ءباسپاسوز ماجىلىسىنە شىمكەنت قالاسى ءال-فارابي اۋدانىنىڭ اكىمى عابيت ماۋلەنقۇلوۆ جانە تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ ءال-فارابي اۋدانى بويىنشا باسشىسى تالعات سەرمانيازوۆ قاتىستى.
بريفينگتە ەڭ العاش ءسوز العان عابيت پاتشاحان ۇلى ءال-فارابي اۋدانى بويىنشا كارانتينگە 128 ءۇي جابىلىپ, بۇگىندە ونىڭ 76-سى اشىلىپ, قالعان 52-ءسى جابىق تۇرعانىن العا تارتتى. ودان بولەك, كارانتينگە جابىلعان ايماقتارعا تۇراقتى تۇردە زالالسىزداندىرۋ جۇمىستارى جۇرگىزىلىپ جاتقانىن جەتكىزدى.
"سانيتاريالىق-ەپيدەمياعا قارسى جانە حالىقتىڭ قاۋىپسىزدىگىن قامتاماسىز ەتۋ ماقساتىندا ءال-فارابي اۋدانى پروكۋراتۋراسى, ءال-فارابي اۋدانى اكىمى اپپاراتى, ءال-فارابي اۋدانىنىڭ جەرگىلىكتى پوليتسيا قىزمەتكەرلەرى مەن ءال-فارابي اۋداندىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسى قىزمەتكەرلەرى بىرلەسە 4 جۇمىسشى توپ قۇرىلىپ, شىمكەنت قالاسى باس سانيتارىنىڭ №20 قاۋلىسىندا كورسەتىلگەن تالاپتاردى ورىنداۋ بويىنشا اۋدان اۋماعىنداعى بارلىق كاسىپكەرلەرگە تۇسىندىرمە جۇمىستارى جۇرگىزىلدى. بىزدە 4 نارىقتىق بازار بار. ونىڭ بىرەۋى ("قازىبەك" بازارى) تاۋلىك بويى جۇمىس ىستەيدى. ال قالعاندارى 06:00-19:00 ارالىعىندا. سونداي-اق, 61 جانارماي بەكەتى, 227 كافە, 156 اسحانا, 44 سۋپەرماركەت, 575 ازىق-ت ۇلىك دۇكەندەرى مەن 204 ءدارىحانا نىساندارى قىزمەت اتقارۋدا. ولار كۇنىنە 2 رەت دەزينفەكتسيالانۋدا", – دەدى ع.ماۋلەنقۇلوۆ.
اۋدان اكىمىنىڭ سوزىنە سۇيەنسەك, اتالعان اۋماقتا 672 كوپقاباتتى تۇرعىن ءۇي, 2244 كىرەبەرىس الاڭدارى جانە 400 ويىن الاڭدارى بار. ولاردى دەزينفەكتسيالاۋ جۇمىستارى 14 سەرۆيستىك كىزمەت كورسەتۋشى مەكەمەلەر تاراپىنان اتقارىلۋدا. بۇل زالاسىزداندىرۋ جۇمىستارىن بەكىتىلگەن كەستەگە سايكەس ارنايى ماماندار جۇرگىزەدى. ال قولدانىلىپ جاتقان ەرىتىندى ادامدار مەن جانۋارلار ءۇشىن قاۋىپسىز.
بريفينگتە بەلگىلى بولعانداي, شىمكەنت قالاسى باس سانيتارى ا.تۋلەباەۆتىڭ №20 قاۋلىسىنا سايكەس 4 ءىرى ساۋدا ورتالىقتارى ("Shymkent Plaza" ءسۇ, تسۋم ءسۇ, "Mega Planet" ءسۇ, "بەرەكە" ءسۇ) ۋاقىت شەكتەۋ ەنگىزۋ ارقىلى ءوز جۇمىستارىن قايتا جانداندىرعان. ودان بولەك, 16 ساۋدا ورتالىقتارى مەن 575 شاعىن كاسىپكەرلىك نىساندار جۇمىس ىستەپ تۇر.
تاعى ايتا كەتەرلىگى, بۇگىندە جىلۋ تۇسىرگىش (تەپلوۆيزور) قۇرالدارىمەن 12 كاسىپكەرلىك نىسان جابدىقتالعان. ال اۋدان اكىمى اپپاراتىنىڭ ماماندارىمەن سانيتارلىق-ەپيدەمياعا قارسى ءىس-شارالار اتقارۋ ماقساتىندا كاسىپكەرلىك نىساندارعا جىلۋ تۇسىرگىش قۇرالدارىن جابدىقتاۋ قاجەتتىگى بويىنشا تۇسىندىرمە جۇمىستارى جۇرگىزىلگەن.
وسى رەتتە ءال-فارابي اۋدانى بويىنشا تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ باسشىسى تالعات قۇتتىباي ۇلى 11 مامىرعا دەيىن 25 كاسىپكەرلىك نىساندارعا سانيتارلىق رەجيمدى بۇزعانى ءۇشىن حاتتاما تولتىرىلعانىن ايتىپ, ودان كەيىن تەك ءتۇسىندىرۋ جانە ەسكەرتۋ جۇمىستارى جۇرگىزىلگەنىن جەتكىزدى.
"بۇگىنگە دەيىن سانيتارلىق نورمالاردى بۇزىپ جاتقان كاسىپكەرلىك نىساندارعا ەسكەرتۋ ايتۋمەن شەكتەلدىك. ەندىگى كەزەكتە حاتتاما تولتىرىپ, جازا قولدانامىز. قاجەت بولسا, جابۋعا كوشەمىز", – دەدى ت.سەرمانيازوۆ.
