ايماقتار • 15 ماۋسىم، 2020

قىزىلوردا وبلىسىندا ءبىر اپتادا 3 ادام سۋعا كەتتى

54 رەت كورسەتىلدى

وتكەن اپتادا قىزىلوردا وبلىسىندا 3 ادام سۋعا كەتتى. قۇربانداردىڭ العاشقىسى 8 سىنىپ وقۋشىسى. ول 12 ماۋسىم كۇنى تاجىباەۆ اۋىلى تۇسىنداعى تەلىكول كانالىنان اتپەن وتپەك بولعان كەزىندە سۋعا كەتكەن، - دەپ حابارلايدى Egemen.kz.

ال، 14 ماۋسىم كۇنى تجد داعدارىس جاعدايلارىندا باسقارۋ باسقارماسىنا شيەلى اۋدانى بايگەقۇم اۋىلىنداعى حانقوجا كولىنە 1992 جىلعى ەر ادامنىڭ باتىپ كەتكەنى تۋرالى حابار جەتكەن. ونىڭ دوستارى شىعارىپ العانمەن جاس جىگىت اۋرۋحاناعا بارار جولدا ءۇزىلىپ كەتكەن.

ءدال وسى كۇنى قىزىلوردا قالاسىنداعى اراي شاعىن اۋدانى تۇسىندا سىرداريا وزەنى بويىنداعى سۋعا تۇسۋگە تىيىم سالىنعان جەردە تاعى ءبىر ادام باتىپ كەتكەن. ءورت ءسوندىرۋ قىزمەتىنىڭ جەدەل-قۇتقارۋ جاساق قۇتقارۋشىلارى 1975 جىلعى ەر ادامنىڭ دەنەسىن سۋ استىنان الىپ شىقتى.

جىل باسىنان بەرى 15 ادام سۋعا كەتىپ، كوز جۇمدى. ءبىر ادام قۇتقارىلدى. سوڭعى اپتادا ءۇش ادام سۋعا كەتتى. تۇرعىنداردان بارلىق قاۋىپسىزدىك شارالارىن ساقتاۋىن سۇرايمىز، - دەدى قىزىلوردا وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ ءباسپاسوز حاتشىسى ءاليا ەرەجەپوۆا.

سوڭعى جاڭالىقتار

ۇقساس جاڭالىقتار