قازاقستان • 11 ماۋسىم، 2020

ۆەدومستۆوارالىق كوميسسيا سانيتارلىق رەجيمدى كۇشەيتۋ ماسەلەلەرىن قارادى

17 رەت كورسەتىلدى

پرەمەر-ءمينيستردىڭ ورىنباسارى ە. توعجانوۆتىڭ توراعالىعىمەن وتكەن كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ كەزەكتى وتىرىسىندا ەلىمىزدەگى قازىرگى ەپيدەميولوگيالىق احۋال، حالىقتى جەكە قورعانۋ قۇرالدارىمەن قامتاماسىز ەتۋ، حالىقارالىق اۋە قاتىناستىرىن كەزەڭ-كەزەڭمەن اشۋ جانە باسقا دا وزەكتى ماسەلەلەر قارالدى، - دەپ حابارلايدى Egemen.kz

دەنساۋلىق ساقتاۋ ۆيتسە-ءمينيسترى ل. بيۋرابەكوۆا ءوز بايانداماسىندا حالىق اراسىندا سانيتارلىق ءتارتىپتىڭ ساقتالماۋىنىڭ كەسىرىنەن ەلىمىزدە كوروناۆيرۋسپەن اۋىرعاندار سانى كوبەيىپ كەلە جاتقانىن اتاپ ءوتتى.

"اۋرۋ اداممەن بايلانىستا بولعانداردىڭ اراسىندا ۆيرۋستى جۇقتىرعاندار سانى ارتتى، ونىڭ ىشىندە ءبىر وتباسى مۇشەلەرى اراسىندا سىرقاتتانۋ جاعدايى كوپ تىركەلۋدە. وتكەن ەكى اپتادا كوروناۆيرۋستى جۇقتىرعانداردىڭ جارتىسىنا جۋىعى ۇجىمدارعا قاتىستى بولىپ وتىر"، — دەدى.

وسىعان وراي، پرەمەر-ءمينيستردىڭ ورىنباسارى اۋىرعان ادامدار سانى ارتىپ وتىرعان وڭىرلەردىڭ اكىمدىكتەرىنە كارانتين شارالارىن كۇشەيتۋ ماسەلەلەرىن قاراستىرۋدى تاپسىردى.

ءوڭىر اكىمدىكتەرى سانيتارلىق-ەپيدەميولوگيالىق تالاپتاردىڭ ساقتالۋىن باقىلايتىن مونيتورينگ توپتارىنىڭ جۇمىسىن كۇشەيتۋدى، تالاپتاردى ورىنداماعان وبەكتىلەردىڭ قىزمەتىن انىقتالعان كەمشىلىكتەردى ورنىنا كەلتىرگەنشە ۋاقىتشا توقتاتۋ بويىنشا ناقتى شارالار قابىلداۋدى قولعا الۋى قاجەت.

مەملەكەتتىك ورگان باسشىلارىنا ۇجىمنىڭ 80%-ىن قاشىقتان جۇمىس ىستەۋ تارتىبىنە اۋىستىرۋ ۇسىنىلدى.

كەڭەس قورىتىندىسى بويىنشا پرەمەر-ءمينيستردىڭ ورىنباسارى ە. توعجانوۆ بىرنەشە ناقتى تاپسىرمالار بەردى.

سوڭعى جاڭالىقتار

ۇقساس جاڭالىقتار