سپورت • 16 ماۋسىم، 2020

18 شىلدەدە الماتىدا كاسىپقوي بوكس كەشى وتەدى

98 رەت كورسەتىلدى

الماتىدا MTK Global كومپانياسىنىڭ ۇيىمداستىرۋىمەن كاسىپقوي بوكس كەشى وتەدى دەپ جوسپارلانۋدا. بۇل جارىس ESPN+ جانە IFL TV ارنالارى ارقىلى كۇللى الەمگە كورسەتىلەدى، - دەپ حابارلايدى Egemen.kz.

قازىرگى كەزدە جانكۇيەرلەر تۇرسىنباي قۇلاحمەت پەن تالعات شايكەننىڭ شارشى الاڭعا شىعۋىن تاعاتسىزدانا كۇتۋدە. وسىعان دەيىن ەكەۋى دە اۋەسقويلار اراسىندا وزدەرىنىڭ مىقتىلىعىن مويىنداتىپ ۇلگەردى. 26 جاستاعى تۇرسىنباي بىلتىر ازيا چەمپيونى اتانىپ، الەم چەمپيوناتىندا قولا مەدالدى يەلەندى. ونىڭ الدىندا سىر بويىنىڭ سايىپقىرانى دۇنيەجۇزىلىك ۋنيۆەرسيادادا توپ جاردى.

تالعات تا قارا جاياۋ ەمەس. جاسوسپىرىمدەردىڭ دۇنيەجۇزىلىك ويىندارىندا كۇمىس مەدالدى ەنشىلەپ، جاستار اراسىندا ازيا چەمپيونى اتانعان 19 جاستاعى اقمولالىق ارلان ەرەسەكتەر دۋىنا دا ەركىن قوسىلدى. بىلتىر ول قازاقستان رەسپۋبليكاسى سپارتاكياداسىندا باس جۇلدەنى ولجالاپ، نۇر-سۇلتاندا وتكەن پرەزيدەنت كۋبوگى جولىنداعى جارىس پەن بۋداپەشتەگى حالىقارالىق تۋرنيردە كۇمىس مەدالدى موينىنا ءىلدى. ەندى ولار كاسىپقوي رينگتەگى وزدەرىنىڭ تۇساۋكەسەر كەزدەسۋلەرىن وتكىزبەك.

جوعارىدا ەسىمدەرى اتالعان قوس قىراننان بولەك، اباي تولەش (5-0، 3 كو)، داۋرەن ەلەۋسىنوۆ (8-0-1، 7 كو)، ارمان رىسبەك (7-0، 6 كو)، بەرىكباي نۇرىمبەتوۆ (5-0، 1 كو)، نۇردوس تولەباي (2-0، 1 كو) جانە راي سەيتجانوۆ (2-0) سىندى بىلعارى قولعاپ شەبەرلەرى الماتىدا وتەتىن بوكس كەشىندە ونەر كورسەتەدى. بەلارۋستىڭ ەڭ ۇزدىك باپكەرى – اندرەي سكابەلكا.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار