ايماقتار • 19 ماۋسىم، 2020

باتىس وڭىرىندە ساربازدار قاريالارعا ازىق-ت ۇلىك تاراتتى

32 رەت كورسەتىلدى

ورال قالاسىنداعى 5517 اسكەري بولىمدە اسكەري بورىشىن وتەپ جاتقان ۇلتتىق ۇلان جاۋىنگەرلەرى ءوز ۇيىندە وقشاۋلانعان جالعىزباستى قاريالاردىڭ ۇيىنە ازىق-ت ۇلىك تاراتتى، دەپ حابارلايدى Egemen.kz

ەلىمىزدە كوروناۆيرۋس پاندەمياسىنىڭ قايتا كۇشەيۋىنە بايلانىستى جاسى 65-تەن اسقان قاريالار كوشەگە شىعۋدان، قوعامدىق ورىندارعا بارۋدان باس تارتۋ تۋرالى ەپيدەميولوگ ماماندار ءجيى ايتادى. مۇنداي جاعدايدا اسىرەسە جالعىزباستى جاندارعا كومەك كەرەك-اق.

مىنە، ورالدىق جاۋىنگەرلەر دە ء"بىز بىرگەمىز!" قايىرىمدىلىق شاراسى اياسىندا جەرگىلىكتى قىزىل جارتى اي قوعامىمەن بىرگە ورال قالاسىندا تۇراتىن قاريالارعا الەۋمەتتىك كومەك كورسەتتى. ساربازدار ءبىر كۇننىڭ ىشىندە 30 ادامنىڭ ۇيىنە ۇن، جارما، ەت، ءسۇت ونىمدەرى، قانت جانە باسقا اسا قاجەتتى تاۋارلاردى جەتكىزىپ بەردى.

5517 اسكەري ءبولىم كومانديرىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى، پودپولكوۆنيك جانىبەك سارسەنوۆتىڭ ايتۋىنشا، بۇل اكتسياعا قاتىساتىن جاۋىنگەرلەر ارنايى ىرىكتەلىپ، دەنساۋلىعى تەكسەرىلىپ، قىزۋى ولشەنىپ، جەكە قورعانىش قۇرالدارىمەن قامتاماسىز ەتىلىپ جىبەرىلەدى ەكەن. ەڭ باستىسى كومەككە مۇقتاج ەگدە تۇرعىندار نازاردان تىس قالماۋى كەرەك. "مۇنداي ءۇردىس الداعى كۇندەردە دە جالعاسادى" دەيدى قازاقستان رەسپۋبليكاسى ۇلتتىق ۇلانى "باتىس" وڭىرلىك قولباسشىلىعى ءباسپاسوز قىزمەتىنىڭ باستىعى، پودپولكوۆنيك ەربولات سۇلتانوۆ.

 

باتىس قازاقستان وبلىسى

سوڭعى جاڭالىقتار

سپورتتى سەرىك ەتكەن

سپورت • بۇگىن، 09:02

سورەسىندە – سان كىتاپ

ادەبيەت • بۇگىن، 09:00

جۇلدىزدى ساتتەر جىلناماسى

ەلباسى • بۇگىن، 08:55

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار