مىنە, وسىعان وراي كەنشىلەر استاناسىندا ونلاين رەجىمىندە وتكەن ءباسپاسوز ءماسليحاتىندا قاراعاندى ەمحانالارىنىڭ باسشىلارى ءتاجۆيرۋس ىندەتىن سيمپتومسىز تاسىمالداۋشىلار قالاي باقىلاناتىنى جانە ىندەت جۇقتىرعاندار قانداي كورسەتكىشتەر بويىنشا اۋرۋحاناعا جاتقىزىلاتىنى تۋرالى ەگجەي-تەگجەيلى ايتىپ بەردى.
قاراعاندى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى گامال توقسامباەۆ سيمپتومسىز ناۋقاستار پتر-تەستىلەۋ جاساعان كەزدە انىقتالاتىنىن حاباردار ەتتى.
"جۇكتى ايەلدەر, سوزىلمالى جۇرەك-قان تامىرلارى اۋرۋلارى بار پاتسيەنتتەر, قانت ديابەتىمەن جانە تىنىس الۋ جۇيەسىنىڭ سىرقاتىمەن اۋىراتىن ادامدار مىندەتتى تۇردە تەكسەرىلەدى. سونداي-اق, پتر-تەستىلەۋدەن بۇرىن جۇقتىرعاندارمەن جاقىن قارىم-قاتىناستا بولعان ادامدار دا وتكىزىلەدى", دەپ ءتۇسىندىردى ول.
ەگەر پتر-تالداۋ وڭ ناتيجە كورسەتسە, بىراق سيمپتومدار بولماسا نەمەسە ولار ءالسىز بولسا, وندا پاتسيەنتتى ءۇي كارانتينىنە ورنالاستىرىپ, ەمحانالاردىڭ باقىلاۋىنا الادى ەكەن. بۇل تۋراسىندا «قاراعاندى قالاسىنىڭ №3 ەمحاناسى» كمك ديرەكتورى ءسانيا بورانقۇلوۆا ايتىپ بەردى.
ء"بىز كۆي سىرقاتى بار سيمپتومسىز ناۋقاستاردى باقىلايتىن ارنايى ءبولىم قۇردىق. پاتسيەنتتەرگە دارىگەرلەر نەمەسە مەديتسينالىق ورتا بۋىن قىزمەتكەرلەرى قوڭىراۋ شالىپ وتىرادى. ولارعا باقىلاۋ جاساۋ وڭايىراق بولۋ ماقساتىندا, مىسالى كىممەن قاشان اڭگىمە جۇرگىزىلگەنىن, كىمگە دارىگەردىڭ كومەگى كەرەك ەكەنىن ءبىلىپ وتىرۋ ءۇشىن پاتسيەنتتەر كۇن سايىن بىرنەشە توپقا بولىنەدى", دەيدى مامان.
ال قاراعاندىداعى №1 كوپسالالى اۋرۋحانا ديرەكتورىنىڭ ورىنباسارى رادميلا گابدراكيپوۆا كەيبىر پاتسيەنتتەرگە قاننىڭ وتتەگىمەن قانىعۋ دەڭگەيىن باقىلاۋعا قابىلەتتى ارنايى قۇرالدار – پۋلسوكسيمەترلەر ۋاقىتشا پايدالانۋعا تەگىن بەرىلەتىنىن جەتكىزدى. بۇل قۇرالداردىڭ كومەگىن قارت ادامدار, جۇرەك-قانتامىر جۇيەسى, بۇيرەك, تىنىس الۋ جۇيەسى, قانت ديابەتى جانە باسقا دا سوزىلمالى اۋرۋلارى بار ناۋقاستار الادى. ال مەديتسينا قىزمەتكەرلەرى پاتسيەنتتەرگە اتالعان قۇرالدى قالاي دۇرىس پايدالانۋدى ۇيرەتەدى, قانداي كورسەتكىشپەن بىردەن دارىگەردى شاقىرۋ كەرەكتىگىن تۇسىندىرەدى.
ونلاين ءباسپاسوز ءماسليحاتى بارىسىندا مەديتسينا ماماندارى مىنا ءبىر جايتقا باسا نازار اۋدارۋ كەرەكتىگىن ايتتى. ماسەلەن, قانىندا سيمپتومسىز ۆيرۋس بەلگىسى بار ناۋقاستار زەينەتكەرلەرمەن, جۇكتى ايەلدەرمەن نەمەسە بالالارمەن بىرگە تۇراتىن بولسا, ولار ەمدەلۋگە جاتقىزىلۋى مۇمكىن. مۇنداي پاتسيەنتتەر ءۇشىن كەنشىلەر استاناسىنداعى "تۋريست" جانە "مەريديان" قوناق ۇيلەرى ارنايى تۇردە قايتا جابدىقتالعان.
جالپى, تالاپ بويىنشا كوروناۆيرۋس ينفەكتسياسىن سيمپتومسىز تاسۋشىلار ءۇي كارانتينىندە ەكى اپتا ۋاقىت جاتۋى كەرەك. كەيىن ولاردان قايتادان الىنعان پتر-تالداۋ تەرىس ناتيجە كورسەتسە, وندا ناۋقاس بۇرىنعى قالپىنا كەلدى دەپ سانالادى. ەگەر, تەست قاندا كوروناۆيرۋس بەلگىسى بارىن راستاسا, ونداي جاعدايدا پاتسيەنت دارىگەرلەردىڭ باقىلاۋىندا قالىپ, ەم الۋدى ء ارى قاراي جالعاستىرا بەرەدى.
قاراعاندى وبلىسى
