شاكىرتتەر دە, بۇلدىرشىندەر دە ءماز

الماتى قالاسىندا ءبىر مەكتەپ پەن ءبىر بالاباقشا قاتارعا قوسىلدى وتكەن اپتانىڭ سوڭىندا تۇرك­سىب اۋدانىنداعى “تۇركسىب بەسجىلدىعى” ىقشام اۋدانىندا جال­پى ءبىلىم بە­رە­تىن مەكتەپتىڭ جانە الاتاۋ اۋدا­نىن­داعى “ۇلجان” ىقشام اۋدا­نىن­دا بالاباقشانىڭ اشىلۋ سال­تان­ا­تىنا قالا اكىمى احمەتجان ەسىموۆ قا­تىستى. بارعان سايىن مولايا ءتۇس­كەن كوكتەم شۋاعىنا ورايلاسقان وسى يگىلىكتى جاعدايلار اتا-انالاردى, وقۋشى بالالار مەن جاس جەت­كىن­شەك­تەردى قۋانىشقا بولەدى. قازاق جانە ورىس تىلدەرىندە وقى­تىلاتىن №84 ورتا مەكتەبى “100 مەكتەپ, 100 اۋرۋحانا” باعدارلاماسى اياسىندا, 1939 جىلدان بەرى جۇمىس ىستەپ كەلە جاتقان ەسكى مەكتەپتىڭ ور­نىن­دا بوي كوتەردى. بۇل كوز ءسۇيىن­دىر­گەن جاڭا نىساننىڭ سمەتالىق قۇنى 1 ملرد. 648 ملن. تەڭگەگە ءتۇستى. جاڭا ءبىلىم ورداسى 1200 وقۋشىعا ەسەپ­تەلىپ سالىنعان. كوكتەمگى كاني­كۋل­دان كەيىنگى ءتورتىنشى توقساننىڭ ءبى­رىنشى وقۋ كۇنىندە 1-11 سىنىپتار بو­يىنشا 700-دەن استام بالا سا­باققا كىرىستى. اۋماعى 14634,1 شار­شى مەتر بولاتىن وقۋ ورنى وسى زا­ماندىق جوبامەن سالىنىپ, ۋاقىت تا­لابىنا ساي جابدىقتارمەن, ين­تە­راك­تيۆتى تاقتالارمەن, كوم­پيۋ­تەر­لەرمەن جانە باسقا قۇرالدارمەن جاراقتالعان. مەكتەپتە وقۋ جانە كورەرمەن زالدارى, كىتاپحانا, سپورت­تىق-ساۋىقتىرۋ ورىندارى, اقپا­رات­تىق ورتالىق, اسحانا جۇمىس ىستەيدى. وقۋشىلاردى, ولاردىڭ اتا-انا­لارىن جانە مۇعالىمدەر قاۋىمىن جاڭا قونىس تويىمەن قۇتتىقتاعان قالا اكىمى سوڭعى جىلى الماتىدا وسىن­داي بەس جاڭا ءبىلىم ورداسى سا­لىن­عاندىعىن اتاپ كورسەتتى. جاب­دىق­تالۋى مەن جوباسى جاعىنان مىنا مەكتەپ سولاردىڭ قاي-قايسىنان دا كەم سوقپايتىن تاماشا نىسان بولىپ تابىلادى. مۇندا بالالاردىڭ ساپالى ءبىلىم مەن لايىقتى تاربيە الۋى ءۇشىن نە قاجەتتىڭ ءبارى جاسالعان. دەمەك, ەلباسىنىڭ ايتۋىنا ساي, وسكەلەڭ ۇرپاققا تەرەڭ ءبىلىم, تاماشا تاربيە بەرىپ, ولاردىڭ ساناسىنا جاڭاشىل دا سەرگەك ازاماتتىق رۋحتى بارىنشا ءسىڭىرۋ ۇدەسىنەن شىعۋ – مۇعالىمدەر ءۇشىن پارىز. ال 320 ورىندىق №165 جاڭا بالاباقشانىڭ اشىلۋى ەلباسى قامقورلىعىنداعى الاتاۋ اۋدانى تۇرعىندارىنىڭ كوڭىلىنەن شىقتى دەۋ كەرەك. بۇل الماتىنىڭ جاڭا اكىمشىلىك اۋدانىندا سوڭعى جىلدا پايدالانۋعا بەرىلىپ وتىرعان ءۇشىنشى بالاباقشا. جالپى اۋماعى 6265,5 شارشى مەترلىك نىسانعا قالا بيۋد­جە­تىنەن 740 ملن.تەڭگە قارجى ءبو­لىنگەن بولاتىن. سونىڭ ءبارى ساتىمەن يگەرىلدى. بالاباقشا جاس ەرەك­شە­لى­گىنە وراي 16 توپقا ەسەپتەلىپ سا­لىنعان. ءار توپتا 20-عا دەيىن بالا بولماق. مۇندا حاۋىز, وينايتىن جانە ۇيىقتايتىن بولمەلەر, كىر جۋاتىن ورىن, مەدي­تسينا ءبولىمى, تاماقتاندىرۋ بلوگى, سونداي-اق اۋلادا بىرنەشە ويىن الاڭى بار. سونىمەن قاتار اتالمىش نىساندا سۇيىق وتىنمەن جاعىلاتىن ءوز قازاندىعى ورناتىلعان. اۆتوماتتى رەجيمدەگى كۇن باتارەيالارى جۇمىس ىستەيدى. مۇنىڭ ءوزى جازعى ۋاقىتتا سۋ جىلىتاتىن وتىندى ۇنەمدەۋگە مۇمكىندىك بەرمەك. ءسوز رەتىنە قاراي ايتا كەتسەك, الماتى قالاسىندا ءالى 22 مىڭ بالا بالاباقشا كەزەگىندە تۇر. قازىر “دار­حان” جانە “دۋمان” ىقشام اۋدان­دارىندا ارقايسىسى 320 ور­ىندىق ەكى بالاباقشا قۇرىلىسى جۇرگىزىلىپ جاتىر. سونداي-اق جىلدىڭ ەكىنشى جارتىسىندا “قالقامان” جانە “كوك­جيەك” ىقشام اۋداندارىندا تاعى ەكى بالاباقشا قۇرىلىسى باستالماق. قورعانبەك امانجول.