مىسالى, پوليتسيا قىزمەتكەرلەرى تۇركىستان-كەنتاۋ تاس جولى بويىندا “اۋدي” ماركالى اۆتوكولىگىن توقتاتىپ تەكسەرگەن كەزدە پوليەتيلەن پاكەتكە ورالعان حوش ءيىستى, جاسىل ءتۇستى ەسىرتكىگە ۇقساس زات تابىلعان. كۇدىكتى كەنتاۋ قالاسىنىڭ تۇرعىنى بولىپ شىقتى. ساراپتاما تاعايىندالىپ, زەرتتەۋ قورىتىندىسىنا سايكەس تاركىلەنىپ الىنعان وسىمدىكتىڭ سالماعى ءبىر كەلىدەن استام “ماريحۋانا” ەكەنى انىقتالدى. سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلگەن قىلمىستىق ءىس اياسىندا, كۇدىكتىنىڭ ۇيىنە ءتىنتۋ جۇمىستارى جۇرگىزىلگەن. تۇرعىننىڭ سارايىندا تۇرعان كىر جۋعىش ماشيناسىنىڭ ىشىنەن پوليەتيلەن پاكەتكە ورالعان جاسىل ءتۇستى «ماريحۋاناعا» ۇقساس سالماعى ءبىر كەلىدەن استام وسىمدىك الىندى. ساراپتاماعا سايكەس ول دا “ماريحۋانا” ەكەندىگى بەلگىلى بولدى.
اتالعان جايت قر قك-ءنىڭ 296-بابى (ەسىرتكى, پسيحوتروپتىق زاتتارمەن, سول تەكتەستەرمەن, پرەكۋرسورلارمەن وتكىزۋ ماقساتىنسىز زاڭسىز جۇمىس ىستەۋ) بويىنشا تىركەلگەن. ءتارتىپ ساقشىلارى ەكى كەلىدەن استام ماريحۋانا تاركىلەگەن كۇدىكتى قاماۋعا الىندى. قازىرگى تاڭدا سوتقا دەيىنگى تەرگەۋ امالدارى جۇرگىزىلۋدە.
تۇركىستان وبلىسى
