پرەزيدەنت • 19 ماۋسىم، 2020

سەنات توراعاسى ەلباسىنا ۇندەۋ جولدادى

195 رەت كورسەتىلدى

پارلامەنت سەناتىنىڭ توراعاسى ماۋلەن اشىمباەۆ ۇندەۋىندە ءوزىنىڭ جانە سەناتتىڭ اتىنان ەلباسىنىڭ تەزىرەك ساۋىعىپ كەتۋىن تىلەدى، دەپ جازادى Egemen.kz

 

                                                                                                                                                                                                     قازاقستان رەسپۋبليكاسىنىڭ

                                                                                                                                                                                                     تۇڭعىش پرەزيدەنتى – ەلباسى،

                                                                                                                                                                                                     قۇرمەتتى سەناتور

                                                                                                                                                                                                     ن.ءا.نازارباەۆقا

 

اسا مارتەبەلى نۇرسۇلتان ءابىش ۇلى! 

 

قازاقستان رەسپۋبليكاسى پارلامەنتىنىڭ سەناتى ءسىزدىڭ تەزىرەك ساۋىعىپ كەتۋىڭىزدى تىلەيدى!

بويىڭىزداعى ەرىك-جىگەرىڭىز بەن كۇش-قايراتىڭىز سىزگە ءاردايىم بارلىق قيىندىقتاردان سۇرىنبەي وتۋگە سەپتىگىن تيگىزىپ كەلەدى. ءسىزدىڭ اسقاق رۋحىڭىز بەن تاباندىلىعىڭىزدىڭ ارقاسىندا ەلىمىز ءتۇرلى الەۋمەتتىك جانە ەكونوميكالىق داعدارىستاردى ەڭسەرە ءبىلدى. ءسىزدىڭ دانا، سارابدال ساياساتىڭىزدىڭ ناتيجەسىندە ەلىمىز تاۋەلسىزدىك جىلدارىندا مەملەكەتتىلىكتىڭ بەرىك نەگىزىن قالاپ، تاتۋلىق پەن تۇراقتىلىقتى، بەيبىتشىلىك پەن كەلىسىمدى ساقتاي الدى.

بۇكىل الەم ءوزىڭىزدى تاۋەلسىز قازاقستاننىڭ نەگىزىن قالاۋشى تۇلعا، كورەگەن ساياساتكەر رەتىندە مويىنداپ، اسا قۇرمەتتەيدى.

قازىر الەمدىك كوشباسشىلاردان، ۇلكەن ۇجىمداردان جانە قاتارداعى ازاماتتاردان ءسىزدىڭ اتىڭىزعا مىقتى دەنساۋلىق پەن ۇزاق عۇمىر تىلەگەن حاتتار لەگى كوپتەپ كەلىپ تۇسۋدە. مۇنىڭ ءبارى ءسىزدىڭ الەمدىك قوعامداستىقتا دا زور ابىروي-بەدەلگە يە كەمەڭگەر قايراتكەر ەكەنىڭىزدىڭ ايقىن دالەلى.

قازىرگى تاڭدا بارشا قازاقستان حالقى ءسىزدىڭ دەنساۋلىعىڭىزعا الاڭداپ، قوبالجۋدا. دەگەنمەن، ءبىز ءسىزدىڭ بۇل سىناقتان دا سۇرىنبەي وتەتىنىڭىزگە كامىل سەنەمىز.

ءسىز بۇعان دەيىن دە تالاي قيىن-قىستاۋ كەزەڭدەر مەن تاعدىرشەشتى ساتتەردى ەڭسەرىپ، سونىڭ بارىنەن ەلىمىزدى امان-ەسەن الىپ شىقتىڭىز.

ءوزىڭىزدىڭ ونەگەگە تولى ومىرلىك باي تاجىريبەڭىز بەن اقىل-ويىڭىز، ءبىلىمىڭىز بەن پاراساتىڭىز جانە كوشباسشىلىق دارا قاسيەتىڭىز حالقىمىز بەن ەلىمىز ءۇشىن دامۋدىڭ جاڭا كەزەڭىندە دە اسا قاجەت.

ساليقالى ساياساتىڭىزدىڭ ساباقتاستىعى اياسىندا ەلىمىز ءالى تالاي بيىك بەلەستەردى باعىندىرادى دەپ سەنەمىز.

ءسىزدىڭ قۇرمەتتى سەناتور بولۋىڭىز دا ءبىز ءۇشىن ۇلكەن ابىروي جانە زور ماقتانىش.

بارلىق سەناتورلار سىزگە زور دەنساۋلىق، ۇزاق عۇمىر جانە وتانىمىز – قازاقستاننىڭ ودان ءارى ءوسىپ-وركەندەۋى جولىنداعى قىزمەتىڭىزگە تولايىم تابىس تىلەيدى!

 

 

ىزگى نيەتپەن،

قازاقستان رەسپۋبليكاسى

پارلامەنتى 

سەناتىنىڭ توراعاسى                                                      ماۋلەن اشىمباەۆ

 

سوڭعى جاڭالىقتار

ۇقساس جاڭالىقتار