الماتىدا 20-21 ماۋسىم كۇندەرى ءىرى نىسانداردىڭ جۇمىستارى توقتاتىلادى. كوروناۆيرۋستىڭ كەڭىنەن تارالۋىنا جول بەرمەۋ ارقايسىمىزدىڭ ءىس-ارەكەتىمىزگە قاتىستى بولعاندىقتان, قالا اكىمى ب.ساعىنتاەۆ الماتىلىقتاردى كارانتين رەجيمىن ساقتاۋعا شاقىردى.
بۇگىن قازاقستان پرەزيدەنتىنىڭ تاپسىرماسىن, سونىمەن قاتار ەل اۋماعىندا كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا شەشىمىن ورىنداۋ ءۇشىن الماتى قالاسىنىڭ اكىمى قالالىق كوميسسيانىڭ وتىرىسىن وتكىزدى. وندا قالاداعى ەپيدەميولوگيالىق جاعدايدى تۇراقتاندىرۋ بويىنشا قوسىمشا شارالار قابىلداندى.
"وسى ورايدا الماتىدا دا كارانتين رەجيمىن كۇشەيتۋ جونىندە قوسىمشا شارالار قابىلداندى. قالا تۇرعىندارىنان كوشەدە ءجۇرۋىن شەكتەتۋىن سۇرايمىز. اسىرەسە قارت ادامداردىڭ ۇيدە وتىرعانى ابزال. قاۋىپى دەندەپ بارا جاتقان مىنا اۋرۋدى تۇنشىقتىرۋ وزىمىزگە بايلانىستى ەكەنىن ەستەن شىعارمايىق", - دەدى باقىتجان ساعىنتاەۆ.
بۇگىنگى كۇنى الماتىدا COVID-19 جۇقتىرعان 3217 وقيعا تىركەلدى. ىندەتتىڭ تارالۋ اۋقىمىن, الماتى قالاسى تۇرعىندارىنىڭ ءومىرى مەن دەنساۋلىعىن ساقتاۋ ءۇشىن دەمالىس كۇندەرى (سەنبى, جەكسەنبى) – 2020 جىلدىڭ 20-21 ماۋسىمىندا قوسىمشا شارالار ەنگىزىلەدى.
وسىلايشا, دەمالىس كۇندەرى كوروناۆيرۋس ينفەكتسياسىنىڭ تارالۋ تاۋەكەلىنىڭ جوعارى بولۋى مۇمكىن نىسانداردىڭ قىزمەتتەرى توقتاتىلادى:
- "ۇيدەگى دۇكەندەر" فورماتىنداعى فيليالداردان وزگە ءىرى ساۋدا جەلىلەرى (ازىق-ت ۇلىكتىك جانە ازىق-ت ۇلىكتىك ەمەس);
- بازارلار (ازىق-ت ۇلىكتىك, ازىق-ت ۇلىكتىك ەمەس, امبەباپ), ساۋدا-ويىن ساۋىق ورتالىقتارى, ساۋدا ورتالىقتارى, ساۋدا ۇيلەرى;
- الەۋمەتتىك قاشىقتىقتى جانە سانيتارلىق ەپيدەميولوگيالىق نورمالاردى ساقتاعان كوشە فورماتىنداعى اشىق اسپان استىنداعى نىسانداردان وزگە قوعامدىق تاماقتانۋ نىساندارى;
- قالالىقتار جاپپاي شوعىرلاناتىن ورىندار, ونىڭ ىشىندە جاياۋ جۇرگىنشىلەر ايماقتارى, سەرۋەندەيتىن كوشەلەر, پاركتەر, سكۆەرلەر, وزەن ارنالارى, جاعاجاي, اكۆاپاركتەر, الاڭدار, بالالار مەن سپورت الاڭدارى جانە ت.ب.
- الماتى قالاسى اۋماعىنداعى تۋريستىك ايماقتار;
- فيتنەس-ورتالىقتار.
بۇدان وزگە, ا.ج. 20-21 ماۋسىم كۇندەرى قوعامدىق كولىكتىڭ جۇمىسى توقتاتىلادى.
ايتا كەتەرلىگى, جۇمىستارى توقتاعان بارلىق نىساندارعا سانيتارلىق-پروفيلاكتيكالىق جانە سانيتارلىق-ەپيدەمياعا قارسى شارالار جۇرگىزىلەدى.
قوسىمشا شارالاردىڭ باستى مىندەتى – كوروناۆيرۋستىڭ تارالۋ تىزبەگىن جويۋ, جاڭا جۇقتىرۋ وقيعالارىنىڭ تاۋەكەلىن تومەندەتۋ.
كوروناۆيرۋستىڭ تارالۋىن بولدىرماۋ جونىندەگى كوميسسيا قالالىقتاردان قالادا ءجۇرۋدى ازايتۋدى, اسىرەسە تاۋەكەل ساناتىنا جاتاتىن قارت ادامدارعا ۇيدە قالۋدى ۇسىنادى.
ەسكە سالا كەتەيىك, ەپيدەمياعا قارسى شارالاردى بۇزعانداردىڭ جەكە جاۋاپكەرشىلىككە تارتىلۋى قاراستىرىلعان. پوليتسيا قىزمەتكەرلەرى ادامدار جاپپاي جينالاتىن ورىنداردا جاڭادان ەنگىزىلگەن شارالاردىڭ ساقتالۋىن قاداعالاۋ بويىنشا پاترۋلدىك قىزمەتتى كۇشەيتەتىن بولادى.
انىقتاما ءۇشىن Open Almaty قوعامدىق قابىلداۋ 1308 ءنومىرى بويىنشا جۇمىس ىستەيدى.
