ كومەگىمەن كارانتين تالاپتارىن بۇزۋشى تۇلعالاردى انىقتاۋ ماقساتىندا اۋلا اۋماقتارىنا, ساياباقتارعا, سكۆەرلەر مەن باسقا دا قوعامدىق ورىندارعا مونيتورينگ جاسالۋدا. مۇنان سوڭ دەرەكتەر ەلوردا تۇرعىندارى مەن قوناقتارىنا ءتۇسىندىرۋ جۇمىستارىن جۇرگىزۋ ءۇشىن جەدەل تۇردە پوليتسيا دەپارتامەنتىنە جولدانىپ وتىرادى.
ەنگىزىلىپ وتىرعان شەكتەۋ شارالارى ەپيدەميولوگيالىق احۋالدى جاقسارتىپ, كوروناۆيرۋستىق ينفەكتسيانىڭ تارالۋىن باسەڭدەتۋگە باعىتتالعانىن ايتىپ وتكەن ءجون. بارلىق ەلوردا تۇرعىندارى مەن قوناقتارىن الەۋمەتتىك جاۋاپكەرشىلىك تانىتىپ, اسا قاجەتتىلىگى بولماسا ۇيدەن شىقپاۋعا جانە سانيتارلىق نورمالاردى ساقتاۋعا شاقىرامىز.
