ەلباسى • 18 ماۋسىم، 2020

سىرقاتتى جەدەل جەڭەتىنىڭىزگە سەنەمىز - جەڭىسبەك ماۋلەنقۇلوۆ

72 رەت كورسەتىلدى

تۇركىستان وبلىستىق ارداگەرلەر كەڭەسىنىڭ توراعاسى جەڭىسبەك ماۋلەنقۇلوۆ ەلباسىنىڭ ساۋىعىپ كەتۋىن تىلەدى.

ءسىزدىڭ سارابدال ساياساتىڭىزدىڭ، كەمەڭگەرلىگىڭىز بەن كورەگەندىگىڭىزدىڭ ارقاسىندا قازاقستان مىقتى مەملەكەتكە اينالىپ، بۇكىل الەمدى مويىنداتتى.  ءسىز "قازاقستان جولى" - "نۇرلى جول" سىندى وزىندىك وزگەشە جولدى سالىپ، ەلىمىزدى دامۋدىڭ بيىك بەلەستەرىنە شىعاردىڭىز. الەۋمەتتىك باعدارلى، ەكونوميكا، يننوۆاتسيا، قازاقستان حالقىنىڭ بىرلىگى مەن ىنتىماعى، تاتۋلىق پەن تۇراقتىلىق تەمىرقازىق ەتىپ الىندى. "باق تا، تاق تا تالاسقانعا بۇيىرمايدى، حالىقتىق ىستە جارىسقانعا بۇيىراد" دەگەن قاناتتى ءسوزىڭىز بار. قازىر ەل استاناسى نۇر-سۇلتان قالاسى بۇكىل الەم قىزىعا كوز تىگەتىن الەمدىك ورتالىققا اينالدى. ەلوردا - ەلباسىمىزدىڭ ەرەن ەرلىگىنىڭ جەمىسى. مۇنى جەر-ءجۇزىنىڭ ەكى جۇزگە جۋىق مەملەكەتىنىڭ بارشاسى مويىندادى.

تۇركىستان قالاسىن تۇلەتۋ شىڭداپ قولعا الىندى. مىنە، ءسىزدىڭ تاريحي جارلىعىڭىز قابىلدانىپ، جاڭا وبلىس قۇرىلىپ، تۇركىلەر ءتورى تۇركىستاننىڭ ورتالىققا اينالعانىنا ەكى جىل تولدى. تۇركىستان ءبىر كەزدەگى ەلوردا سەكىلدى ەكى-ءۇش اي سايىن تانىماستاي وزگەرىپ، تاڭعالدىرىلۋدا.

ءبىز تاۋەلسىزدىك دەگەندە قاسيەتتى حالقىمىز بەن تۇڭعىش پرەزيدەنتىمىزدى ەرەكشە ماقتان ەتەمىز.  مەملەكەت باسشىسى، ءسىزدىڭ ىزگىلىكتى ءىزباسارىڭىز، بۇگىنگى پرەزيدەنتىمىز قاسىم-جومارت توقاەۆ ساباقتاستىقتى، ادىلەتتىلىكتى، ىلگەرىلەۋدى باستى باعدار ەتىپ، سىندارلى مۇرات جولىندا ايانباي ەڭبەك ەتۋدە. الەمدەگى قالىپتاسىپ وتىرعان قيىندىقتاردى ەڭسەرۋدىڭ ەرەكشە جولدارىن، پاراساتتىلىقپەن، جاڭاشىلدىقپەن تابا بىلۋدە.

قىمباتتى نۇرسۇلتان ءابىش ۇلى! ءسىزدىڭ ءسال سىرقاتتانىپ قالعانىڭىز ءبىزدى ءبىراز مازاسىزداندىرعانىن جاسىرمايمىز. ءبىز سىزگە بارلىق كەزدە دە تىلەكتەس بولدىق. تىلەۋلەس بولا بەرەمىز. قانداي سىرقاتتان دا سەرگەكتىكپەن، كوتەرىڭكى كوڭىل-كۇيمەن، جەدەل جەڭەتىنىڭىزگە سەنەمىز. سىزگە مىقتى دەنساۋلىق، باق-بەرەكە تىلەيمىز!

جەڭىسبەك ماۋلەنقۇلوۆ

تۇركىستان وبلىستىق ارداگەرلەر كەڭەسىنىڭ توراعاسى 

سوڭعى جاڭالىقتار

ۇقساس جاڭالىقتار