13 شىلدە كۇنى ماڭعىستاۋ وبلىسىنىڭ قاق جۇرەگى اقتاۋ قالاسىندا "All inclusive All Exclusive" كونتسەپتسيالى Rixos Water World Aktau اتتى ورتالىق ازياداعى ەڭ العاشقى 5 جۇلدىزدى وتەل اشىلادى. وتەلدىڭ جالپى اۋماعى 150 000 شارشى مەترگە سوزىلىپ جاتىر. جەكە قۇمدى جاعاجايى – 420 مەتر. كۇنگە قىزدىرىنۋ مەن دەمالۋعا ارنالعان سەرۋەندەۋ پيرسىنىڭ اۋماعى 500 شارشى مەتر.
وتەل كاسپي تەڭىزىنىڭ تابيعاتى كوركەم جاعاجايىندا ورنالاسقان. ونىڭ ءوزىنىڭ جەكە قۇمدى پلياجى مەن ءموپ-ءمولدىر كوكشىل سۋى بار.
"Rixos Water World Aktau - اقتاۋ قالاسىنىڭ مەيماندارى ءۇشىن دە, تۇرعىندارى ءۇشىن دە ءبىرىنشى دارەجەلى جاڭا ورىنعا اينالماق. قوناقتاردىڭ جايلىلىعى ءۇشىن ءبىز بارلىق جاعدايلاردى ۇيىمداستىردىق. Rixos Hotels جەلىسىن وزگەشەلەندىرىپ تۇراتىن ەرەكشەلىگى – الەمنىڭ كەز كەلگەن نۇكتەسىندەگى ەڭ وزىق سەرۆيس. ءبىز اقتاۋداعى وتەلدىڭ كونتسەپتسياسىن ازىرلەگەن كەزدە ءدال وسى قاعيداتتى ۇستاندىق. ءبىزدىڭ وتەل جىل بويى مەيمانداردى قابىلداۋعا دايىن ءارى ورتالىق ازيادا ءبىرىنشى بولىپ «All Inclusive» تۇجىراماسىندا قىزمەت كورسەتەدى. جازدىگۇنى دە, قىستىگۇنى دە بۇل ءوڭىر ەرەكشە كوركەم", - دەپ اتاپ ءوتتى Rixos Water World Aktau قوناق ءۇيىنىڭ باس مەنەدجەرى ماحمۇت جارىمبەتوۆ.
وتەل اۋەجايدان 42 شاقىرىم, اقتاۋ قالاسىنىڭ ورتالىعىنان 20 شاقىرىم (20-30 مينۋتتىق جول) جەردە ورنالاسقان.
Rixos Water World Aktau وزىنىڭ مەيماندارىنا تەرەزەسىنەن تەڭىز كورىنەتىن نومىرلەر مەن سالتاناتتى ۆيللالاردى, بەينەسى سۇلۋ ولكەلەردى ۇسىنادى: Deluxe تۇرپاتتى 462 ءنومىر, Deluxe Suite تۇرپاتتى 22 ءنومىر, Presidential Suite تۇرپاتتى 1 ءنومىر مەن 15 جايلى ۆيللا, سونىمەن بىرگە مۇمكىندىگى شەكتەۋلى جاندارعا ارنالعان نومىرلەر بار.
وتەلدىڭ ەڭ تارتىمدى ورىندارىنىڭ ءبىرى رەتىندە "Water World" سۋدا كوڭىل كوتەرەتىن باقتى اتاپ وتۋگە بولادى. سۋ سىرعاناقتارى مەن باسسەيندەرىنىڭ ارتۇرلىلىگى مەن اۋقىمى كەلۋشىلەرگە ۇمىتىلماس اسەر سىيلايدى: Space Boat, Flying Saw, Windigo اتتراكتسيوندارى, تولقىندى باسسەين, "جالقاۋ وزەن" اتتراكتسيونى مەن وزگە ورىندار بارشىلىق. بوس ۋاقىتتى وتكىزگىڭىز كەلسە اتالعان اۋماق ەرەسەكتەر ءۇشىن دە, بالالار ءۇشىن دە قولجەتىمدى بولادى.
سونىمەن قاتار مەيمانداردى جىلىتىلاتىن باسسەيندەردىڭ ارتۇرلىلىگى مەن اۋقىمدىلىعى كۇتىپ تۇر: تەڭىز بەن تەڭىز سۋىن پاش ەتەر كەڭ كولەمدەگى كورىنىسى بار بىرەگەي "Infinity" باسسەينى مەن سپا-ورتالىقتا جابىق باسسەين ورنالاسقان.
Rixos Water World Aktau كەلۋشىلەرىن open air كونتسەرتىمەن بىرگە مازمۇنعا تولى ساۋىق باعدارلامالارى, تاقىرىپتىق كەشتەر مەن فەستيۆالدار كۇتىپ تۇر. تازا اۋادا دەمالۋدى ءجون كورەتىندەر وتەل تاراپىنان بۇل باعىتتاعى ۇسىنىستاردىڭ بۇكىل سپەكترىنە باعا بەرە الادى.
سپورت پەن سالاۋاتتى ءومىر سالتىن ۇناتاتىندار ءۇشىن كۇندەلىكتى سپورتتىق جاتتىعۋلار ۇسىنىلادى: سكانديناۆ ءجۇرىسى, يوگا, سترەچينگ, كروسسفيت پەن وزگە دە جاتتىعۋلاردى جاساي الاسىز. بۇعان قوسا قوناق ۇيدە "Exclusive sports" اكادەمياسى, كاسىبي فۋتبول الاڭى مەن بۇكىل حالىقارالىق ستاندارتقا ساي 7 تەننيس كورتى بار.
بالا جاستاعى مەيماندار ءۇشىن جاس بويىنشا 4 توپقا ارنالعان (0-3 جاس, 4-8 جاس, 9-12 جاس, 13-17 جاس) Rixy بالالار كلۋبى قىزمەت ەتەدى. انيماتورلاردىڭ كاسىبي كومانداسى ءاربىر بالاعا ەشقاشان ۇمىتىلماس ەرەكشە اسەر سىيلايدى.
Rixos Water World Aktau — مەملەكەتتىڭ جەكە ينۆەستورعا قانشالىقتى جاعداي جاسايتىنىن, ولكەنى ينجەنەرلىك جەلىلەرمەن جانە اۆتوكولىك جولدارىمەن قامتاماسىز ەتەتىنىن, ال ينۆەستوردىڭ ءوز كەزەگىندە ادەمى تۋريستىك نىسان سالاتىنىن كورسەتەتىن جارقىن مىسال. قازاقستانداعى تۋريزم ءدال وسىنداي سەرىكتەستىك ارقىلى دامۋى ءتيىس. مۇندا اركىمنىڭ ءوز ءرولى بار: مەملەكەت كەپىلدىكتەر مەن شارتتاردى قامتاماسىز ەتەدى, ال ينۆەستور ءدال سول ورىندا تۋريستىك ءونىم شىعارادى. ءتۋريزمدى دامىتا وتىرىپ, ءبىز نەگىزگى پروبلەمامەن – جولدىڭ نەمەسە جاتىن ورىننىڭ بولماۋىمەن بەتپە-بەت كەلەمىز. ايتسە دە دۇرىس ىنتىماقتاستىقتىڭ ارقاسىندا بۇل پروبلەمالار ءوزىنىڭ ۇيلەسىمدى شەشىمىن تابادى. ەسكە سالا كەتەرلىگى, كاسپي تەڭىزىنىڭ جاعاجايى تۋريستيفيكاتسيانىڭ رەسپۋبليكالىق كارتاسىنىڭ توپ-10 قاتارىنا ەنگەن بولاتىن. بۇل كارتا – مەملەكەت ەڭ ءبىرىنشى كەزەكتە دامىتاتىن ەلدىڭ الەۋەتكە يە تۋريستىك باعىت-باعدارى", - دەپ اتاپ ءوتتى "Kazakh Tourism" ۇك" اق باسقارما توراعاسى ەرجان ەركىنباەۆ.
وسىلايشا, قازاقستاندىقتارعا ەلدىڭ تابيعاتى ەڭ كوركەم وڭىرلەرىنىڭ ءبىرى – ماڭعىستاۋ, اقتاۋ قالاسىنا ساپار شەگە وتىرىپ, جايلىلىقپەن تۋعان مەكەندى زەرتتەۋدە جاڭا مۇمكىندىك تۋىپ وتىر.
