ايماقتار • 19 ماۋسىم، 2020

الماتى وبلىسىندا جول-كولىك جاعدايى جاقساردى

21 رەت كورسەتىلدى

الماتى وبلىسىنىڭ پوليتسياسى وڭىردەگى جول قاۋىپسىزدىگى بويىنشا ستاتيستيكالىق مالىمەتتەرمەن ءبولىستى، دەپ حابارلادى ءىىم ءباسپاسوز قىزمەتى.

جىلدىڭ باسىنان بەرى الماتى وبلىسىنىڭ اۋماعىندا 659 جول-كولىك وقيعاسى تىركەلىپ، 106 ادام قازا تاپقان جانە 937 ادام جارالانعان. وتكەن جىلدىڭ ءدال وسىنداي كەزەڭىمەن سالىستىرعاندا جكو سانى 30 پايىزعا تومەندەگەن.

"قازىرگى ۋاقىتتا جول قوزعالىسى قاۋىپسىزدىگىن قامتاماسىز ەتۋ – ىشكى ىستەر ورگاندارىنىڭ قىزمەتىندەگى وزەكتى جانە باسىم باعىتتاردىڭ ءبىرى. جول قوزعالىسى قاۋىپسىزدىگىن قامتاماسىز ەتۋگە باعىتتالعان جەدەل – الدىن الۋ ءىس-شارالارىن تۇراقتى نەگىزدە جۇرگىزۋ جولدارداعى جاعدايدى تۇراقتاندىرۋعا، جول قوزعالىسى ەرەجەلەرىن بۇزۋدى ازايتۋعا، ال كەيبىر جاعدايلاردا ولاردى بارىنشا بولدىرماۋعا مۇمكىندىك بەرەدى"، دەيدى الماتى وبلىسى پد جەرگىلىكتى پوليتسيا قىزمەتى باسقارماسىنىڭ باستىعى باعدات اشيموۆ. 

سونىمەن قاتار وبلىس بويىنشا جاياۋ جۇرگىنشىلەرگە قاتىستى 241 جول-كولىك وقيعاسى تىركەلىپ، 45 ادام قازا تاۋىپ، 209 ادام جاراقاتتانعان. پاترۋلدىك پوليتسيا 85 367 جول قوزعالىسى ەرەجەسىنە قاتىستى قۇقىق بۇزۋشىلىقتى انىقتاعان. 

"تالداۋعا ساي، جكو-نىڭ نەگىزگى سەبەپتەرى كولىك قۇرالدارى جۇرگىزۋشىلەرىنىڭ جول قوزعالىسى ەرەجەلەرىن ورەسكەل بۇزۋى بولىپ تابىلادى. بەلگىلەنگەن جىلدامدىقتى ارتتىرۋ ناتيجەسىندە 177 جكو ورىن الىپ، 30 ادام قازا تاپقان جانە 308 ادام جاراقاتتانعان. 44 جكو قارسى باعىتقا شىعۋ ناتيجەسىندە ورىن العان، وندا 19 ادام قازا تاۋىپ، 76 ادام جاراقات العان"، دەپ تولىقتىردى اشيموۆ.

سوڭعى جاڭالىقتار

ۇقساس جاڭالىقتار